المساعد الشخصي الرقمي

مشاهدة النسخة كاملة : وجدت الحل مع قوه مطب الجيب !!✌️


درايفر ربع
21/02/2014, 03:26 PM
بسم الله الرحمن الرحيم

السياره السست الدفع الرباعي ...مطامر ومناقز اثناء القياده مع كل مطب ونزله وطلعه
والآم مبرحه على الفراش عند الخلود للنوم وانواع المراهم والمسكنات 😰
وتلقى الواحد مننا وهو منسدح وضهره كله لصقات جونسون توه جاي من البر وماسك اللاب توب وكاتب في قوقل(الجيب مطبه قوي ويطامر وجهه يدبج غيرت مساعدات ومانفع !ساعدوني)
انا ترى ماقد ماريت بهالحاله😆 والحمد لله مااشتكي من الام الضهر
كل شي سويته حتى اني غيرت انواع المساعدات طقم وافضلهن ولكن لافائده !!
مطب الجيب الربع شي مايوصف خصوصا الامامي لدرجه كرهت السواااااقه
كل شي غيرته يخص العضلات ...بكل ماعنيه (كل)من معنى
ولاتغير شي حتى عقالي يطيح من راسي من ابسط نزله في الخط واسفط عشان ادور عقالي واي شي كان على الطبلون..
مع ان السست وكاااااله ووضعها ماتغير مانزلت ووقفته ممتازه وهذا وضعها من اول مااخذتها
بقى حل واحد ..عارضتي عليه اغلب الزملاء !!..وهو اني قررت استبدل السست بسست وكاله ومن التشليح واشوفها وهي على الجيب وكيف وقفته قبل لااشتريها
توكلت على الله واخذت السست الاماميه ورحت ركبتها وصراحه رفعه الجيب من الامام هي هي ماتغيرت مع الجديده نفس تقويسه اللي قبلها....ولكن الفرق كبير المطب هاذا زينه ارتحت راحه ولله الحمد الحين المساعدات تعمل افضل
السست القديمه خلاااااص ماعاد تلين مع المطب قاسيه ...والحل طال عمركم استبدالها
وسلااااااامتكم.....واسف على الاطاله
ابوراكان تبوك
21/02/2014, 10:30 PM
اصلا الجيب الربع مافيه راحه وتمغط
اقرب حل سمعت به لكني لم اجربه هو تركيب مساعدات VXR 89 الأصليات
بعض الناس يسحب ريشة من الخلف لكن يبلش في تكسير السست
بالنسبة للسست الاصليه مطبها قوي لكن الدرجة الثانية قبل الاصلي هو الالين
درايفر ربع
22/02/2014, 02:16 AM
اصلا الجيب الربع مافيه راحه وتمغط
اقرب حل سمعت به لكني لم اجربه هو تركيب مساعدات VXR 89 الأصليات
بعض الناس يسحب ريشة من الخلف لكن يبلش في تكسير السست
بالنسبة للسست الاصليه مطبها قوي لكن الدرجة الثانية قبل الاصلي هو الالين

الله يحييك يابو راكان التبوكي ماشاء الله عليك لك خبره طويله مانستغني عنها بهالخيمه انت وجميع الاخوان الاعضاء
المشكله اللي كانت عندي من فتره 3شهور تغير علي مطب الموتر 180 درجه صار شي مايوصف يدبج دبج تحس ان المكينه بتطلع من مكانها وتسمع صوت الكبوت لما يطبق في البودي لان فيه شويه فضاوه في الدقاره
لي حوالي ال15 سنه مع الجيوب الربع ومع الوعر خصوصا لكن مامر علي مثل وضعه الفتره الماضيه تحس ان الموتر مابه مساعدات او انها متفقعه مع ابسط مطب وانا غافل ارتفع عن المرتبه لين شوي واطبع وجهي بالقزار الامامي
غيرت المساعدات الي كانت راكبه وهي غاز لGX97 صالون .قلت يمكن ضعفت مع ان مالها 4شهور مركبها وركبت جبريل الابيض ونفس الحكايه ورحت غيرتها وركبت مساعد VX89 الازرق وصار اضعف من المساعدات اللي قبله ..مع اني قريت موضوع لك انت تنصح بهالمساعدات ولكن قلت مافيه فايده لو ادبل عشر مساعدات
وبعد ماغيرت السست الاماميه تغير الموتر صار كانه موتري اول ماشريته شبه وكاله وازيدك من الشعر بيت المساعدات الي راكبه الحين للVX89 لونها ازرق وتو حسيت بفعاليه مطبها مع اني قبلها اقول في نفسي انها خساره قيمتها وماادري ليه يمدحونها زي قلتها!!!؟
لكن الحين عز الله انها مساعدات كفو ومامر علي مثلها بالراحه ومطبها هاذا زينه وانصح بها الاخوان��
للتوضيح/السست اللي استبدلتها اعتقد خلاص تصلبت ماعاد تلين مع المطب وتخفف شوي منه وبعدها يجي دور المساعد ...فقدت الستت خاصيه امتصاص ارتداد المطب ..وفقدت اهم مزاياها اللي خصصت لها ..وصار الحمل كله على المساعد فقط وانتم عارفين ثقل الماكينه والقير لايستطيع المساعد لوحده تحمل الضغط بدون مساعده الستت لتخفيف الارتطام للسياره
وشكرا مره اخرى على مداخلتك الغاليه على موضوعي
كبسولة2
22/02/2014, 08:35 PM
اخي الكريم الجيوب التويوتا الربع من موديل 99 ونازل

