صرفية بنزين الفتك ؟؟؟؟؟

[رمضان حسن]

السلام عليكم ورحمة الله وبركاته
كما هوا واضح في الاعلان الفتك ذبحني في صرفية النزين يعني التانكي الاساسي مايمشيني الا 270 كيلو وبعدها تولع اللمبه هذا خط طويل ولو احط فيه ب10 يمشيني داخل المدينه حول 30 كيلو ويقطع للعلم انا اعبيه بنزين 95 تكفون يا اهل الفتكات فزعتكم

[ريثان القصيم]

السلام عليكم ورحمة الله وبركاته
كما هوا واضح في الاعلان الفتك ذبحني في صرفية النزين يعني التانكي الاساسي مايمشيني الا 270 كيلو وبعدها تولع اللمبه هذا خط طويل ولو احط فيه ب10 يمشيني داخل المدينه حول 30 كيلو ويقطع للعلم انا اعبيه بنزين 95 تكفون يا اهل الفتكات فزعتكم
أسباب زيادة إستهلاك البنزين
كثيره أهمها:
1 - تركيب اي قطع تزويد السرعه
2 - نوع الزيت المستعمل في الصيف واشتاء
3 - ارتفاع حرارة المكينه عند النص والمثالي الصيف بجونا عند الربع واشتاء عند الثلث×
4 - نوع ماء الاديتر في الصيف واشتاء
5 - طريقة قيادة السياره في القومه من الاشاره والخطوط السريعه
6 - عدم تغيير فلتر الهواء والزيت والبنزين بانتظام
7 - عدم ضبط ضغط الإطارات(هوا الكفرات)
8 - نوع البنزين ×
9 - مروحة المكينه وتماتيكها
10- احتراق زيت المكينه او نقصه بسرعه
11- نوع نظام العادم من القزوز الي الشكمان ×تجاري او اصلي منكتم
12-درجة حرارة الجو في الصيف×
13- القيادة في أماكن مزدحمه وكثرة التوقف
14- تركيب اكسسوارات -ونش -دعاميه-شد- ×
15- وضع ترموستات المكيف البارد على اخر شي بحيث مايفصل الكمبرسور ويضغط المكينه
16- عدم تغيير فلتر المكيف بانتظام
17-ميول وانحراف نظام تعليق السياره مع جسمها(البودي)×
18 - احيانا السياره تحتاج(سوفت وير) إعادة برمجه عن طريق الكمبيوتر
19 - مقاس الجنوط ومقاس الكفرات اكبر من مواصفات المصنع
20- زيت القير اذا موهب اصلي
21-زيت الدفرنسات اذا هو موهب اصلي
22-ضغط دورات عداد الRPMمع عداد السرعه مثال×
سياره بسرعة 120بضغط على3
وسياره بسرعة120بضغط على1
فرق كبير جدا2000دوره
23-انسيابية تصميم السياره مع الهواء
24-عيوب المصنعيه
25-خبرة وسمعة الشركه المصنعه×

اخوك
ريثان القصيم

[sgl2002]

صرفيته ماهيب مضبوطه

التانكي الاساسي لازم اقل شي ٣٢٠ مع الدعس

[العطاوي a511]

السلام عليكم ورحمة الله وبركاته
كما هوا واضح في الاعلان الفتك ذبحني في صرفية النزين يعني التانكي الاساسي مايمشيني الا 270 كيلو وبعدها تولع اللمبه هذا خط طويل ولو احط فيه ب10 يمشيني داخل المدينه حول 30 كيلو ويقطع للعلم انا اعبيه بنزين 95 تكفون يا اهل الفتكات فزعتكم


