لغزٍ يابو محمد على النت عاري.....................الحل:داخل اللغز..حله:راعي العجراء

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز من شايب مسند لثنائي الشيبان


لغزٍ يابو محمد على النت عاري=ماهو من اللي دونه احصون وتروس
عن شاعرٍ قوله بالامثال ساري=متمخضٍ من وضع يالهيل ميئوس
( حالٍ ودون ) بالمثل صار جاري=وسمٍ واسمٍ مخلفن بينهن روسٍ
اسمين لاقيلن لك الفم طاري=ذا مِنِّه خارج ذاك للجوف مدسوس


مع تحيات ابو ماجد

منتديات مكشات 0 خيمة الالغاز

[نجم القوافي]

وعليكم السلام ورحمة الله وبركاته



صح لسانك وبيض الله وجهك



مشاء الله تبارك الرحمن



مبدع ابو ماجد



رنعه مستعجلة




اللي يبينا عيت النفس تبغيه ... واللي نبي عيا البخت لايجيبه

[ابو ماجد 2]

وعليكم السلام ورحمة الله وبركاته




صح لسانك وبيض الله وجهك



مشاء الله تبارك الرحمن



مبدع ابو ماجد



رنعه مستعجلة





اللي يبينا عيت النفس تبغيه ... واللي نبي عيا البخت لايجيبه


هلا بنجمنا
صبحك الله بالخير
صح بدنك ووجهك ابيض اليم وكل يوم
والابداع انتم اهله
الرمعه مالك لوى يالغالي

[فهد الهلالي]

صح السان يابو ماجد
واشكرك على التوجيه يالشايب نمبر ون
ولله درك على هالالغاز المتميزه
محاوله
سهود ومهود
تقبل تحياتي

[ابو ماجد 2]

صح السان يابو ماجد

واشكرك على التوجيه يالشايب نمبر ون
ولله درك على هالالغاز المتميزه
محاوله
سهود ومهود

تقبل تحياتي


صح بدنك يالغالي
ونمبر ون ابو عدنان ماخطم عليه طال عمرك
شرفنا مرورك وانت لو نسند عليك معلقات لم تفيك حقك
الرمعه مالك لوى
والمطلوب مقوله اطلقها هالشاعر اتيت ببعض كلماتها باللغز ولمحت للباقي تلميح

[همس النسيم]

وعليكم السلام ورحمة الله وبركاته
صح لسانك يابو ماجد
على هاللغز الجزل
لي عودة بعد تفكير

[ابو ماجد 2]

وعليكم السلام ورحمة الله وبركاته
صح لسانك يابو ماجد
على هاللغز الجزل
لي عودة بعد تفكير

صح بدنك يالغالي
شرفتنا ودائما تشرفنا
الجزاله انتم اهلها
انتظر مرماعك

[نجم القوافي]

مساء الخير للجميع
وتقبل الله منا ومنكم صالح الاعمال
طرت لي رمعه



أهم بفعل الحزم لو أستطيعه
وقد حيل بين العير والنزوان

[راعي العجراء]

امسي عليكم بالخير
وصح السانك يابو ماجد مليون
رتعه
قال انفخ ياشريم قال مامن ضرس
او
تمخض الاسد وولد فار
مع السلامه

[ابو ماجد 2]

مساء الخير للجميع

وتقبل الله منا ومنكم صالح الاعمال
طرت لي رمعه



أهم بفعل الحزم لو أستطيعه

وقد حيل بين العير والنزوان


يامساء النور بنجمنا المحبوب
الرمعه مالك لوى
ولكن طيب منك ان تستخدم احد الكلمات التي اوردتها وهي ( حيل ) ولو اني اوردتها بقولي ( حال )

[ابو ماجد 2]

امسي عليكم بالخير

وصح السانك يابو ماجد مليون
رتعه
قال انفخ ياشريم قال مامن ضرس
او
تمخض الاسد وولد فار

مع السلامه


يامساء النور
وصح بدنك يالغالي
مالك لوى
وخلك مع نجم القوافي حيث استفاد من قولي حال وضمنها رمعته
ههههههههههههههههههههه
الله يقلع ابليسك توي انتبه لقولك مامن ضرس

[راعي العجراء]

طيب ياعم
يقول الشاعر
وحالي اللي مثل حال العزوبي = عشاه حب ومالقى من يسويه
مع السلامه

[ابو ماجد 2]

طيب ياعم

يقول الشاعر
وحالي اللي مثل حال العزوبي = عشاه حب ومالقى من يسويه

مع السلامه


طاب فالك
مالك لوى يالغالي
انتظر مرماعك القادم

[راعي العجراء]

طيب ياعم
داوم الحال من المحال
مع السلامه

[ابو ماجد 2]

طيب ياعم

داوم الحال من المحال

مع السلامه


طاب فالك ياعم
مالك لوى
في انتظار مرماعك القادم

[نجم القوافي]

نقول يالغالي
اشـرب المـاء وكـنـه يــرده عــود
واتـصــبــر وكــنـــي عــلـــى مـــلـــه
ياوجودي على ابو عيون سود
وجـدمـن طـــاح والـجـيـش قـدزلــة
حال دون الغضي شايب مقرود
جعـل مـوت خـذا الـنـاس يننـدلـه

