الله لا يهينكم سؤال عن الامبي

[نجم السهاء]

هل الامبي 200 يصلح للسياره مع وجود محول قوي في السياره واريلي سيار واذا لا يتحمل ايش اللي يتحمل وماهو اسمه ومحل بيعه والاريل اللي يركب عليه ويكون كويس ((((ابي ردود الله يجزاكم خير ))))


@ مـــــــــــــــــــــــــلاحظه هامه @
((اي واحد اشوف رده بدعي له ))

[الرمسيس]

اخوي الامبي 200 عادي يتحمله الاريل الي عندك
يعني وضعك طيب بس وش سالفة المحول وانت بالسياره

[نجم السهاء]

الله يجزاك خير يا الرمسيس ويفرج همك في الدنيا ويدخلك الجنه
المحول هذا يا اخي يعطي 30 امبير او ازود شوي لاكنه ترهيم وهو نفس المحول المستخدم للاجهزه في البيت لاكن قوي فهل يؤثر هذا على الامبي او احسن للامبي من البطاريه ((لاني اخاف اذا حطيته على المحول زاد من قوة الامبي فاحرق العفش )) (: وشكراً

[شبح الصحراء]

يا إخوان إحذروا من الترددات العالية فلها أثر خطير على الصحة فالإمبي يرفع من التردد بشكل كبير جداً لذلك يحتاج لإبعاد الهوائيات عن المستخدمين فهو مناسب للمنازل والمخيمات أما السيارة فسوف يكون الهوائي قريب جداً من الركاب فالحذر منه وانصح بالإكتفاء بقوة الجهاز العادية مع إبعاد الهوائي قدر المستطاع .

[نجم السهاء]

جزاك الله خير يا شبح الصحراء
ومشكور على النصيحه

[الرمسيس]

هلا اخوي النجم ومعليش على التاخر
اخوي حسب معلوماتي
ان اقلهن يمكن تعطي اكثر من 40 امبير لذالك اشبكه على البطاريه والجهاز على المحول الي عندك لكن انا سؤالي لك المحول الي عندك منين يجيه الكهرباء عن طريق البطاريه او مصدر ثاني
ملاحظه اخوي النجم البطاريه كم امبير الي بسيارتك
وانا اسف مره ثانيه على التاخير

[الرحال2009]

السلا عليكم

[راعي الهـــدد]

أخوي الفاظل انا لن أحدثك عن فلان وفلان

وانما عن نفسي

انا ونخوك مركب امبي فير 200 واط بالجيب وطالع زي الحلاوه ولا يحتاج محول ولا شي ابد

يعطيك واطات حلوه مره 200 وزياده شوي اذا فكيت قطعه داخل الأمبي

المهم ركبه ولا تشاور وفصل من عند السنيدي جراب زي المخبى (( جيب )) من القماش التنزاني ويكون يسقط الأمبي فيه تسقيط من فوق ويسكر المخبى عن الأطفال بغطاء من نفس القماش ويلصق بتشك تشك الزاق المعروف

وطريقته يعمل زي تنجيد المرتبه بس للطرف العلوي لمرتبة السواق يعني يكون خلف السواق بالعربي وللتوظيح يكون وظعه زي الكوت حقك اذا علقته على المرتبه

المهم ........
ياخي عجزت اوصف آآآآآه يالكمره بس

كان غثيتك بالصور

المهم أنه زين وبس وركب اريل كمت الأسود والسلام

محبك ابو حـمـد