ابغى اشتري عدد وادوات كهرب ومفكات ...الخ ساعدوني كيف اشتري عده متوسطه وشامله

[أبوعبدالرحمن الأسعدي]

السلام عليكم ورحمة الله وبركاته


اليومين هذي ناوي ان شاءالله اشتري لي عدد وادوات مثلا مفكات ودريل وغيره من ادوات الفك والربط والقطع .. ولكن يبي لها ميزانية جااااادمه !!:D وانا بصراحه ابغى لي عدة تفي بالغرض من تجميعي ولا ابغى شنط جاهزه لانك مهما حرصت على الزينه بتلقاها ناقصه أكيد او اشياء مالك فيها لزوم..!

لذلك بشتري لي شنطة فاضيه وابغى اعبيها على ذوقي :good2:
http://cf2.souqcdn.com/item/46/12/44/2/item_L_4612442_1169496.jpg

فاللي ابغاه منكم الله يسلمكم تقترحون علي عدد مختصره مثال للي اقصده هنا عدة مفكات في مقبض واحد زي ماهو في الصورة

http://i01.i.aliimg.com/wsphoto/v1/728833935/Free-shipping-65-in-1-combination-font-b-screwdriver-b-font-set-ratchet-font-b-screwdriver.jpg

يعني مليون مفك في واحد :good: وتلقاه رخيص وفي نفس الوقت يوفر عليك مبلغ ويوفر ايضا مساحه للشنطه

ومثل السبانه او ابوجلمبو متعدد المقاسات ويفي بالغرض مو زي مفك 14 حجم واحد وتضطر انك تاخذ شنطه مفكات لحالها ...!
والحال ايضا للدريل ابغى دريل 2في1 تركب عليه عدة ريش مثلا ريش حفر على الحديد وريش تلميع وريش حفر الجدار ...الخ

لذلك ابغى نصيحتكم ومشورتكم بتجميع عدة مختصرة وشامله ومناسبه مع حجم الشنطه.. وايضا ابي وصف لمحلات في القصيم لبيع هذي الادوات مثل شارع الريل بالرياض

وجزاكم الله خير جميعا

[فتى الوادي]

إذا أنت بالرياض عليك بحراج ابن قاسم .. مليان عدد وبعضها أصلي مستعملات .. طب ونقي .

[سبيل الرشد]

إذا أنت من أهل الرياض كل ما عليك إلا تروح لشارع الريل وبتلقى اللي يجوز لك وزود

[أبووو سعد]

متابع للفائدة

[الكمر]

اذا انت في الرياض شف محل العوشن في مخرج ٢٨ فيه كل شي ورخيص والمحل من زمان وهو في ذاك الشارع والناس عليه بالهبل اذكره من عام ١٤١٣

[فتى العشة.]

والله يا حبيبي من ناحية الدريل
اذا كنت تستعمله كل يوم makita ياباني
اذا كنت تستعمله في الاسبوع 4 مرات او اكثر عندك روسيboch
اذا في الاسبوع مرتين skill
وكلها تلقاها في ساكو تراه ارخص من الريل

[ابوعقيل81]

متابع للموضوع

[محب الجهاد]

اترك ساكو رح لشارع الريل او حراج بن قاسم تلقى أشياء أصلية وابتعد عن الصيني هذه عدة تبقى سنين طويلة

[رسمال]

بالنسبة للدريلات انصحك بما نصحك به اخونا فتى العشة
علما بان الدريل skil الأصلي هولندي واكثر من رائع الآن اشترتها بوش وتصنع بالصين او دول شرق اوربا ولا يزال خيار جيد بس لا يقل عن 500 وات ويكون فيه همر علشان الجدران

الدريل makita المصنوع للعمل الشاق سعره يبدأ من 650 ريال لحوالي 430 وات بس لك وللزمن ما يبيد علية تروس وقوة ويوجد ماكيتا للعمل الخفيف وسعرة مثل بقية الدريلات وزور الوكيل باخشيم بالريل

