المساعد الشخصي الرقمي

مشاهدة النسخة كاملة : هام :- محلات بيع أدوات البر و الرحلات


بر الوالدين
20/02/2014, 04:04 PM
السلام عليكم ورحمة الله وبركاته

و أسعد الله أوقاتكم بكل خير

محلات

الكشاته / السنيدي / برق الحياء

أي فيهم أرخص بشكل عام

الرواق / العزب / داوفير / الفرشات ...... ألخ
الشولة
20/02/2014, 04:32 PM
السلام عليكم أخي الكريم
الصراحة من خبرتي المتواضعه أنه كل بضاعة لها سعر على حسب الجودة يعني فيه محلات تحصل بضايعهم رخيصه لكن جودتها سيئه و العكس محلات بضايعهم غاليه لكن جودتها عاليه و أنا أنصحك دايم تدور الجوده العاليه لأنها تعيش معك.
بينما في البضائع المشتركه يكون التفاوت في السعر قليل بين أغلب المحلات و بعض المحلات يكسب الزبون في سعر معين بحيث يكون أقل من منافسينه لكن تكون البضايع الثانيه غاليه و معظم الأصدقاء و الزملاء يدورو المحلات لمعرفة أفضل جودة بأفضل سعر و المثال على كذا في ترتيب العزبه تلقى الواحد يشتري كل قطعه من مكان عشان يحصل في النهايه على أفضل جوده بأرخص سعر.
أتمنى إني أفدتك
OsAmAh123
20/02/2014, 05:43 PM
عندك محل الكشاته أفضل اسعار ..
PAJERO
20/02/2014, 08:54 PM
دئما اجد الجديد

الأسعار المعقولة

الجودة

حسن التعامل

خدمة جيدة

في برق الحياء

وغيرهم انت وشطارتك ومعرفتك

اقول هذا بناء على تجارب شخصية مع أكثر المحلات

في الرياض والقصيم

والجيد يفرض نفسة
اسدهم
20/02/2014, 08:59 PM
برق الحيا احس تفوق علا بعض المحلات

بدون ذكر اسماء
abu juod
21/02/2014, 01:24 AM
مثل ماذكروا الآخوان كل شي يختلف في ترتيبك وطلبك

من ناحية الجودة والصناعة والله يرزق المحلات اللي ذكرتها جميعاً

أشوف محلات البرية بحي الروابي معقوووول

موفق ياااارب ،،،
بر الوالدين
21/02/2014, 03:02 PM
هلا والله بالجميع

ارى ان برق الحياء اسعاره غير مبالغ فيها

اما البريه اخي ابو جود لاحظت انه اغلى من الجميع
فهدالخرس
21/02/2014, 10:11 PM
اخووي مر على الغرابي تلقا اللي انت تبي وبارخص الاسعار
مثالا فرشه 2 في 4 مبطنه تلقاها بالغرابي ب130 او اقل وعند السنيدي فوق ال 200 وقس عليها باقي الاغراض والله يوفقنا وايااك
ابوعقيل81
22/02/2014, 11:58 PM
انا دايم احوس بالكشاته وبرق الحيا والبريه والسنيدي
الكشاته ارخص في الرواق وجودته معقوله وشنط العزبة الحديد عندهم زينه وشريت منهم الدافور وموقد كوفيا والمراكي
برق الحيا جيد وله محبين تعجبني عندهم الشنط وتنوع العرض لانه يبيع للغير مثل القاضي والسنيدي
البريه اشتري منهم الامور الي ما احصلها في المحلين السابقة واسعارهم لك عليها شوي
والسنيدي اذا بغيت عروض كثيره واشياء مو في بالك ويعجبني تنوع العرض خصوصا في العزب والشنط والزوالي ، لكن ينقصهم بعض الامور مثل دبات زرقاء ماعندهم غير هنديه وصينيه ماتحصل ايطاليه
وغالبا ما يبيع غير منتجاته

الغرابي مو زين بعتبار الجودة انت وحضك والمحل الي تتعامل معه
لكن ميزتهم انك ممكن تفصل الي تبي
والاشياء الي ما تفرق معك تشتريها منهم مثل عدة الخيام حبال وكماليات وغيرها
وتحصل عندهم افكار جيده احيانا
بر الوالدين
23/02/2014, 08:41 AM
أخواني و احبتي ( الخرس / أبو عقيل ) بيض الله وجيهكم

و مقارنه رائعه أخوي أبو عقيل

وكما تفضلت الخرس / مدري ليه بعض المحلات تستفز الزبون
بر الوالدين
23/02/2014, 08:49 AM
http://www.mekshat.com/pix/upload04/images157/mk70213_43.jpg



أقصر رواق بالصوره ( ذو اللون الأبيض )

بكم تتوقعون عند باقي المحلات

( ولأصحاب الإكسبديشن

هذاي تراهـ تجي بالمقاس و بالضبط خلف المرتبه الثالثه )




* ثم إنظروا إلى الفرشه الحمراء المعلقه على الجدار على كم هيبه في باقي المحلات
ابوحسن ...
23/02/2014, 11:39 AM
برق الحيا افضل الاسعار بكل شي وتعاملهم جدا ممتاز

انا اتكلم من ناحية تجربه
SIF
23/02/2014, 12:38 PM
جودة البرية يعيبه الغلاء قليلا
بضائع منوعة برق الحياء

سنيدي الرياض للأسف كبير على قلة سنع ينقصه أشياء وارده فكيف وارد غيره بعكس سنيدي الفصيم فهو بالقمة
ابوعقيل81
24/02/2014, 01:31 AM
العفو اخوي
اعتقد ارخص رواق عند الكشاته ب٦٦ ريال طول ٦ متر