مقناص الاردن

[reavaldo2000]

السلام عليكم ورحمه الله وبركاته

يالربع عندي استفسار عن اماكن الصيد في الاردن. طبعا للارنب والكروان

لاني ناوي ان شاء الله اليومين ذي اقنصها

[وزاري]

.... اللى راحوا ماأستانسو ولا أنبسطوا ... وأنت على راحتك



الوناسة هناك أصطناعية تصطنعها علشان تونس خويك بسبب المكان والخوف اللى حاصل




أهم شئ اذا كنت على موترك اذا جيت الجمارك غسل السيارة كأنك سايح من السياح




ولا ..تراهم ينفضون الموتر اذا لقوا غبار صحراء (يشكون أنك ....)وخلال التفتيش بيكون دافورك والكاتم هناك والدله هناك والتفتيش 4ساعات

بالتوفيق

[عيد ثاني]

عليكم السلام ورحمة الله وبركاته ..

على حسب ما أسمع أن الرويشد فيها صيد أرانب والله أعلم ..

[علي بن رملي]

وعليكم السلام ورحمة الله وبركاته

اخوي العزيز

اماكن الصيد بالاردن

(الارانب)

بالرويشد
و
المفرق
ومعان
و
والكرك
و
وادي رم
.
الكراوي
جهة العقبه

لكن انا ما انصحك للروحه اهناك لان اماكن الصيد قليله

والان الامن قل
وممكن تحدث جرائم باسباب دخول عدد هائل السورين
انا ما ابي اعكر عليك
لكن هذي
الحقيقه
لكن اذا معك مجموعه كبيره
لابأس
اتمنى تاخذها نصيحة اخ لاخوه

[جنااااص]

وانا بعد اخوي انصحك لاتخاطر والسبب ارنب اسمع نصيحة اخواني الصقاقير
ومادام الأمان ضعيف في الأردن بسبب المشاكل الي صايرة احسن تبتعد عن المشاكل
وخليك وسط اهلك وجماعتك
وفي النهاية تراها ارانب ماتسوى تعبها
عالأقل الى ان تستقر الأوضاع وتطمن ذيك الساعة روح اقنص
نصيحة مني وانا اخوك
وماشاء الله عليك طلبت النصيحة من اخوانك وتريثت ما استعجلت وخاطرت بروحك
وتقبل مروري .