سحاب نجد راعي شقراء
27/02/2014, 10:32 AM
السلام عليكم ورحمه الله وبركاته
هذي يالغالين مجموعه من السواليف الي مرت علي في شبابي ياسفابي سفاباه قظا عمري :D
خل اعلمكم بشي ينفعكم ونتم الي تعلموني بس انا جربته وشفت النتيجه الفوريه ونا منيب بخل عليكم ودي لكم مثل الي اوده لنفسي وربي يشهد علي
تقومون سلمكم الله اذا اوجعكم شي ولا هوب لازم يوجع شي الواحد يسويها ولو مافيه شي وتقرون ونتم رافعين كفوفكم مثل الي يدعي ربه وتقرون قل هواالله احد وقل اعوذ برب الناس وقل اعوذ برب الفلق يعني المعوذتين ثلاث مرات ثمن تنفثون في يديكم ثلاث مرات وتمسحون به مكان الالم ان كان فيه الم ولا تمسحون به كل الجسم من فوق الين تحت ومن فوق الثياب بعد تقعدون تفصخون فيذا المربعانيه ويلفحكم براد ثمن تقولون كله من سحسح هههههههههههه
تراي اقول من فوق الثياب ونتم طبعن موقنين ان الشفا من الله سبحانه وماهن الا سبب فقط وشوفو النتائج وشوفو وشلون ربي ميسر لنا كلش بس اسيود راس مايجوز عن غثاه ابد وقصد بسيود راس انحن ياالاوادم
هاه وش رايكم اصلح اكون داعيه وواعض ولا الفقها وسكت وهي ياقربها:D
تراي قد جلست احكي على اخوي الصغيروهو مايفهم شي توه صغييربس مالقيت احد يسمعلي وش اسوي المهم ابوي كان منسدح يحتري امي تحط الغدى ويسمعني ابوي ونا اسولف ونا احسبه يسمعني وجايزله سواليفي وهي كلها عن ابونا ادم عليه السلام ومادريت الا ببوي يرجفني برجله وهو يقولي ورا ماتاكل تبن وتخلي ابونا ادم في حاله اكيد يوم سمع سواليفي درا انها مهيب يم جاده وكلها خطا :D
تدرون وش ودي ودي انكم عندي ومسوين دائره علي ونا صاير كني حبابه مغير اسبحن عليكم ذكرت شي يسونه العجيزات منول الا جاهم بزرتقوم العجوزو تمسك البزر مع يده وتدلي تثني اصابعه وتقول هذايا مربط البقره وتثني الاصبع الثاني وتقول هذيا مربط العجله والعجله تراها بنتك يالبقره الا صارت توها صغيره يسمونها عجله وتثني الاصبع الثالث وتقول وهذيا مربط العنز وتثني الاصبع الرابع وتقول هذيا مربط التيس وتثني الاصبع الخامس وتقول هذا مربط الفرس بديخ بديخ بديخ ثمن تدغدغك مع ابطك ثمن نشنقل على ورانا من الضحك بسبب الدغدغه
يازينهم ويازين حكيهم ومزحهم صدق عاد من منكم الي يذكرها وقد صارت له انا اذكرها واااجد صحيح اشياء بسيطه ونسوها الناس بس ذكراها وطاريها له طعم ثاني
ومن منكم يذكر الا صار الابو منسدح على ظهره وخاطره ذاك اليوم زين ومتا يجي الخاطر زين عاد في العويد اربع وعشرين ساعه في اليوم وهم معصبين وشو عليه مدري المهم نجي ونجلس على اطراف رجليه وترانا نصير تونا بزور بزرت عين العدو ثمن يرفعنا برجليه فوق وهو يقول ودددش ودددش عاد مدري وشي وددش او انها تئثيرات صوتيه لزياده الاستمتاع وهي الحروه
بس لا تجي لبوك والنفس شينه تراه يبي يرطعك برجله ويخليك تدربا وكانك قريب بعد منه لخك بكف يخليك تشوف مناير مصر يقولونها منول واجد بس مدري وشي مناير مصر هلهي الاهرامات ولا مدري المهم انهم يقولونها ولا قالو والله لوك ذايق المرقوق اليوم انك تشوف مناير مصر لان مناير مصر تجي في الشي الزين والشين المهم والله يعينا على المهم -
