هنا احفظ مفتاحك السبير ( صور )

[حزم الجلاميد]

ارتبه في رباط الحذاء ( اكمرمكم الله )
ومع الصورة

http://www.br2h.com/up/uploads/9a0b276c4d.jpg (http://www.br2h.com/up)

http://www.mekshat.com/pix/upload/images22/mk21980_kkkkj.jpg

[أبوناصر]

فكره جميله


ما راح تضيع إلا مع الجزمه أكرمكم الله

[الليث]

هي فكرة

ولكن ما اظني حفظته

تحياتي

[ابرق العزاف]

غير عملى


لعل الاسطبات خير حافظ له

[مغرز]

فكرة جميلة ولكن يوجد بدائل افضل
مشكور وماقصرت يالغالي

[أبو حـــمد]

فكرة جديدة ....لكن اللي يلبسون زبيريات وش يسوون ؟؟؟ :) :) :)

[حزم الجلاميد]

الزبيريات ماتنفع في البر لاسباب كثيره اهمها ان مافيه ضواطير
ثانيا البرد والشوك والمشي في الرمل والحصي ...................

وبالنسبه لي في البر ما اخلع كنادري حتي عند النوم وبعدين اطمئن وانا قافل السياره ومقززها عن الذباب وغيرها حتي لو اردت الابتعاد عن السياره سواء علي رجلي او في سياره اخري ارقي جبل والا احول من طعس ..... مفتاحي في مكان امين .

وشكرا علي المشاركه من الجميع

[ع.ف.الدرويش]

حزم الجلاميد.. صبحك الله بالخير

بالنسبة لحفظ المفتـــاح.. فعندي نسختين الأولى تكون معاي في رباط على الرقبة تحت الثوب
والثانية تكون في السيارة بمكان ما يعرفه إلا أنا
وبالنسبة لطريقتك جميلة لكن أعتقد إنها ماهي عملية لأنه وببساطة لو يرتخي الحبل طاح المفتاح

أخي الكريم.. شكراً لك على الفكرة الجميلة
وأتمنى ان نجد إضافات أخرى من بقية الإخوة الكرام لنستفيد من التجارب

أخوك (أبوفهد)

[تكفون]

إلا لو لعب كرة قدم وشات الكورة بوووووووووووووووووز ((الله يخلف على المفتاح ))

[قير عادي]

حزم الجلاميد ،،،



صح عليك


ان الجزمة مهمه جدا في البر ،،،، لكن ما اضمن اني احط المفتاح في الرباط ،،، لانه يمكن الرباط ينفك ،،، ويمكن ينقطع ،،، والشى الثاني ،،،، وش يسوي اللي يشيل مفاتيح البيت كلها ،،،، تصدق ان معي في الميدالية 9 مفاتيح .،،،،،، هذي وشلون اربطها بالجزمة .....

افضل مكان للمفتاح فوق الكفر او في المساحات او على الباب نفسه (والاخيرة هذي بشرط ما يكون معك بزارين ولا ملاقيف)

[تلقيمة]

جزاك الله خير

[الفردوس]

وبالنسبه لي في البر ما اخلع كنادري حتي عند النوم

شيء غريب
ما أقدر أتحمل

[حجلان]

فكره جيده للي يريد ان يعمل رياضة المشي :good: اما اذا لعب كره ونسي وشاة الكره بووووووووز :confused: الله يخلف على المفتاح يمكن يحصله بعين اللي مقابل الكره. :cool:


الله يعطيك العافيه :D

[ابونايف الروقي]

الله يخلي علبة المغناطيس في الشاص :good: ودبر نفسك ..

[عبدالرحمن]

خذ ثلاث مفاتيح معك

1- مفتاح يفتح الباب ولا يشغل السياره, تحطه في علبه المغناطيس في اي مكان برا السياره.<<< في حاله لقاه احد او مقفل على المفتاح.

2- مفتاح يشغل السياره ويكون موجود داخل السياره في اي مكان داخل الديكور او على كيفك. <<< للضروره القصوى تكسر القزازه.

3- المفتاح الاصلي في جيبك.

