مشكله في عمود الكردان

[ابو حميسا]

السلام عليكم
عندي رجه في عمود الكردان وابغي ارصصه ابي هل يوجد ورشه بالقصيم ترصص العمود
اللي عنده خبر لا يبخل علينا لان المشكله طلعت نخل فوق راسي

[almo3jl]

تأكد اول وشيك عالكفرات غيرهن مع اي واحد تعرفه معاه مثل موترك ومايرج وجنوطه أصليات وما فيهن تعديل او طعج ومع انك ماحددت دفع أمامي ولا خلفي لأكن اذا دفع أمامي مافيه عمود فنبني افكارنا مبدأين ان الدفع الأمامي رجته
من الكفرات او الجنوط او الترصيص اما الدفع الخلفي الرجه المتواصله من خمسين وستين للسرعات العاليه بدون انقطاع هذي جنوط مطعوجه واذا تحبيل فعلى ال٥٠او٦٠يون الكفر ومن ١٢٠يبدا بالرج بس رج متقطع من ١٢٠او١٤٠او١٦٠او كلهن سوا والجنط التجاري على سرعه١٦٠ او١٨٠يجي ويروح بينهن او متواصل واذا الرجه على سرعات من ٦٠وفوق ومتواصله والدركسون يرج والطبلون هذا صليب أمامي والخلفي يطقطقون الا الفوردات من ٢٠٠٠وفوق مايطق الصليب لاخرب بس يوضح بالوجه واذا ولا شي بالي ذكرت اول صار او اتضح عندها اذا موترك هيدروليك غيره احتمال يكون البالونات البالونات تكون واضحه الرجه تجئ من ١٨٠بالاول على خفيف وبعدين تزود ومع زياده الرجه تزيد الرجه بقوه لين ومتواصله١٦٠بعدين ١٥٠

[ابو حميسا]

اخوي سويت كل شي واخر شي فكيت العمود ومشيت بالدبل مافيه رجه تاكدت انه منه الحين فودي تخبروني لو فيه محل بالقصيم ولا لا

[الا سير]

ترصيص العمود بالمخارط هم الي يحددون
اذا العمود يحتاج ترصيص ولا لا مدامك فكيته
وده لااقرب مخرطه وهم راح يفحصونه ويرصصونه اذا احتاج
ترصيص

[ابو حميسا]

ترصيص العمود بالمخارط هم الي يحددون
اذا العمود يحتاج ترصيص ولا لا مدامك فكيته
وده لااقرب مخرطه وهم راح يفحصونه ويرصصونه اذا احتاج
ترصيص



المشكله ما من ناس تخصص عمدان عندنا ولا ماه غافله عني لكن معقوله 110 مشاهد ولا احد يعرف احد بالقصيم متخصص

[سرينا]

اخوي ابوحميسا
به واحدن بالرياض بالصناعيه القديمه تخصص عمدان لاكن والله مااضبط وصفه لاني مبطي مره عنه وعمالته فلبيني وباكستاني على مااعتقد الوصف ياطويل العمر مخرج 19 يصير مصنع الاسمنت وراك يجيك كبري اطلع معه وانزل تجيك أشاره السالم لزجاج لف معها يمين يصير السالم بيسارك وحقين قطع الغيار بيمينك ابتل تجيك اشاره عدها بشوي يجيك مديور ترابي بوجه العدو ديور وارجع يجيك دخله على اليمين كبيره ادخل معها همن يجيك مداخل علي اليمين مربعات هو مع هدخلات لاكني مضيعه والله اسال اي واحد يبي يدلك على طول محله كبير وكله عمدان بس ترصيص وترهيم وكل مايجي على بالك
اتمنى اني افدتك واعذرني على الاطاله

[ابو حميسا]

اخوي ابوحميسا
به واحدن بالرياض بالصناعيه القديمه تخصص عمدان لاكن والله مااضبط وصفه لاني مبطي مره عنه وعمالته فلبيني وباكستاني على مااعتقد الوصف ياطويل العمر مخرج 19 يصير مصنع الاسمنت وراك يجيك كبري اطلع معه وانزل تجيك أشاره السالم لزجاج لف معها يمين يصير السالم بيسارك وحقين قطع الغيار بيمينك ابتل تجيك اشاره عدها بشوي يجيك مديور ترابي بوجه العدو ديور وارجع يجيك دخله على اليمين كبيره ادخل معها همن يجيك مداخل علي اليمين مربعات هو مع هدخلات لاكني مضيعه والله اسال اي واحد يبي يدلك على طول محله كبير وكله عمدان بس ترصيص وترهيم وكل مايجي على بالك
اتمنى اني افدتك واعذرني على الاطاله


يا بعد راسي اشكرك كل الشكر وما قصرت