فيديو .. تـــــلــــويــــح لــ طـــــــــــــيـــــــــريـــن مـــع بـــعــــض .. !!

[قروب الصيد]

بسم الله الرحمن الرحيم



السلام عليكم ورحمه الله وبركاته


زوار وأعضاء منتديات مكشات



فيديو من تصوير - قروب الصيد


لـ تــــلــويـح لــطــيــريــن مــع بــعــض



مشاهدة ممتعــة


5rAhDwiTsYQ







في الختام تقبلوا أطيب التحايا والتقدير


قروب الصيد

[علي بن رملي]

وعليكم السلام ورحمة الله وبركاته

يعطيكم العافيه على المجهود اللي بذلتوه

لكن

عندي انتقاد بسيط وهو للمصلحه العامه

ملاعب (طيرين) على الملواح

هو شيء شاذ بالنسبه للصقاره ويخرب الطيور

والسبب ان
الطير اذا تعلم يوقع على الملواح

فراح يوقع عند الصيد
وانا
اعتقد بان وجهة النظر هذه
ليست وجه نظري

فقط

اتمنى

ان تتقبل النقد بصدر رحب بارك الله فيك
.

موفق

[أملج سيتي]

بارك الله اخي الغالي
الملواح له عدة طرق واساليب
كل صقار له طريقته المفضله
اشكر لك مشاركتك معنا واحياء القسم

[ابوميلاف]

السلام عليكم ورحمة الله وبركاته

انا اقول ان هداد طيرين على ملواح واحد وفي وقت واحد خطاء
عند اي صقار لان لو واحد من الطيور مسك الملواح راح يهد عليه الثاني على طول
وهذا اكيد راح يسبب مشكله بين الطيور من مشابط احدهم قد ينتج عنه اصابة احدهم
او كسر بريش احدهم

[fdfd_2002]

هذا ماهو عمل صقار محترف
الله يهديه يعتبر خطأ فادح هد طيرين بوقت واحد

[ah1122]

اذا ممكن الرابط لاجهزه اللوحيه (الاي باد)

[زيزوم الاكحل]

السلام عليكم ورحمة الله
عندي وجهة نظر بخصوص هدد طيرين سابقاً والكل يعلم ان هدد طيرين احرار على الصيدة خطاء ولا زال خطاء حيث ان الطيور تحدم وممكن تتشابط ولكن ما جربته انا من خلال هدد الشياهين فلم ااجد بها مشاكل وهددها ممتع وجميل 2في 1 فالطير على ماتعود اذا الطيرين ما هيب مشابطية فمن الممكن هدها سواء وتجهيز علف للطير الثاني في حال صاد احد الطيرين
ومن خلال ملاحظتي لهدد المنغوليين بالعقبان فهم يهدون عقابين سواء ومعروف ان العقبان هي من اشد الطيور في المشابط
وتحياتي للجميع
وكل جيل له صقاقيرة
الجيل القديم يعتبرون الهدد على الكروان افساد لطير الحبارى ؟؟؟

[الشعراوي 111]

لاهنت يخوي رابط المقطع

[ابوسحااب]

ﻻهنت مقطع رائع وكل جيل وله صقاقيره

[توكار]

الطير اذا مسك الملواح وش بيسوي الطير الثاني
المسالة واضحة تعليم الطير انه يكوش ويخرب طبعة
وهذه عادة جديدة للجيل الجديد

[جارح العين]

تقولون الي يلوح لطيرين مع بعض ماهو صقار وجهل وجيل جديد مايعرف شي ؟
طيب ومقطع الجيرتين الشياهين اعتقد كلكم شفتوه الي يهدهن الثنتين على الصيده ويعلفن الثنتين من نفس الصيده
هذا تسمونه جاهل ؟
والله ان الجهل فينا ,,, بالعكس هذا فن التربيه والتدريب ,, اكبر صقار بالسعوديه ماسواها
انا واحد من الناس لوحت لطيرين مع بعض ومن غير اي مشاكل
والموضوع مو شي اعتيادي هو ككان مجرد تجربه والصقار عارف طيره اذا يشابط او لا



:D ابو جهاد استر ماواجهت

[ابوخالد--]

ما شاء الله تبارك الله
انشهد انه صقار و كفو
و يا اخوان طبعا اقصد من ينتقد هالابداع و يقول هذا ما وجدنا ابائنا عليه فانا اقولك لازم ترجع لاصل الصقارة حسب منطقتك و لا تنقل طير ما قد طرح في منطقتك وخصوصا اللي ينقل جير وينتقد فالجير دخيل جديد مثل طريقة الدعو او هدد طيرين على طريدة وحده

[جنوبي 505]

ماشاء الله