احد مر عليه كذا؟

[اميرالليل]

السلام عليكم ورحمه الله وبركاته ..
عندي السياره اول ما اشغله وهي بارده يطلع صوت طقطقه دقيقه او دقيقتين والحمدلله يروح علما باني مغير كل شي بكره جنزير + جنزير + شداد جنزير + صوف مكينه+ صوف جير + الصوفه بين المكينه والجير + خراطيش علوي وسفلي +سير خارجي والشداد حقه + البلف حق الحراره غيرت اصلي وكانت الحراره روعه والان رجعت مثل اول يوم كانت السياره جديده .. يعني الظاهر البلف القديم خربان.
السياره هي لكزس جي اس 2001 حجم 300.
احد مر عليه زي كذا .. اعوذ بالله من 5/2012 وهي تطلب طلبات حقت السنيين الماضيه .. ووش الفايده قاعد ادفع ثمن الراحه الماضيه:looney:لكن الحمد لله على كل حال.

[ابوشاهه]

يمكن من نوعيه زيت المحرك .

[فارس شراز]

انا صارت نفس المشكلة عندك لكزس 2003 ال اس 430 الاسبوع هذا بالرياض .

وصلت الدمام الحين صارت سياره مع تحميه ترجف وبعدها تختفي.

بالنسبة للزيت تويوتا الاصلي ومنضبط عليه , بعد بأغير زيت وسيفون ولعل وعسى.
بأشوف الورش وباعطيك خبر.

[almo3jl]

نوع الزيت انتبه سوبر جيتي الاغلب مغشوش هو وكاسترول اذا كنت تغير زيت لزوجته20w50 غيره الى لزوجه10w30وانا عني افضل سوبر بترومين10w30وغير البانزين الأحمر ًبالنسبه اللقلقه او الطقطقه او التكتكه
اما صاحبنا الثاني هذي هي الدعسه التماتيك وعذروبها المهم سو تنظيف الثروتل وانشالله تروح

[عميد آسيا]

الرجفة تكون أول ما تشغل السيارة و هي باردة و بعد 1-3 دقايق تروح الرجفة يعني بعد ما تحمى و لوكانت طافية و حامية و شغلتها ما تكون فيه الرجفة. كلامي صح؟

[عميد آسيا]

انا صارت نفس المشكلة عندك لكزس 2003 ال اس 430 الاسبوع هذا بالرياض .

وصلت الدمام الحين صارت سياره مع تحميه ترجف وبعدها تختفي.

بالنسبة للزيت تويوتا الاصلي ومنضبط عليه , بعد بأغير زيت وسيفون ولعل وعسى.
بأشوف الورش وباعطيك خبر.

زيت تويوتا من أسوأ الزيوت و نصيحتي لك أبعد عنه
و أتوقع الزيت ثقيل على السيارة شوف كتالوج السيارة عشان تعرف اللزوجة المناسبة لسيارتك

[اميرالليل]

اشكر الكل على المشاركه ..بس بوضح نقطه انه انسب زيت هو 20W50 بالنسبه للمنطقه الشرقيه والرياض والغربيه لان درجات الحراره مرتفعه شوي اغلب وقت السنه فما فيه داعي تغير الزيت للارقام الثانيه حسب ماقريت انه المناطق البارده لها لزوجه معينه .. هذا اللي فهمته.

[1824]

لا يخوي من قالك 20w50 = كل 5 سنوات توظيب عبارة عن زيت مدمر وتبي تتأكد من كلامي استعمل زيت بترومين 5w30 A1 مع سيفون اصلي وشوف اذا الصوت ما راح انا مو رجال حسب كلامك الصوت يطلع والسيارة باردة وبعد ما تسخن يروح اذا كلامي يطابق كلامك الصوت بروح فوراً جرب وشوف منت خسران شيء بالتوفيق اخ الكريم

[اميرالليل]

والله هذا حسب علمي ولا احط بذمتي شي .. لكن نطلب من الخبراء القول الفصل:)

[ابو فهد ألعزي]

انا صارت معي في باترول
اول ما اشغل وهو بارد اسمع طقطقه شوي وتروح واذا كان مبطي واقف يطول اكثر
رحت فكيت المكينه لقيت واحد من البساتم الجلبه اللي فيه فيها فضاوه غيرته والحين ممتاز


وانت تاكد من الصوت هو داخل المكينه خذ قطعة سيخ طويل شوي وحط جهه منه على سرندل المكينة
واالثاني في اذنك وشف الصوت بيبين على طول ويفضل توقف المروحه حتى يبان لك الصوت

او خذ لي غاز وجرب بنفس الطريقه

[فارس شراز]

الله لايهينكم جميعا .

بأشوف كتلوج اليوم وبأغير الزيت نفس كتلوج وسيفون وبنشوف الفرق .

بالنسبة للبزين 95 وغيرته الى 91 قبل يومين وخفت الرجهههههه

شي يلحس المخ.

[عاشق القصيد]

اخوي تبي الراي الي بيحل مشكلتك وانا اتوقع انه هذا الحال بنسبة ٩٠ ٪
غير زيت السياره وحط
10W30
او
5W30
مع تغيير السيفون
بنسبه للزيت
20W50
يعتبر تدمير للسياره ولا يناسب سيارتك