كانوا اهلها يوم يفكونها من الوكالة يغيرون لها سست مستوبيشي الام فقط الكبيرة

الجهة الامامية فقط ويضبط 100 % ويخف مطبه جدا
تساهيل1
22/02/2014, 09:44 PM
بسم الله الرحمن الرحيم


بقى حل واحد ..عارضتي عليه اغلب الزملاء !!..وهو اني قررت استبدل السست بسست وكاله ومن التشليح واشوفها وهي على الجيب وكيف وقفته قبل لااشتريها
توكلت على الله واخذت السست الاماميه ورحت ركبتها وصراحه رفعه الجيب من الامام هي هي ماتغيرت مع الجديده نفس تقويسه اللي قبلها....ولكن الفرق كبير المطب هاذا زينه ارتحت راحه ولله الحمد الحين المساعدات تعمل افضل

@@@@@@@@@@@


لسست القديمه خلاااااص ماعاد تلين مع المطب قاسيه ...والحل طال عمركم استبدالها
وسلااااااامتكم.....واسف على الاطاله


لاحظ معي في اقتباس من كتابتك اخي الكريم
مقولتين متضادتين
الاولى تقول ان السست الل اشتريته كويس
والثانيه تنقض كلامك تقول اي سست قديم ماينفع
وانت اخذته من التشليح مكدود كد وتقول كويس

وضح او فسر او اشرح يمكن انا فهمت غلط
....؟

وشكرا
درايفر ربع
22/02/2014, 10:42 PM
الاخ/تساهيل ...الله يسهل امرك قل امين
الاخ/كبسوله
الله يمسيكم بالخير جميعا
الموضوع ماهو مشكله ان الربع مطبه قوي او لا --شي معروف في الجيب الربع انه مطبه اقوى من السيارات الاخرى المشكله ليست هنا
المشكله اللي واجهتها عجز عنها الكثييييير وسبق ان وصفت المشكله بشكل مفصل ..واعيده للفائده
الستت اللي كانت راكبه على السياره ستت وكاله ولها ست سنوات وضعها طيب ومطبها قوته مثلها مثل اي جيب ربع
لكن تغير المطب وصار شي مايحتمل يرضخ الجيب رضخ ماهو هين كأن الموتر مافيه مساعدات
وغيرت انواع المساعدات وماتغير شي يدبج وجه الجيب من ابسط مطب واتفه مطب يرتفع فوق ويضرب ومايركد الا بعد مسافه
والستت هي اللي بقي ماسويت فيها شي مع امور العضلات ماغيرتها
مع انها ماهي متطرقه ولا نايمه مره عشان اقوسها نفس رفعتها ماتغيرت
وجربت اغيرها بستت تكون اصليه وليست يابانيه يعني ريش وكاله من التشليح ويكون وضعها ممتاز واتفقت مع راعي التشليح اني اركبها واجربها ان تغير علي المطب وصار مثل مطب الجيوب الربع (فيه قوه شوي المعروف عنه) والا رديتها عليه
بعد ماركبت الستت اللي من التشليح اللي اصليه وماقد انفكت ولا تقوست ...الوضع تغير معي ورجع مثله زمان اوول
.......
الستت اللي غيرتها واستبدلتها وحذفت وراها سبعين حصاه كانت اصليه وليست تجاريه وكنت صلبت وحجرت ماعاد تلين نهائي
كبسولة2
22/02/2014, 10:53 PM
اخي درايفر عااااارف قصدك

انت تقصد ان السست القديمة عندك لانت ولا تنفع اصبح الموتر يدبج

مع المطب هذا قصدك اخي الكريم

ما قصدته انا ان سست المستوبيشي الين من الوكالة

ومع ذلك ليست باليونه الي تخلي الموتر يدبج تحت

وفقك الله لما يحب ويرضى والحمد لله على انتهاء مشكلتك

وأشكرك على ذكر تجربتك للاعضاء للفائدة
درايفر ربع
22/02/2014, 11:11 PM
المشرف /كبسوله
الله يسلمك ومشكور على اضافتك للموضوع وصدقني هالمشكله يشتكي منها الكثير وكنت من الاشخاص اللي يتم مشاورتهم في حل هالمشكله وكان ردي لهم (غير مساعدات قويه شوي وهذا مطب الربع قوي شوي لابد تحملونه )
لاني ماسقت الجيب وعرفت بالضبط وين المشكله وكيف هو قوه الدبجه حتى مريت انا بهالمشكله وخسرت وكرهت موتري بسببها

-----------
هذي احد الردود السابقه لنفس المشكله وكان رد العضو ابو يزن في محلها
رد: فزعة بخصوص مساعدات الجيب الربع تويوتا الامامية
هذا معناه السست منتهية مقاومتهن التقويس مهوب حل فقط يرفع الموتر لكن دون أداء و لهن عشرين سنة يستعملن غيرهن وركب مساعد مرسدس استكر أحمر
التعديل الأخير تم بواسطة 1 أبو يزن 1 ; 24/08/2013 الساعة 02:24 AM. سبب آخر: تكملة
http://www.mekshat.com/vb/showthread.php?t=590712. وهذا رابط الموضوع