وين أفضل واصدق محل يبيع الفروه الطفيلي

[برق تميم]

السلام عليكم ورحمة الله وبركاته

اريد محل يبيع الطفيلي لكن نجد فيه الصدق والذمه ولا يطلع لنا من حقات العام او قبل العام وطبعا اسعاره شوي معقوله

سوق الزل خلاص صار اكثر زباينه من الخواجه وصار غالي

الي يخبر لنا يا الربع يعطينا علم
طبعا الطفيلي غاليه ولا تصلح في المطر لكن انها خفيفه مره وتدفي طبعا

[جلمود1]

سوق الزل لا تتعداه منت لاقي ارخص منه نهائيا خصوصا في الرياض

[(نجم سهيل)]

والله أنا اشير عليك أنك ما تشري فروه لاطفيليه ولا غيره لأنه البرد يومين وأنت ماشي ماله داعي أتكلف وأنا اخوك أخرته تجدع منا ولا منا وأنت بهواك

[راعي البير]

اخوي برق السلام عليكم .نصيحه لا تشتريها لانها لو ينكب عليها شوي مويه تيبس ثم تنكسر يعني اقر عليها السلام .

[نمر بن حثلين]

يا رجال بلا خساير

خذ لك فروه اماراتيه او من مصنع ريم
احسن وارخص وتعيش
وماهنا ريحه ولا شي حتى لو تغطسها وسط بركه

[بواسامه]

من مزايا الطفيلي
انها مالها ريحه
وانها خفيفه جدا
وانا ناعمه جدا
وانها غاليه جدا:D قصدي عيب
ومن عيوبها انها تخاف عليه من الماء وتشمر تلقائيا
وانك تخاف عليها من حوسة البر والتربان صعبه بالف ريال :D
وانها صعبه احد يتلحف ويتمغط بها وتمزع من خف الجلد
ويحل محلها الطبيعي اللي مو غالي لانه ادفى من الصناعي :good:
وبعض الصناعي انت اللي تدفيه مب هو اللي يدفيك:D
سلمني على الطفال والطبيعي ولو غالي نظره وخف ودفا
وكل حجره ولها اجره
وماراح تلقى مثل الزل وسوق حجاب بالنسيم وحول النظيم من هناك
ولا وص سوري من سوريا ثقه-وقليل ماهم- يجيبها لك من هناك ارخص من هنا

[ابوفواز]

السلام عليكم ورحمة الله
اخوي برق تميم
انا انصحك تاخذ فروة
فروها فرو ارنب
والله انا مجربها مافي احسن منها
دافية وناعمة وسعرها معقول
والله ماذكر سعرها بضبط بس
200الى 250 ريال
فيث سوق الزل المحلات الي على بداية شارع الثميري
جربها وبتدعيلي وبتوفيق

[ذيب النجيل]

ازرق لسوريا او اذا احد من الشباب رايح وصه يجيب معه . الاسبوع الماضي شرينا من سوريا بالضبط من سوق الحميدية 5 فري طفيلي سعر الوحده طلع علينا بحوالي 100 ريال .

[مروق]

السلام عليكم ...

الفروة الطفيلي مابعدها فروه .. واللي جربها يضحك على اللي لابس غيرها ( خفه ونعومه ودفاء باقصى حالة الصقيع )
وراعي البر ماله غناة عنها ..!!


والطفيلي الاصلي ماتأخذه دون 600 ريال من سوريا .. يعني ياصلك هناء من 900 وطالع

وانا معي وحده موصي عليها من سوريا ومكلفه 800 واصله

ولاتعدى ((((معرض الجاجة )))) عبدالرحمن الجاجه .. شغله نظيف وخامة التلبيسه اصليه

وبالتوفيق

[نمر بن حثلين]

الفروة الطفيلي مابعدها فروه .. واللي جربها يضحك على اللي لابس غيرها ( خفه ونعومه ودفاء باقصى حالة الصقيع )
وراعي البر ماله غناة عنها ..!!

وراعي البر الا طبت جمره على طفيليته ولا طاح طرفها على الوجار وطارت 900 ريال بالهوا وش يزين ياخوي ؟

الطفيليه للكشخه بالمجالس اما البر مهب الظنه

[مروق]

^
^
^

كلامي للي مايحسب فلوسه .. واللي بيحسب خساير البر , يجلس عند اهله اوفرله

ولمعلوميتك ياخوي نمر .. برد الشمال ماينفع فيه لابجامات ولاغيره ! مايمشيك غير فروة الطفال ..