خذ العلم الاكيد وراح تدعيلي اذا موترك مافيه مشاكل تقطيع وغيره

حساسات الشكمان عدد 2 غيرها الواحد قيمته 320 ريال =640

فلتر الهواء اذا كان تجاري بدله اصلي



راح يمشيك التانكي 450 كيلو مع الدعس من واقع تجربه


طبعا اذا انك سبق مانظف مدخل الهواء الثلاجه نظفه على رواقه فكه كامل برى اهم شي تنظف العمود اللي بالنص الوسخ الله يكرمك يدخل في جوانبه جوى ويصير حركته بطيئه


البنزين 91 يمشي افضل من 95 ومبين بكتالوج الفتك 91 فاعلى

[رمضان حسن]

بيض الله وجيهكم ماقصرتو

[رمضان حسن]

العطاوي اي والله عندي حساسين في ااشكمان خربانه بس ماتوقعت تكون منها

[حمزةعبدالمطلب]

اخوي اذا هو كربريتر
غير ابرة العوامة بمقاس صغير
والتقطيع من زيادة البنزين بنزين يحترق وبنزين مايحترق ولاعب في البلوف
تقبل اخوك

[كبسولة2]

نعم كﻻم العطاوي صحيح 100 %

احد الشباب معه تاهو 2011 واخوه معه يوكن نفس الموديل

سافروا بالعوائل من الرياض لمكة المكرمة

الاول يمشي بالفل 370 كيلو فقط

والثاني يمشي بالفل 500 كيلو تقريبا

يقول لمبة المكينة والعه عنده من فترة وعند الفحص بالكمبوتر وجد

حساس الشكمان وحساس الهواء اير ماس عطﻻنة

نظفها وضبط موتره

انصحك بالتالي قبل التغير والخسارة

1 تنظيف الثروتل
2 تنظيف حساس الهواء ببخاخ الكترونيات
3 تنظيف حساسات الشكمان فكها وتنظيفها ببخاخ ايسي ديلكو وفرشاة اسنان

وان شاء الله يضبط شوف هذا الرابط يفيدك

http://www.mekshat.com/vb/showthread.php?t=251036

[ابوسند9]

افادك العطاوي الله يجزاه خير
وبرضو شيك على وزن الديلكو

[رمضان حسن]

الله يجزاكم خير جميع شكرا لكم باكر انشاء الله بغير حساسات شكمان وراح اعطيكم النتيجه

[العطاوي a511]

افادك العطاوي الله يجزاه خير
وبرضو شيك على وزن الديلكو


الله يجزى الجميع خير ويسهل امر كل مسلم

[العطاوي a511]

الله يجزاكم خير جميع شكرا لكم باكر انشاء الله بغير حساسات شكمان وراح اعطيكم النتيجه
بانتظار النتيجه

[السومر]

وزن الديلكو

اذا تسمع صوت قرقشه خفيفه اذا دعست بعد ما تبدل بين الغيارات فهذا الديلكو يحتاج وزن

[بدوي جنوبي]

جرب نظف الحساسات قبل تغيرها
فيه بخاخ خاص

[رمضان حسن]

ابشركم ياشباب الخل من حساسات الشكمان فكيتها ونضفنها وزبط يا رب لك الحمد الله يعطيكم العافية وماصرتو جميع

[العطاوي a511]

ابشركم ياشباب الخل من حساسات الشكمان فكيتها ونضفنها وزبط يا رب لك الحمد الله يعطيكم العافية وماصرتو جميع
مبروك واخر الخرابات ان شاء الله

[شراوي99]

الله يجزاكم خير ياشباب
الحقيقة استفدت من معلوماتكم وخبراتكم

تحياتي

[فلان بن فلان]

اخي الكريم شيك على فلاتر الشكمان مثل ماقاموا الشباب وبعدها شوف شيك على يرميه البنزين قد تكون عطلانه اذا تعطلت تصرف بنزين وفي بعض السيارات اذا تعطلت لايستغرب السياره بالتوفيق

[الحربي حاتم]

ماشاء الله معلومات قيمة .

[1993 _vxr]

بشرنا كم مشاك بعد ما ضبط حساس الشكمان


لاحظت الفرق

[Mhlas]

كم يمشيك الان