اذكرجيت انطط يعني اناقز توي جاي من الشارع لاعب مع ولد الجيران غزالا بزالا وهذي لعبه قديمه المهم يوم دخلت البيت وشوف ابوي جعله للجنه منسدح في حجره نسميها الدهريز وجيك اركض وطب على رجلين ابوي ابيه يسويلي وددش يعني يرفعني برجليه ومادريت الا يوم شاتني ذيك الشوته تشقلبت في الهوا مرتين قبل لا اطيح على الارض من قو الشوته اثري يوم اجي اتميلح على ابوي اثره راقد وش دراني بعد انه راقد :D هماي اقولكم قبل العويد معصبين شوفو ابوي معصب وهو راقد :D
اذكرمنول مثل ذا الوقت الا دخلت المربعانيه والبرد الشديد ونتم خابرين مهنا ملابس تسوا كلش فقر في فقر ويبداالله يكرمكم المشق والغمص يعمل عمايله ياالله انها يمك ويجي مع البرد مطر ثمن تصير الارض راكخه والسكيك رطارط من المطر ثمن تهب الشماليه وتكمل الناقص ولاالنسريه اكود ودق رقبه ههههههه يعني النسري برده شديد يسمونها منول مبكيه الحصني هههههه يعني الا شفتا ابا الحصين ولا دموعه تصبصب ضعيف من قو البرد والناس يقولون مبكيه الحصني
والنسريه يالغالين هي الا هب الهوا شمال شرق جهه جنوب غرب هذي النسريه ولا اكود من بردها ابد في العظم على طول الله يدفع البلا ويجمد الماء يصير الفجرثلج
والهيفي الا قالو الشياب اليوم هواها هيفي هي يالغالين الا جانا الهوا من جنوب غرب جهه شمال شرق هذي يسمونها هيفي وهذي هواها معتدل مهوب يضر مثل النسري
ولا الا قالو الشياب مهبها مغيب نجوم يعني غربيه شماليه تقريبن هذي مغيب نجوم
ولا يقولون الشياب مهبها مطلع شمس يعني شرقيه مايله شوي جهه الجنوب
يالله عاد وين تلقون لكم واحد يعلمكم مثلي ههههههه
الله منزين السواليف بعد ههههههههههههه
المهم وش يسوون الاولين ياملا الفردوس لهم جميع الا جاهم البرد الشديد يقومون ويرقدون في الصفه والصفه هي الغرفه هلحين تصدقون لو احد قال منول الغرفه يقولون له الله من الموقه بعد الي الصفه صارت غرفه ونكانهم زودوها شوي قالو الله مار يهون ضده
وشذا الموقه بعد يسمي الصفه الغرفه الله بس يهون ضده
هماي يومني صغييير رحت يم مزرعه الجرعه انبط بنباطتي وكان معي نباطه معلقها في رقبتي ونباطه ثانيه علشان الا انقطعت وحده يصير معي ثانيه ماعندي وقت اقعد اصلح الي منقطعه ولا عمري صدت شي الا كان دخله ولا عصفورالله من زين الصيد بعد المهم تعرفون السوق الي غرب الجرعه ويروح شمال الين ياصل ركيه الشهبان جعلهم للفردوس وميمتي وبيي وخيي وجدي بعد المهم والله يعينا على المهم انا كنت واقف عند بيت حسينه الله يمتعها متاع الصالحين ياحبيل حسينه وربي يشهدالمهم وشوف شي يمشي مع السوق الي يروح لركيه الشهبان وهو مطمن وشوياربي هذا وشو ياربي هذا وقعد ارجمه او احلته كلهن واحد المهم ورجمه بالحصا الين طاحت حصات حوله ومادريت بسم الله علي الا يوم وقف الي انا ارجمه ومادريت بعد يوم وقف ولاه وش طوله ويلتفت علي ونا مع الترجيم صرت منيب بعيد عنه المهم يوم التفت علي قالت لي سحسح وشبلاك ترجمني ونا امك طلعت جدتي
ام ابوي ياجعلها لعليين امين يارب العالمين ويومني اقول لكم انها تمشي وهي مطمنه علشانها مع الكبر منحدبه وتعكز على العصا بس الا وقفت وعدلت ظهرها تطلع وش طولها الطول عز ياجدتي جعلك للفردوس وميمتي وبيي وخيي وجدي
ويوم قالت لي سحسح وراك ترجمني ونا امك انحشت مدري وين ابا اروح معه بس انحشت واعيباه واعيباه ياسحسح ترجم امك الكبيره نسميها كذا امنا الكبيره جعلها للجنه
هذا ونا اعرف امنا الكبيره زين بس مدري وشبلاي ماعرفتها ذا المره بلاه والله ثوارتي ولا فيه احد مايعرف امه الكبيره يعني جدتي بس الهبال مايخلي اهله :D
وااستودعكم الله وفي حفض الله
