خشكاري
09/11/2006, 09:38 PM
السلام عليكم ورحمة الله وبركاته . . .
ياجماعة الخير بإختصار فيه سلقة لونها بني فاتح وعلى رقبتها طوق مربوط فيه حبل قصير مايوصل الأرض . . صار لي يومين أشوفها ملبده في برح مواقف التريلات بالدمام إللي بحي التلفزيون جنوبي شارع الملك سعود . .
شفتها مرتين البارح وأولة البارح وأنا طالع من دوام لليل تقريبا الساعة 11 ونص بالليل . . وحاولت أقفطها لاكنها تجفل مدري وش فيها . .!! ويشهد الله إنها زينه وفتنتني لاكن ماااش ماقدرت أمسكها خايفه . . توقف شوي ثم تجفل من برحه لبرحه . . وأنا زي الخبل أطردها بين هالتريلات والبرح ومابقى إسم مادعيتها به . . وأنواع التصفير والصياح كأني في هدد :p . .
وفي كلتا المحاولتين ضيعتها لأني ماكنت مستعد لها لابوجبة محترمة لإغريها ولا بوضع يسمح لأني أكون ببدلة العمل :j . .
أتمنى لو فيه مكشاتي خبير بالسلق وماتاكل عيش معه من الدمام يمر على المنطقة ويشوف الوضع . . ولاعلموني وش الدبره معها لأن إحتمال كبير إنها لاتزال هناك . . وأنا مار مار عليها الليلة وأنا طالع من الدوام لأنها على دربي . .. . وأتوقع إنها مازبنت هناك إلا علشان تاكل مايرمونه لها سواقين التريلات . .
ياجماعة الخير بإختصار فيه سلقة لونها بني فاتح وعلى رقبتها طوق مربوط فيه حبل قصير مايوصل الأرض . . صار لي يومين أشوفها ملبده في برح مواقف التريلات بالدمام إللي بحي التلفزيون جنوبي شارع الملك سعود . .
شفتها مرتين البارح وأولة البارح وأنا طالع من دوام لليل تقريبا الساعة 11 ونص بالليل . . وحاولت أقفطها لاكنها تجفل مدري وش فيها . .!! ويشهد الله إنها زينه وفتنتني لاكن ماااش ماقدرت أمسكها خايفه . . توقف شوي ثم تجفل من برحه لبرحه . . وأنا زي الخبل أطردها بين هالتريلات والبرح ومابقى إسم مادعيتها به . . وأنواع التصفير والصياح كأني في هدد :p . .
وفي كلتا المحاولتين ضيعتها لأني ماكنت مستعد لها لابوجبة محترمة لإغريها ولا بوضع يسمح لأني أكون ببدلة العمل :j . .
أتمنى لو فيه مكشاتي خبير بالسلق وماتاكل عيش معه من الدمام يمر على المنطقة ويشوف الوضع . . ولاعلموني وش الدبره معها لأن إحتمال كبير إنها لاتزال هناك . . وأنا مار مار عليها الليلة وأنا طالع من الدوام لأنها على دربي . .. . وأتوقع إنها مازبنت هناك إلا علشان تاكل مايرمونه لها سواقين التريلات . .