بارزٍ للشغل مايعرف منام...................الحل:الشاخص......حله:راعي العجراء

[ابو ماجد 2]

بسم الله الرحمن الرحيم

السلام عليكم ورحمة الله وبركاته



سقت انا لغزي ابي فيه الثلاث=ذكرى للماضي وفهم للتراث
وانتسلى عل ماينوبك مغاث= ولا تلوم العود في ذكر القديم
بارزٍ للشغل مايعرف منام=لو هو وقت الليل ماهو له دوام
عن قدوم اثنين يعطينا علام=ولا تلوم العود في ذكر القديم
بارز من بنت يلقح يافطين=والضنى ورع على عينك يبين
نوب يساره نوب يصبح عن يمين= ولا تلوم العود في ذكر القديم


مع تحيات ابو ماجد


منتديات مكشات 0 خيمة الالغاز

[ذيب الفقارة]

وعليكم السلام ورحمة الله وبركاته

صباح الخير فارسنا

أبو ماجد

ما شاء الله لغز رائع ويبدو أنه من الوزن الثقيل

رمعة افتتاحية

الأصبع والبصمة

تحياتي

[ابو ماجد 2]

وعليكم السلام ورحمة الله وبركاته


صباح الخير فارسنا


أبو ماجد


ما شاء الله لغز رائع ويبدو أنه من الوزن الثقيل


رمعة افتتاحية


الأصبع والبصمة



تحياتي


هلا بمختارنا
صبحك الله بالخير
لا مواخذه اللغز ظهر حوسه وكنت مضطر لايصال البنت للجامعه فما امداني اسوي تعديل
آمل انه ظهر الآن بالشكل المقبول
شرفني مرورك العطر والرمعه مالك لوى
وماشاء اللغز حتى لوكان ثقيل حسب كلامك فأنتم من يحلحل الثقيلات

[صقر السديرات]

صح لسانك ابو ماجد
بحكم اني اصغركم بذا الخيمة ماهنا خبرة بالقديم
لكن يمكن المسالة فيها غرب ومحال ودراج
دمت بخير

[ابو ماجد 2]

صح لسانك ابو ماجد
بحكم اني اصغركم بذا الخيمة ماهنا خبرة بالقديم
لكن يمكن المسالة فيها غرب ومحال ودراج
دمت بخير

هلا بمحافظنا
صباح الخير وصح بدنك
هههههههههههه
حلوووووووووووووه الله يقلع شيطانك جايب كل هالتراثيات وتقول اصغركم بالخيمه
لغزنا لايزال طليق

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

ويش قولك بـ

الخيط

الخيط الأبيض من الخيط الأسود من الفجر

خيط الأبرة

والضنى.....المخيط

[ناصر العلي]

محاولة أخرى يالغالي

مادام على العين ومره يسار ومره يمين

يمكن

الغمص

[ابو ماجد 2]

وعليكم السلام ورحمة الله وبركاته


سلمت يالغالي


وصح لسانك


ويش قولك بـ


الخيط


الخيط الأبيض من الخيط الأسود من الفجر


خيط الأبرة


والضنى.....المخيط


سلمت يابو علي وصح بدنك
مالك لوى يالغالي

[ابو ماجد 2]

محاولة أخرى يالغالي


مادام على العين ومره يسار ومره يمين


يمكن


الغمص



هلا بك دكتورنا
لايزال طليق

[ذيب الفقارة]

طيب يافارسنا

مايصير :

المحراث

[ابو ماجد 2]

طيب يافارسنا



مايصير :



المحراث



طاب فالك مختارنا
مالك لوى يالغالي

[عطري]

و عليكم السلام و رحمة الله و بركاته



صح لسانك أبا ماجد ، و الله يقويك على الخير و الطاعة.



أبيات طيبة ، طيب الله أيامك .



قلت أول شيء أسلم و أشيد بالهزين قبل لا انشغل كالعادة



بعض الأحيان أفتح الصفحة و تقعد ساعات مفتوحة ما رديت و لا قريت.



جاري التفكير،،،

[ابو ماجد 2]

و عليكم السلام و رحمة الله و بركاته



صح لسانك أبا ماجد ، و الله يقويك على الخير و الطاعة.



أبيات طيبة ، طيب الله أيامك .



قلت أول شيء أسلم و أشيد بالهزين قبل لا انشغل كالعادة



بعض الأحيان أفتح الصفحة و تقعد ساعات مفتوحة ما رديت و لا قريت.



جاري التفكير،،،


ياهلا ومليون هلا بعطرنا الفواح
صح بدنك والزين تواجدك وكلماتك الطيبه
كلنا يالغالي احيانا نفتح على اللغز وننشغل عنه فيظن صاحب اللغز انك لم ترمع ولم تسجل حضور
واول كنت اشاهد اللغز وافتح عليه وآخذ بالتفكير قد يصل لربع ساعه واكثر ثم يحضر المرماع وارمع فأتفاجأ انه انحل وصحح له صاحب اللغز
ولكن هالحين اشوى تذيهنت اصبحت في حالة كهذه اسوي تحديث ثم ارمع من شان نسلم من الشماته
هههههههه
شرفني تواجدك يالغالي

[نجم القوافي]

وعليكم السلام ورحمة الله وبركاته

اسعد الله صباحكم

صح لسانك وبيض الله وجهك

نقول مُغاث :

نبات برِّيّ ، ينبت في جبال فارس والموصل له جذور غلاظ تسحق ويضاف إليها

الماء والسُّكَّر والسَّمن وموادّ

أخرى وينطق في العاميَّة بالتَّاء مُغات

[ذيب الفقارة]

طيب يا فارسنا

مايصير

قوس الربابة

[أبوعبدالرحمن99]

و عليكم السلام و رحمة الله و بركاته



صح لسانك أبا ماجد ، و الله يقويك على الخير و الطاعة.



