تانكي الفكس ار الثاني لايعمل

[- ابومبارك -]

إخواني عندي فكس ار 98 تانكيه الثاني لايعمل وديته لكذا كهرباي وماعرفله تضغط الزر يشتغل مره فل ومره فاضي الي قد مرت عليه المشكله او يعرفلها ياليت يفيدنا او يعرف كهرباي بالرياض شاكر ومقدر تعاونكم

[ياربي الجنة]

هلا بخوي ....هذا رقم واحد بالصناعية القديمة أسمه أمين رجال شغله نضيف وسعره ممتاز 0534304241

[ك و ح]

قبل لا تروح لأمين شيك على سلك المحول او القسام لانها قد حصلت لولد عمي معه لاندكروزر 2000 التانكي الثاني مليان ولكن اذا خلص التانكي الأول ونقله للتناكي الثاني عن طريق الضغط على الزر تولع الاضاءه اللي في الزر لكن الموتر يطفى على طول وراح لأكثر من كهربائي ولا لقى له حل ويوم عرضه علي وفحصته اتضح ان مشبك القسام فيه فضاوه شبكته زين وربطته زين بسيم طبعاً ربطت الفيش الذكر بالفيش الإنث وصار أخر خبره بهالمشكله ذاك اليوم الا ان باع الموتر