بخصوص تانكي الوطني

[اصيل نجد]

لو سمحتوا يالاخوان ابي اللي يعرف اطوال تانكي الماء الفيبر حق الوطني 40 لتر المسدوح اورقم تلفونهم واذا كان فيه احد افضل منهم لاتبخلون علي دلوني

[سي سي]

موقعهم طال عمرك اذا كنت بالرياض طريق خالد ابن الوليد وانت جاي من الدائري الشمالي باتجاه الجنوب تلاقيه عند اول اشارة
اما اذا كنت بالدمام فهو موجود بحي الفيصليه
اتمنى اني افدتك

[اصيل نجد]

بيض الله وجهك اخوي سي سي

[الصمان 2]

http://img534.imageshack.us/img534/2738/image0011zc.jpg


موقع الشركة : http://npco.com.sa/


موفق يالغالي ،،








.

[اصيل نجد]

الله يعافيك اخوي الصمان 2 ماقصرت تحياتي لك

[الوانيت1]

200 لتر يستحق انك تشتريه
خاصة للي عنده وانيت ....//// :D. :D. :D
:good2:

[سي سي]

تحت امرك وامر الجميع بهالمنتدى الشامخ بأعضائه وتامر امر

[ابو البر]

استلم
40 لتر
الأرتفاع 19 سم
العرض 25 سم
الطول 100 سم

بالنسبه لأرقام التلفونات
ما راح اعطيك ارقامهم لأني خايف عليك وعلى اعصابك من طريقة تعاملهم مع المتصلين (ولا راح يردون عليك لو بتشتري المصنع بكبره ) فلوس كتير بابا.
وبالتالي تأكد ان جوالك فيه رصيد لايقل عن الف ريال او بطاقة شحن بالفين ريال .
يجاوبك السنترال بالحركه البطيئه كنهم مسجلين الرد الألي من واحد نايم .
ويضيع عليك نصف ساعه اتصال / وبعد ما ينتهي من النشره الأولى يحولك على تحويله عشوائيه هو يختارها لك وتصفط لك خمس دقايق تقريبا الين يخلص من المدح في خدمات المصنع .
ثم بعده تسمع نغمه جميله انا اسميها نغمه (الرحمه ) وهي قفل الخط .

لذلك رح لهم بفرع شارع مخرج تسعه وانت متجه للدمام / لف يمين ووجهك جنوب وبعد تقريب كيلو بتحصله على اليمين في الزاويه .وراح تحصل شخص مصري في المبيعات قمه في التعامل وخفة الدم .

اللي مخفف علي كل هالتعب ان الصناعه ممتازه بصراحه ..........والأسعار معقوله وعمري ما اشتري الا منهم لاكن وش نقول بهالسنترال ابو صدر وسيع.

[فهد البهيجى]

هههههههههههههههههههههههههههههههههههههههههههههههههه هههههههههه

[الشمري 17]

نصيحة لو يقولون لك بريالين لا تاخذه المسدوح فاشل في دفع الماء مجرد ينقص منه الربع يصير دفعه ضعيف ويدبل التسبد

[اصيل نجد]

بيض الله وجيهكم كلكم يالنشاما كفوا والله اعضاء مكشات

[ابو البر]

نصيحة لو يقولون لك بريالين لا تاخذه المسدوح فاشل في دفع الماء مجرد ينقص منه الربع يصير دفعه ضعيف ويدبل التسبد
بضيف شي على كلامك وأستأذن من صاحب الموضوع
اولا يمكن تكون ميزه ان موية تضعف من اجل اقتصاد الماء هاذا اذا صار الضعف شي بسيط نوعا ما .
وثانيا / انا دائما اشتريها لغرض معين وهو شبكها مع ماطور دفع الماء (12) فولت سمنان.
وبالنسبه لمدحي لها فهو انها متينة الصنع وليس من السهل انشطارها وايضا تتحمل تحط فوقها اغراض بحكم ان تصميمها فيه تضليع للتقويه .

وسلامت سبدك.
وبالعربي سلامت قلبك.

[اصيل نجد]

مساكم الله بالخير انت يابو البر وانت يالشمر والنعم فيكم كلكم مشكورين وكلا مجتهد باللي يعرفه ربي يوفقكم لكن انا افضل التانكي الضعيف صبه علشان اقتصادي بالماء عند التغسيل خصوصا لصار معي العائله الله يصلح هالصغار كانهم ماشافوا ماء الا بالبر شاكر لكم ومقدر تجاوبكم وردودكم

[ولد الأولين]

الـ40 لتر صغيره مره عباره عن جرتين ماء فقط أم 6 ريال
إذا تبي تانكي خذ 75 لتر وانت طالع لك وللزمن والخيار أولا وأخيرا لك