انصح يكون الدريل بشنطة خاصة ويفضل قماشية تحميه من الضربات والغبار

[الربذي]

سكل عندي من 15 سنه اشتغل خفيف وخرب من اكثر من 12 سنه مشكلته فحمات ماغيرتهن للحين واشتريت صيني ماشي بس الغرسانه مايشقعا احيب عمال يجيبون دريل يباني ب650 اعﻻه ويشق الخرسانه بكل سهوله الملحمه ﻻحام صينيه مستريها شغاله وشغلي خفييييف مره مره بالسنه مره او بالسنين

[أبوعبدالرحمن الأسعدي]

الله يجزاكم خير جميعا وانا بالزلفي لو اني بالرياض مريت الريل لكن اعتقد ساكو خيار جيد

لكن هل يوجد دريل بتاع كلو يعني تركب فيه ريشه صنفره وريش تلميع وحفر وغيرها ؟

[تركي1]

اذا انت في الرياض شف محل العوشن في مخرج 28 فيه كل شي ورخيص والمحل من زمان وهو في ذاك الشارع والناس عليه بالهبل اذكره من عام 1413

وأنت الصادق
أتذكره من عام 1408ه

مادري يمكن احد يذكره قبلي

[اصيل نجد]

مساكم الله بالخير جميعا والله شف ياخوي حسب شغلك تحدد نوع عدتك ماهو انك تبي طقم مفاتيح او تبي دريل او غيره ابي النوع والماركه اذا ايدك فيه دايم فخذ نوع وماركه ممتازه مثل ماكيتا او كربس او بوش طبعا بوش فيه نوعين فيه شي مكتوب عليه برفشونل هذا للاعمال الشاقه حق ورش طبعا البوش صيني بس بمواصفات عاليه بس انتبه تاخذه من ساكو او خشيم بشارع الريل كان وكيل ماكيتا هو والبواردي لكن سحبت منهم الوكاله والحمد لله لاان اللي بريال بعشره عندهم كذلك ساكو وانت الحمد لله ربي معطيك جوال بكمرا شف عددتك اللي تبي وتمشي بالبراد بساكو وصور دريلات ومناشير وعدد بس صور دائما من اللوحه حقت الجهاز يعني اسم ورقم وموديل وقوه الجهاز اللي تبي ورح لشارع الريل وشف جواللك وشف موديلات اللي احترت وسعهرها هناك اقل جهاز توفر فيه 150 ريال خصوصا معدات بوش يعني ساكو ضاربها بالسماء اسعارها .
المختصر رح لشارع الريل وسعر وكاسر وتري فيه فرق بالسعر وتوفيرك يسوىاء المشوار وربي يدلك للاصلح .

[travel4arab]

اصيل نجد بارك الله فيك ونفع بك ...

[اصيل نجد]

اصيل نجد بارك الله فيك ونفع بك ...

وهالوجه جزاك الله خير

[مطر وسم]

رح لشارع الريل بالرياض تحصل كل انواع العده اللي تجوز لك

واذا تبي الرخص رح لحراج ابن قاسم

واللي يقول انحش عن الدريل الصيني اقول له الصيني انواع فيه الجيد وفيه الردئي

انا عندي دريل وصاروخ صيني لهم ست سنوات اكرفهم ما خربو ممتازين جداً وايضاً عدتي كلها صينيه وتفي بالغرض


تحياتي للجميع

[مكشاتي مدني]

نصيحتي لك روح حراج بن قاسم واشتر لك شنطة مخمل قماش وعبها من الزرادية والسبانة وابو جلمبو والمفاتيح جميع المقاسات والمفكات طقم وشاكوش وكماشة وكلها ماراح تكلفك يمكن 120 او 150 ريال بالكثير وشنطة كاملة لكل شي كهرب وسباكة وسيارة وتدعي لي

[ابو البر]

العنوان يدل على انك (فرد حمزه ثاير ثاير) أركد واسمع الشور.
اتصل بي عشان اعطيك خطه عمليه .
من خبره /لاتسوي فيها مهندس وميكانيكي ونجار والميزانيه تنساها.
كل شغله لها عدتها .
اتصل بي 0551707858

كل الردود اعلاه مشكوره ولاكن ما أعطت الجواب الصح.