[محبكم بالله]

نفع الله بكم مواضيع شيقة

بصراحة كلام الاخ عبدالرحمن ممتاز

لكن المشكلة مكانه برى السيارة ؟؟؟

لكن في مغناطيس مغناطيس وثبته خارج السيارة في اي مكان وقف تحت حفرة وركبه شد عليه بسلك ومن ثم لف عليه بشطرطون من القوي الاصلي عشان المويه والصدأ وحاول ان الشطرطون من لون المكان عشان لا تشد الانتباه وبالتوفيق

[عبدالرحمن]

بخصوص المفتاح خارج السياره كان معي مفتاح داخل الريموت ( موضه طلعت عام 96 يسمونه مفتاح الشبح)

http://www.bookofjoe.com/images/2223344_1.jpg


وخرب الريموت وطلعت منه المفتاح وصار المفتاح بدون ممسك فقط عود من الحديد

http://www.mekshat.com/pix/upload/images22/mk10802_key1.jpg


بهذي الطريقه صار اسهل انك تعلقه في السياره من تحت او في اي مكان ما يخطر على بال وبسهوله , بتقولي كيف كنت افتح به الباب؟
7
7
7

كنت استخدم نص ريال حديد لكن بما انك في البر ما تحصله :D تعوض عنه باي شي مكان القطعه الخضراء في الصوره, تحطها وتضغط عليها مع المفتاح وتأدي غرض الممسك الاساسي له .

http://www.mekshat.com/pix/upload/images22/mk10802_key2.jpg

[علي التميمي]

ممتاز .. حصل لي قصه في البر تذكرتها بعد ماشاهدت موضوعك اخي الكريم .. وهي كنا نيام فغزانا احد الكلاب (( اكمكم الله )) ونهب منا النعال (( اكمكم الله )) هههههههههه يعني مشكله خطتك لوكنت مطبقها لكان راح علينا المفتاح .

[االدرع]

طيب أخوي اللي يشتخدم شراب الجلد بالبر وين يحط المفتاح

على فكره شراب الجلد ميه على ميه وخاصه بالنفود والطعوس

أنا اشتريه من محلات الخرازه وهو من شغل باكستان وافغانستان

وأكثر شي تلقاه عند الخراز اذا كان افغاني او باكستاني

واذا ما لقيتوه هناك تراه متوفر في شارع الثميري في مربع لوازم الرحلات

[رحـ R ـال]

أحسن شي اربطه بالسيارة تحت

[حزم الجلاميد]

[quote=االدرع]طيب أخوي اللي يشتخدم شراب الجلد بالبر وين يحط المفتاح
على فكره شراب الجلد ميه على ميه وخاصه بالنفود والطعوس

فكرة شراب الجلد او الخف ممتازه جدا ويمكن تفصل فيها مخبا او مخبات علي قولة اهل سدير ;)
اذكر شايب من جيرانا يصلي فيها الفجر

شكرا علي المشاركه والشكر موصول لكل الاخوان

[مسير عليهم]

فكرة حلوه بس لو ضاعت الجزمة الله يكرمكم

[خلف]

مشكور وما قصرة

[alhellal2000]

صحيح المفتاح لو ضاع في البر و ما عندك اسبير كان العلوم علوم !!!!!
عموما انا اغلب الاوقات ما اقفل السياره في النهار لان ما حولنا احد و حنا ربع و متطمنيين. و طوال اليوم المفتاح الاصلي اخليه داخل باب البنزين ( سيارتي سوبر دبل و الباب يفتح عادي من غير كهرباء ) و بالليل اذا نمت بالخيمة او بخارجها عندي اسبير دائما و باستمرار في حضر و لا بسفر في البوك و ادس البوك مع المفتاح الاصلي تحت المخدة و اسمي و اتعوذ من ابليس و اخوانه و انام !!!!

[المجازف]

والله فكره رايعه

[كشته 111]

مرة كنا في البر وقمنا ندقدق الكورة , واحد تحمس وربط ثوبه علي بطنه الا ويبان انه حاط سحاب صغير قد المفتاح علي صروال السنة ومكانه تحت مخباة الثوب , صراحة استغربنا من السحاب ومير نمسكه وخذ اسئله الين اعترف انه اذا راح البر حط المفتاح الاحتياط في السحاب خوفا من النسيان , والفكره اطرحها لكم اذا كانت عملية والا لا ,,,


وسلامتكم والسلام عليكم ,,,

[ابوعزيزm]

السلام عليكم

أحسن شيئ . .

في أصطبة السيارة ( النور )
في المحفظة
المغناطيس يباع لدى محلات المفاتيح وعملي 100%

[googl11]

حبيبي قبل ماتدخل البر الله لايهينك تمهل وصفط همن كل شي بمخابيك طلعه لاتترك شي اروراق اسبير غيره وخلافه الا الدراهم همن حطهن بكيس واربطه زين وحطهن بدرج الطبلون والدراهم بالطفايه وسم بالله وادخل البر

[googl11]

ولا اقول البس كمر ( او حزام رفع الاثقال ) يشد الظهر ويشيل الي تبي ههههههههههه شايب