سبحان الله والحمد لله ولااله الا الله والله اكبر - عدد ماخلق ربي
هذي يالغالين مجموعه من السواليف الي مرت علي في شبابي ياسفابي سفاباه قظا عمري :D
خل اعلمكم بشي ينفعكم ونتم الي تعلموني بس انا جربته وشفت النتيجه الفوريه ونا منيب بخل عليكم ودي لكم مثل الي اوده لنفسي وربي يشهد علي
تقومون سلمكم الله اذا اوجعكم شي ولا هوب لازم يوجع شي الواحد يسويها ولو مافيه شي وتقرون ونتم رافعين كفوفكم مثل الي يدعي ربه وتقرون قل هواالله احد وقل اعوذ برب الناس وقل اعوذ برب الفلق يعني المعوذتين ثلاث مرات ثمن تنفثون في يديكم ثلاث مرات وتمسحون به مكان الالم ان كان فيه الم ولا تمسحون به كل الجسم من فوق الين تحت ومن فوق الثياب بعد تقعدون تفصخون فيذا المربعانيه ويلفحكم براد ثمن تقولون كله من سحسح هههههههههههه
تراي اقول من فوق الثياب ونتم طبعن موقنين ان الشفا من الله سبحانه وماهن الا سبب فقط وشوفو النتائج وشوفو وشلون ربي ميسر لنا كلش بس اسيود راس مايجوز عن غثاه ابد وقصد بسيود راس انحن ياالاوادم
هاه وش رايكم اصلح اكون داعيه وواعض ولا الفقها وسكت وهي ياقربها:D
تراي قد جلست احكي على اخوي الصغيروهو مايفهم شي توه صغييربس مالقيت احد يسمعلي وش اسوي المهم ابوي كان منسدح يحتري امي تحط الغدى ويسمعني ابوي ونا اسولف ونا احسبه يسمعني وجايزله سواليفي وهي كلها عن ابونا ادم عليه السلام ومادريت الا ببوي يرجفني برجله وهو يقولي ورا ماتاكل تبن وتخلي ابونا ادم في حاله اكيد يوم سمع سواليفي درا انها مهيب يم جاده وكلها خطا :D
تدرون وش ودي ودي انكم عندي ومسوين دائره علي ونا صاير كني حبابه مغير اسبحن عليكم ذكرت شي يسونه العجيزات منول الا جاهم بزرتقوم العجوزو تمسك البزر مع يده وتدلي تثني اصابعه وتقول هذايا مربط البقره وتثني الاصبع الثاني وتقول هذيا مربط العجله والعجله تراها بنتك يالبقره الا صارت توها صغيره يسمونها عجله وتثني الاصبع الثالث وتقول وهذيا مربط العنز وتثني الاصبع الرابع وتقول هذيا مربط التيس وتثني الاصبع الخامس وتقول هذا مربط الفرس بديخ بديخ بديخ ثمن تدغدغك مع ابطك ثمن نشنقل على ورانا من الضحك بسبب الدغدغه
يازينهم ويازين حكيهم ومزحهم صدق عاد من منكم الي يذكرها وقد صارت له انا اذكرها واااجد صحيح اشياء بسيطه ونسوها الناس بس ذكراها وطاريها له طعم ثاني
ومن منكم يذكر الا صار الابو منسدح على ظهره وخاطره ذاك اليوم زين ومتا يجي الخاطر زين عاد في العويد اربع وعشرين ساعه في اليوم وهم معصبين وشو عليه مدري المهم نجي ونجلس على اطراف رجليه وترانا نصير تونا بزور بزرت عين العدو ثمن يرفعنا برجليه فوق وهو يقول ودددش ودددش عاد مدري وشي وددش او انها تئثيرات صوتيه لزياده الاستمتاع وهي الحروه
بس لا تجي لبوك والنفس شينه تراه يبي يرطعك برجله ويخليك تدربا وكانك قريب بعد منه لخك بكف يخليك تشوف مناير مصر يقولونها منول واجد بس مدري وشي مناير مصر هلهي الاهرامات ولا مدري المهم انهم يقولونها ولا قالو والله لوك ذايق المرقوق اليوم انك تشوف مناير مصر لان مناير مصر تجي في الشي الزين والشين المهم والله يعينا على المهم -
اذكرجيت انطط يعني اناقز توي جاي من الشارع لاعب مع ولد الجيران غزالا بزالا وهذي لعبه قديمه المهم يوم دخلت البيت وشوف ابوي جعله للجنه منسدح في حجره نسميها الدهريز وجيك اركض وطب على رجلين ابوي ابيه يسويلي وددش يعني يرفعني برجليه ومادريت الا يوم شاتني ذيك الشوته تشقلبت في الهوا مرتين قبل لا اطيح على الارض من قو الشوته اثري يوم اجي اتميلح على ابوي اثره راقد وش دراني بعد انه راقد :D هماي اقولكم قبل العويد معصبين شوفو ابوي معصب وهو راقد :D