واسأل قناصين الشمال من الحماد لين حدود تركيا .. ويعلمونك عن البرد هناك


وقولتك انها كشخة مجالس .. انا معك بس كشخه الخكاريا اللي ماعمره راح للبر , وبعدين بالمجالس شبه نار ودفاء مالها حاجه

الحاجه والله لاصرت ماتقوى تمسك حنوكك من الجميد .. وساعتها لو الفروة الطفال بالاف الريالات كان دفعت


وكلمة اخيرة ..

لو البر ..امره عادي.. مااشترت الناس جيوب قيمتها فوق الميتين الف وراحت تاطمر فيها

اجل تبي الناس يغامرون بـ جيب ابو ميتين الف ولا يغامرون بفروه ام 900 ....!!!!!!

[سوبرمان]

السلام عليكم ...

الفروة الطفيلي مابعدها فروه .. واللي جربها يضحك على اللي لابس غيرها ( خفه ونعومه ودفاء باقصى حالة الصقيع )
وراعي البر ماله غناة عنها ..!!


والطفيلي الاصلي ماتأخذه دون 600 ريال من سوريا .. يعني ياصلك هناء من 900 وطالع

وانا معي وحده موصي عليها من سوريا ومكلفه 800 واصله

ولاتعدى ((((معرض الجاجة )))) عبدالرحمن الجاجه .. شغله نظيف وخامة التلبيسه اصليه

وبالتوفيق
أنا أؤيد كلام أخوي المروق إذا حصل لك واحد يروح لسوريا ويجيب لك من هناك ولاتتعدى (((( معرض الجاجه )))) والله جاب لي واحد جزاه الله خير من هناك كوت طويل ومن داخل طفيلي العام الماضي [ عزة الله إن شغله نظيف وممتاز ] .

[Mohammad]

شريت فروه زينه تدفى وثقيله وشكلها جميل ولــــــــــــــــــــكن فيها ريحه مزعجتنى مره مره وديتها الغسال وحطيتها فى الشمس وبخرتها وعطرتها و و و و و و و وما راحت....
تكفووووووووووووووووووووووووووووووون ما هو الحل؟

[عشانا]

السلام عليكم ...

الفروة الطفيلي مابعدها فروه .. واللي جربها يضحك على اللي لابس غيرها ( خفه ونعومه ودفاء باقصى حالة الصقيع )
وراعي البر ماله غناة عنها ..!!


والطفيلي الاصلي ماتأخذه دون 600 ريال من سوريا .. يعني ياصلك هناء من 900 وطالع

وانا معي وحده موصي عليها من سوريا ومكلفه 800 واصله

ولاتعدى ((((معرض الجاجة )))) عبدالرحمن الجاجه .. شغله نظيف وخامة التلبيسه اصليه

وبالتوفيق
هذا المحل معروف في سوق مدحت باشاء

تراء عندة الطفيلي انواع

فيه سوري وفيه الماني وفيه تركي عليك بالسوري وسعره من 5000الى 5500 ليرة يعني
يعني من 350 الى 400 ريال

انا شريت منهم بالطو طفيلي 280 ريال وكوت طفيلي 130 ريال

[عشانا]

والله أنا اشير عليك أنك ما تشري فروه لاطفيليه ولا غيره لأنه البرد يومين وأنت ماشي ماله داعي أتكلف وأنا اخوك أخرته تجدع منا ولا منا وأنت بهواك

والله بهاليومين الي تقول يجيك برد وخاصتا بالبر تتمنى الفروة لو هي باكثر من 1000 ريال
بعدين الفرة ماتشريها وترميها لخلص الشتاء خله عند للسنوات القادمة

[عشانا]

شريت فروه زينه تدفى وثقيله وشكلها جميل ولــــــــــــــــــــكن فيها ريحه مزعجتنى مره مره وديتها الغسال وحطيتها فى الشمس وبخرتها وعطرتها و و و و و و و وما راحت....
تكفووووووووووووووووووووووووووووووون ما هو الحل؟

مالها حل
لان فروتك مصنوعة من صوف الغنم ومستحيل تروح الريحة لو تربصه بعطر كزنوفا لمدة سنه كاملة

عليك بالفروة الطفيلي خفيفه وتدفي ومالها ريحة ابدا