ساعدوني تكفون واكون شاكر لكم

[faares]

بسم الله الرحمن الرحيم ..

السلام عليكم ورحمة الله وبركاته

انا مكشاتي جديد معكم وهذا اول موضوع لي معكم وطبعا ابي مساعدة منكم

واللي عنده خبرة بالامور ذي لا يبخل علينا تكفون لان والله وربي تعبنا من اصحاب

الورشات بكل شي يسحبون منا فلوس وبالهبل وكله نصب واصلا ما يصلحون شي على طول

يقول لازم تغير لازم توضب لازم تشيل ذي وتركب غيرها يعني مافي شي عندهم اسمه تصليح

نفس القطعة واعادة تركيبها (طبعا القطع اللي تقبل التصليح) لان فيه اشياء تتصلح وفيه اشياء لازم تتغير ..

المهم انا مشكلتي يا اخوان هي في القير وسيارتي كابرس 2007

والقير الحمدلله اوكي لكن مشكلته لما يبدل من اول الى ثاني فيه نتعه والمشكله ذي صارت

من قريب ورحت لاكثر من ورشه وكل واحد يتكلم على كيفه ( واحد يقول بفحص كمبيوتر واشوف

الثاني يقول ذي حساسات التعشيقات واحد ثالث يقول هذا حساس طرمبة زيت القير )

وانا جيت ابي اخذ رأيكم قبل اسوي شي لان وربي ملينا وتعبنا من كذب ونصب اصحاب الورشات

وغلاء بعض الورشات الثانيه ..

بشرح لكم نتعة القير لانها احيانا ما تكون موجوده هي تجي وتروح

لما اكون واقف تماما وابي امشي اعشق القير عادي وزي الحلاوة واذا مشيت كمان تمام

بس لما يبدل للثاني يبدله مع نتعه (قمزة)

بس فيه شي واحد ما فهمته اذا دعست على خفيف وبهداوة ومشيت تجي النتعه لما يبدل للثاني

لكن اذا دعست اقوى شوي يعني اقوى لكن مو لدرجة اني اخليها تفحط لا . بس قومة قوية شوي

كذا ما تجي النتعة وتجي بسلاسه وكل التبديلات الثانيه سلسه لدرجة ما احس فيها ما شاء الله

وذي قصتي كلها طبعا انا مغير زيت القير مع الفلتر من فترة قريبة وعاد سيارتي مدلعها قسم

وسواقتي هاديه ومافي شي عندي اسمه تفحيط او قومات مطارحات قسم شي يقهر :mad: :( :(

تكفوووووون ساعدوووني .. ولكم جزيل الشكر فديتكم ..

[faares]

تكفوووون يالربع مساعدة :(

[1824]

وش نوع الزيت المستعمل عند التغير

[faares]

زيت وفلتر اصلي يالغالي وترا ما اتوقع منه لان غيرته من فترة شهر ونص او اكثر مو الحين يعني لكن المشكله ذي لها ثلاث او اربع ايام

يومها فكيت المبرد عشان الرديتر كان فيه تهريب مويه من فوق وفكه راعي الرديترات وضبط الرديتر ورجع الليات حق القير زي اول لكن انكب شوي زيت من القير من اللي حقه وطبعا رجعت شيكت ع زيت القير وزودته شوي

[faares]

100 مشاهدة تقريبا ورد واحد بس

طلبتكم الفزعة يالغوالي تكفوووون :(

[ابو فهد ألعزي]

ممكن تكون من الجلبه اللي تثبت الكورونه بالشاص
صارت معي في لكزس 400 وتعبت وانا ادور الحل وبعدين تبين انها من جلب الورونه
وغيرتها واليوم تمام

جرب عند اي ميزان لا تفك ولا شي قل شيك لي على جلب الكورونه قبل الخساير تتوكد منها

[faares]

يا اخوي مشكور على ردك وتسلم ما قصرت

بس النتعه تجي يوم يبدل القير للتعشيقه الثانيه يعني لو من الكرونه وجلبتها كان صارت النتعه اول ما اعّشق الجير ولو سالفة جلبه كان صارت النتعه دايم بس عندي تروح وترجع يعني امس ما حسيت فيها غير شوي لكن اليوم رجعت تجي كثير وبصراحه خايف تخرب لي الجير وكنت ابي مساعده لكن محد من الشباب اصحاب الخبرة تكرم ورد علينا
ما اقول غير لا حول ولا قوة الا بالله ومشكورين ما قصرتوا ....

[abo yusef]

يا اخوي مشكور على ردك وتسلم ما قصرت

بس النتعه تجي يوم يبدل القير للتعشيقه الثانيه يعني لو من الكرونه وجلبتها كان صارت النتعه اول ما اعّشق الجير ولو سالفة جلبه كان صارت النتعه دايم بس عندي تروح وترجع يعني امس ما حسيت فيها غير شوي لكن اليوم رجعت تجي كثير وبصراحه خايف تخرب لي الجير وكنت ابي مساعده لكن محد من الشباب اصحاب الخبرة تكرم ورد علينا
ما اقول غير لا حول ولا قوة الا بالله ومشكورين ما قصرتوا ....

افحص كمبيوتر اخوي فيه شي اسمه دايجونستك هيستوري مخزن عندك مايطلعه اﻻ الكمبيوتر افحص بجهاز التكتو وراح يبانلك العطل اخوي
احنا مجر د وسيلة لتبادل الخبرات والمشاكل حتى الوكاله لو رحت لهم راح يقولون لك افحص كمبيوتر ماراح يفتيك واحد من راسه اﻻ واحد مو داري اش السالفه
فيه حساس التي بي اس يسويها ايضا حساس الماف ايضا حساسات القير مع الكمبيوتر كل ذي وغيرها ما يطلعها الكمبيوتر
اخسر 100 ريال احسن مماتخسر اكثر
وخله يمسح لك اﻻكواد اللي طلعت بعد ماتسجلها تبغى تسال عنها هنالشباب تب مايقصرون راح يساعدونك تبغى تدور بنفسك
فالعالم بين يدك بضغطة زر بعدين امش عليها الين تجيك المشكله افحص مره ثانيه عنده او اي واحد وانت وشطارتك قله بافحص مره ثانيه بس كاسره
بعض المشتكل ماتقدر تطلعها اﻻ اجهزة متقدمه الله يدلك

[خط الجبيل]

اذا كانت النتعة تجي والسيارة باردة اول ماتشغلها فهذا طبيعي

اذا كان خلاف ذلك شيك على حساس tps

فالنهاية لابد من فحص كمبيوتر