[ابو ماجد 2]

نقول يالغالي

اشـرب المـاء وكـنـه يــرده عــود
واتـصــبــر وكــنـــي عــلـــى مـــلـــه
ياوجودي على ابو عيون سود
وجـدمـن طـــاح والـجـيـش قـدزلــة
حال دون الغضي شايب مقرود

جعـل مـوت خـذا الـنـاس يننـدلـه


هلا بنجمنا
ماشاء الله الكلمتين التي اوردتهما باللغز ضمنتهما رمعتك ( حان دون )
لكن الرمعه مالك لوى
ومابقي لك الا اسمين مخلف بينهن روس
والمطلوب سارت مثل وهي عباره عن مقوله وليست بيت شعر

[راعي العجراء]

طيب ياعم
مثل مدري مقوله
حال الجريض دون القريض
الجريض الريق الناشف
والقريض يمكن يقصد حبوب الحمبص
مع السلامه

[نجم القوافي]

لقد اتيت بالرمعه وسبقني بها راعي العجراء

حال الجَريض دونَ القَرِيض

مويد وبقوة

[ابو ماجد 2]

طيب ياعم



مثل مدري مقوله
حال الجريض دون القريض
الجريض الريق الناشف
والقريض يمكن يقصد حبوب الحمبص


مع السلام
ه

كفوووووووووو كفووووووووووووو كفوووووووووووو ياعم
ذكيته واحسنت التذكاة
لله درك
نعم
حال الجريض دون القريض
واليكم مانقلته عن المثل وقصته
الجريض : هو الريق , والقريض : هو الشعر . فإذا ما جفّ الريق من الخوف , استحال على الإنسان إنشاد


الشعر لأن الريق يسهل حركة اللسان . ويروى أن المنذر بن ماء السماء غضب على الشاعر عبيد بن الأبرص وهمّ
بقلته , ثم قال له قبل أن يقتله : أنشدني شعراً ! فقال له عبيد : حال الجريض دون القريض .
والشكر لنجم القوافي على تقريبه لحل اللغز
حان ودون كما نوهت موجودات بالمثل وكما ذكرهن نجم القوافي
والاسمين الجريض والقريض مخلفن بينهن روس
والجريض والقريض يطري لك الفم فيهن الريق يذهب للجوف وقرض الشعر وقوله يخرج من الفم
بيض الله وجيهكم انت ونجم القوافي

[ابو ماجد 2]

لقد اتيت بالرمعه وسبقني بها راعي العجراء



حال الجَريض دونَ القَرِيض



مويد وبقوة


ماقصرتوا كلكم وبيض الله وجيهكم جميعا

[نجم القوافي]

كفوووو والله كفوووو ثم كفوووو

راعي العجراء

وجهك ابيض ابو ماجد

تحياتي للجميع

[أبوعبدالرحمن99]

جيته و لي تفكير باللغز جاري = لو ان مغلاقه عن الفكر محروس
و اقفيت من دونه بلا رمع ساري =و البال فيه من المضامين هاجوس
نبطي عظم ما نوصله بالمحاري = في رمعته شفني من الحيرة احوس
متجود ما يوصلنه ذواري = متخبي و ما يكشفه نور فانوس
و الرمعة اللي ساق نجم النهاري = جابه و صابه بالبنادق ونادوس
عز الله انه كفو سبع الضواري = عين الصقر و مراقب الصيد مدروس
و صح اللسان و صح منك الطواري = للجزل رمز و فيك للطيب ناموس

[ابو ماجد 2]

كفوووو والله كفوووو ثم كفوووو



راعي العجراء


وجهك ابيض ابو ماجد


تحياتي للجميع



وانت بعد يانجمنا كفو فقد اتيت بلفظين هما مفتاحا الحل

[ابو ماجد 2]

جيته و لي تفكير باللغز جاري = لو ان مغلاقه عن الفكر محروس
و اقفيت من دونه بلا رمع ساري =و البال فيه من المضامين هاجوس
نبطي عظم ما نوصله بالمحاري = في رمعته شفني من الحيرة احوس
متجود ما يوصلنه ذواري = متخبي و ما يكشفه نور فانوس
و الرمعة اللي ساق نجم النهاري = جابه و صابه بالبنادق ونادوس
عز الله انه كفو سبع الضواري = عين الصقر و مراقب الصيد مدروس
و صح اللسان و صح منك الطواري = للجزل رمز و فيك للطيب ناموس




ابو عبدالرحمن قلمي يطأطي راسه والكلمات غصت بحلقه ولا يملك الا الانبهار بما تقدمه
اتيت بما يفوق اللغز ورمعته
انت لست اسير بل آسر لقلوبنا برقي تعاملك
صح لسانك وزادك الله من فضله

[ذيب الفقارة]

كفووووووووووووووووووووو كفوووووووووووووووووووو كفووووووووووووووووووووووو

حبيب الكل

راعي العجراء

الحل هو :

حال الجريض دون القريض

وصح لسانك فارسنا

أبو ماجد

وما قصر شاعرنا

أسير النور

تحياتي