اذكرمنول مثل ذا الوقت الا دخلت المربعانيه والبرد الشديد ونتم خابرين مهنا ملابس تسوا كلش فقر في فقر ويبداالله يكرمكم المشق والغمص يعمل عمايله ياالله انها يمك ويجي مع البرد مطر ثمن تصير الارض راكخه والسكيك رطارط من المطر ثمن تهب الشماليه وتكمل الناقص ولاالنسريه اكود ودق رقبه ههههههه يعني النسري برده شديد يسمونها منول مبكيه الحصني هههههه يعني الا شفتا ابا الحصين ولا دموعه تصبصب ضعيف من قو البرد والناس يقولون مبكيه الحصني
والنسريه يالغالين هي الا هب الهوا شمال شرق جهه جنوب غرب هذي النسريه ولا اكود من بردها ابد في العظم على طول الله يدفع البلا ويجمد الماء يصير الفجرثلج
والهيفي الا قالو الشياب اليوم هواها هيفي هي يالغالين الا جانا الهوا من جنوب غرب جهه شمال شرق هذي يسمونها هيفي وهذي هواها معتدل مهوب يضر مثل النسري
ولا الا قالو الشياب مهبها مغيب نجوم يعني غربيه شماليه تقريبن هذي مغيب نجوم
ولا يقولون الشياب مهبها مطلع شمس يعني شرقيه مايله شوي جهه الجنوب
يالله عاد وين تلقون لكم واحد يعلمكم مثلي ههههههه
الله منزين السواليف بعد ههههههههههههه
المهم وش يسوون الاولين ياملا الفردوس لهم جميع الا جاهم البرد الشديد يقومون ويرقدون في الصفه والصفه هي الغرفه هلحين تصدقون لو احد قال منول الغرفه يقولون له الله من الموقه بعد الي الصفه صارت غرفه ونكانهم زودوها شوي قالو الله مار يهون ضده
وشذا الموقه بعد يسمي الصفه الغرفه الله بس يهون ضده
هماي يومني صغييير رحت يم مزرعه الجرعه انبط بنباطتي وكان معي نباطه معلقها في رقبتي ونباطه ثانيه علشان الا انقطعت وحده يصير معي ثانيه ماعندي وقت اقعد اصلح الي منقطعه ولا عمري صدت شي الا كان دخله ولا عصفورالله من زين الصيد بعد المهم تعرفون السوق الي غرب الجرعه ويروح شمال الين ياصل ركيه الشهبان جعلهم للفردوس وميمتي وبيي وخيي وجدي بعد المهم والله يعينا على المهم انا كنت واقف عند بيت حسينه الله يمتعها متاع الصالحين ياحبيل حسينه وربي يشهدالمهم وشوف شي يمشي مع السوق الي يروح لركيه الشهبان وهو مطمن وشوياربي هذا وشو ياربي هذا وقعد ارجمه او احلته كلهن واحد المهم ورجمه بالحصا الين طاحت حصات حوله ومادريت بسم الله علي الا يوم وقف الي انا ارجمه ومادريت بعد يوم وقف ولاه وش طوله ويلتفت علي ونا مع الترجيم صرت منيب بعيد عنه المهم يوم التفت علي قالت لي سحسح وشبلاك ترجمني ونا امك طلعت جدتي
ام ابوي ياجعلها لعليين امين يارب العالمين ويومني اقول لكم انها تمشي وهي مطمنه علشانها مع الكبر منحدبه وتعكز على العصا بس الا وقفت وعدلت ظهرها تطلع وش طولها الطول عز ياجدتي جعلك للفردوس وميمتي وبيي وخيي وجدي
ويوم قالت لي سحسح وراك ترجمني ونا امك انحشت مدري وين ابا اروح معه بس انحشت واعيباه واعيباه ياسحسح ترجم امك الكبيره نسميها كذا امنا الكبيره جعلها للجنه
هذا ونا اعرف امنا الكبيره زين بس مدري وشبلاي ماعرفتها ذا المره بلاه والله ثوارتي ولا فيه احد مايعرف امه الكبيره يعني جدتي بس الهبال مايخلي اهله :D
وااستودعكم الله وفي حفض الله
سبحان الله والحمد لله ولااله الا الله والله اكبر - عدد ماخلق ربي