أبيات طيبة ، طيب الله أيامك .



قلت أول شيء أسلم و أشيد بالهزين قبل لا انشغل كالعادة



بعض الأحيان أفتح الصفحة و تقعد ساعات مفتوحة ما رديت و لا قريت.



جاري التفكير،،،
بعد السلام و التحية ،
الحال من بعضه ،و الصفحة مفتوحة من الحصة الأولى D:
صح لسانك يا ابو ماجد على هالمروبع الرايق
جاري التفكير

[عطري]

طيب يا فارسنا

مايصير

قوس الربابة



أنا ما أعرف أجزاء الربابة



لكن مؤيد جزئياً لمشرفنا الغالي أبي عدنان



يعني كل شاب يشوف رمعة أي مخضرم و يؤيد ، أحسن من الضلع.

[عطري]

بعد السلام و التحية ،
الحال من بعضه ،و الصفحة مفتوحة من الحصة الأولى D:
صح لسانك يا ابو ماجد على هالمروبع الرايق
جاري التفكير

و عليك السلام ورحمة الله و بركاته

هلا بشاعرنا أبي عبدالرحمن



حياك الله و بياك



قالها أبو ماجد : تصير على الجميع ، فلا بأس على أحد.

[راعي الرجم]

بسم الله الرحمن الرحيم

السلام عليكم ورحمة الله وبركاته



سقت انا لغزي ابي فيه الثلاث=ذكرى للماضي وفهم للتراث
وانتسلى عل ماينوبك مغاث= ولا تلوم العود في ذكر القديم
بارزٍ للشغل مايعرف منام=لو هو وقت الليل ماهو له دوام
عن قدوم اثنين يعطينا علام=ولا تلوم العود في ذكر القديم
بارز من بنت يلقح يافطين=والضنى ورع على عينك يبين
نوب يساره نوب يصبح عن يمين= ولا تلوم العود في ذكر القديم


مع تحيات ابو ماجد


منتديات مكشات 0 خيمة الالغاز






عن قدوم اثنين يعطينا علام=ولا تلوم العود في ذكر القديم
بارز من بنت يلقح يافطين=والضنى ورع على عينك يبين

صح لسانك يابو ماجد مايصير الهلال دخول رمضان وهلال العيد

[ناصر العلي]

طيب يالغالي

مايصير

الشمع

شمع العسل

شمع الأذن

[badr2003]

السلام عليكم ورحمة الله وبركاتة

صح لسانك يابو ماجد

محاولة مضلعة

ساعة ام صليب كانت قديمة وبارز منها زنبرك لتعشية الساعه

وتخبرنا عن التوقيت ممكن الزوالي والغروبي

مالحقت عليها بس كني سمعت عن هالمعلومات ان كانت صحيحة

[ناصر العلي]

محاولة أخرى يالغالي

الميل

ميل المكحلة

والضنى....الكحل يبان على العين

ويمكن ميل....يحدد به وقت الزوال....وقت الليل ماهو له دوام

[عطري]

القمر و البنت الشمس و الورع النجم .



و عطري إلى الضلع..........

[راعي العجراء]

صح السانك يابو ماجد
وش هالقديم الزين
رنع
فيه عود وتد يضعونه لكي يعرفون وقت دخول الضهر من الضحى بزوال الشمس ووجود ضل
وهو يلقح من الشمس وينجب الضل وبالليل ماله اي قيمه حتى لو واصل بعمله
مع السلامه

[ابوماريا]

عليكم السلام ورحمة الله وبركاته
صح السانك مليووووون يابو ماجد
ماشاء الله تبارك الله
لغز بغاية الروعة

ورمعة المبدع راعي العجراء جازتلي

[ابو ماجد 2]

صح السانك يابو ماجد




وش هالقديم الزين
رنع
فيه عود وتد يضعونه لكي يعرفون وقت دخول الضهر من الضحى بزوال الشمس ووجود ضل
وهو يلقح من الشمس وينجب الضل وبالليل ماله اي قيمه حتى لو واصل بعمله


مع السلامه


الاخوة الافاضل
صحت السنتكم جميعا ولا تواخذوننا على الرد الجماعي
دكتورنا شاهدت مرماعك ولم ارد في حينها لعلك تعدل فيه والزوال له علاقه
ولكن المرماع اتى من راع العجراء
كفووووو كفوووووووووو كفووووووووو
نعم
هو ماذكرت
ويسميه البعض
الشاخص
واحيانا يكون حجر بارز بالجدار يستدلون من ضله لوقتي صلاة الظهر والعصر وذلك بوضع خطوط متى ماصل لهن الظل دخل الوقت
لله درك وصح لسانك ملايين
http://www.abofahed.com/nuke/images/masjid/uvs040511-020.jpg


صورة للسرحة الغربية ويبدو فيها على يمين الميزاب (الشاخص) وهو حجر بارز في سور السرحة يعرفون به أوقات الصلاة بموجب انصراف الشمس ويبدو فيها المنبر

بيض الله وجهك ياراع العجراء وبيض الله وخهك يالمثالي على التاييد

[ذيب الفقارة]

كفووووووووووووو كفووووووووووووووووو كفووووووووووووووووو

حبيب الكل

راعي العجراء

الحل هو كما ذكرت :

الشاخص

وصح لسانك فارسنا

أبو ماجد

عدت بنا لأيام خالي وهو مستخدم عندنا أيضا وبطرق مختلفة

تحياتي