مشكله بالمكيف VXR

[مجنون بارفيه]

اخواني الأعزاء اعضاء ومشرفي و زوار المنتدي الكرام

السلام عليكم ورحمة الله وبركاته
عندي جيب vxr موديل2001

صارت فيه مشكله بالمكيف
لمبة المكيف A/C صارت تأشر وما يشبك الكمبريشر
وعملت اختبار لفيش الكهرباء اللي يوصل الكهرباء للكمبريشر
ووجدت ان الكهرباء توصل وبنفس الوقت تنفصل في اقل من 1 ثانيه يعني ما توصل الكهرباء بشكل مستمر
وياليت اللي عنده خبره يفيدني او اللي يعرف مكان الكتاوت الخاصه بالمكيف يدلني ع مكانها

علما بأن غطاء الفيوز عندي لا يوجد عليه استكر معلومات واسماء الفيوز والكتاوت
وانا استوقفت اكثر من شخص ولكن دون جدوي وجدت اكثر السيارات استكرها ممسوح
واللي عنده غطاء عليه معلومات ياليت يرسل لي صوره الغطاء
او كتالوج للفيوز
ولكم جزيل الشكر والعرفان

[كهرووب]

وعليكم السلام ورحمة الله وبركاته

مشكلتك من نقص الفريون وفي اغلب السيارات نظام حماية للكمبروسر لما ينقص الفريون يبدا الكمبروسر يشبك ويفصل بسرعه واذا مافي فريون مايشتغل
وان شاء الله اني اكون افدتك

[مجنون بارفيه]

مشكووووور يالغالي وجزاك الله ألف خير

هي المشكله ظهرت بعد نقص الفريون وانا من لقافتي فرغت الفريون عشان اعبيه فريون اصلي
وما اشتغل الكمبريشر
والكهربائي يقول لازم يشتغل الكمبريشر عشان تتم تعبئته بشكل صحيح
ولقيت كهربائي وعبي فريون قليل لكن مرضي يشتغل

لكن عند فحص الكهرباء اتضح لي ان الكهرباء تفصل بسرعه
علما بأني فصلت الكمبريشر وهذا بمجهود شخصي مني
واحترت بسبب فصل الكهرباء

[كهرووب]

شوف في حساس في علبة الفريون حماية للكمبروسر فيه سلكين طبعا واحد كهرباء دايركت لما تشغل المكيف والثاني لما يكون الفريون تمام يوصل كهرباء . شغل المكيف وافحص والاسلاك راح تحصل بواحد من الاسلاك كهرباء كذا الكهرباء عندك مافيها شيء .

وممكن الكهربائي الفريون اللي عباه قليل مره على شان كذا ماشتغل الكمبروسر

[قطب 999]

اعتقد انك لو عبيته فريون كامل بيشتغل عادي اما اذا هو فارغ او شبه فارغ ماراح يشبك كلتش المكيف

[ياربي الجنة]

المشكلة صارت معي
زي ماقلت لمبة Ac تبدأ تأشر
وإذا خليت المكيف يشتغل ولا طفيته على طول تصير تطفي لمدة تقريبا خمس ثواني وكل مالها تزيد ...
المشكله من الكلتشات حقات المكيف لأنها يبدأ يفلت ...ثم مايعطي أمر بالتشغيل ثم تبدأ اللمبه بالتأشير لأنه يفصل كهرب ويشبك

[طناف]

تحصل في العلبه كتاوتين صغار لونها أسود أغلب الأحيان

ثنينهم نفس الشكل لكل منهم أربع أسنان ثنين قريبه من بعض وأثنين ابعد شوي

واحد من الكتاوتات خاص باالمكيف

ملاحظه أذا المكيف ياصل له الكهرب بشكل ممتاز دون تقطيع ولكن يشتغل ويفصل من نفسها والكهرب واصل له

أحتمال كبير المشكله عندك من ( الكويل )اللي باالكمبرسر يجي خلف بكره الكمبرسر وسعره معقول تحصله متوفر مستعمل ويفحصه الكهربائي قبل التركيب بطريقة سهله .

وأذا الكهربائي جيد يسوي اللي قلت لك في ساعه باالكثير وبدون يفك الكمبرسر
فقط يفك البكره والكويل فيها من الخلف والكمبرسر في مكانه

وأنشاءالله تكون كتاوت وتنحل المشكله

[مجنون بارفيه]

السلام عليكم ورحمة الله وبركاته

يعطيكم العافيه اخواني الاعزاء ومشكووووورين ع التفاعل

المشكلة لقيتها من الكويل الأمامي ع قول اخوي طناف
وركبت كويل مرسيدس ( شبح ) وركب 100%
للمعلوميه يقول لي الكهربائي كمبريشر الشبح يركب للـvxr
لأن مقاسهم واحد (17)
للمعلوميه الكويل مع البكرات حصلتهم بـ 550 من تويوتا

وهذا ولكم تحياتي مع فائق احترامي وتقديري

[مجنون بارفيه]

اعذروني نسيت اعطيكم سعر كويل الشبح انا أخذت كويل مستخدم بـ 150ريال