والسؤال للجميع
هل اشتريتو عدتكم بوقت واحد او في دخلة سوق اوشارع معدات بوقت واحد.

اي شخص بيسوي ورشه متكامله بسيطه او كبيره / ما يشتري عدته على حسب فلوسه .......ابدا ....الفلوس بوادي والحاجه بوادي.

بختصار / اسلوبكم بالرد على سؤال صاحب الموضوع غير موفق .......فديتكم .....وخذوها من اخوكم ابو البر .

وانت ياصاحب الموضوع / ترا موضوعك ماهو هين .......انت عندك فلوس زايده او وش هالبطره بطرحك هالموضوع.
اتصل 0551707858

[معالي الوزير]

رح ساكو تلاقي عندهم عروض وأطقم للعدد

[النحوي]

أكرر ما قاله بعض الأخوة

عليك بشارع الريل فهو شارع تجد فيه كل ماتحتاجه ومالا تحتاجه من العدد وفيه فائدة أخرى وهي تمغيط الرجلين لأن الشارع طويل بعض الشي:D

[لّـيـاح]

عليك بمشاهدة موضوعي لدي طلبك جمله وتفصيل شنطة عده على كيفك

[عبدالرحمن.1]

بما انك بتجمعها
خذ مفتاح 8و10و12و14مفتوح مختوم الماني
وخذلك طقم حبوب ومفتاح تماتيك حجم وسط
زرادية وقطاعه وكماشة وشاكوش وسبانه
دريل ماكيتا يباني يجي في شنطة وطقم ريش خرسانه وخشب وحديد وميزان مائي

[..mgood..]

ماقصرو الشباب يعطيهم العافيه

[باسم40]

ياابو عبد الرحمن ما دامك بالزلفي الشقير عندهم مقضات لزومك وزياده ك هاوي منت تبي تأثث ورشه

[Hagaanaf]

والله يا حبيبي من ناحية الدريل
اذا كنت تستعمله كل يوم makita ياباني
اذا كنت تستعمله في الاسبوع 4 مرات او اكثر عندك روسيboch
اذا في الاسبوع مرتين skill
وكلها تلقاها في ساكو تراه ارخص من الريل

يحفظك الله
ليس صحيحاً ان ساكو ارخص من شارع الريل ، فابالنسبه للآصلي ( الماكيتا ) الياباني ساكو يفرق عن الوكيل والموزعين بشارع الريل قرابة الـ (80) ريال
اما إذا هو صيني ويورده ( ساكو ) فنعم هو ارخص من شارع الريل ، في اشياء محدده ، والمؤكد ان ساكو اغلى من شارع الريل

بالنسبة لك ياصاحب الموضوع يحفظك الله
إذا الموضوع موضوع تجميع ، فاذهب الصباح الى حراج بن قاسم ، وتحديداُ الباسطين في البرحه هناك ستجد الصيني والآلماني والأمريكي والياباني ومختلف الآنواع والماركات ، وإذا طعت شور اخوك عليك بما هو ياباني ، انس الصيني لو تعطى اياه ببلاش ، ولكن اعلم ان المفتايح نوعين منها ماهو يفتح الصواميل بالـ ( ملي ) والآخرى بالـ ( سانتي ) فالسنتي يركب على السيارات الأمريكيه القديمه ، وهذا اجزم انك لن تستفيد منها ، بينما الملي ، يركب على جميع السيارات ، فهو مواصفات عالميه سواء الصناعه الأوربيه الغربيه او الأمريكيه او الأمريكيه ، والمفاتيح ارى ان تكون مختومه ومفتوحه
اما ظقم الحبه ، ولآن الآصلي غالي ولايوجد الا عند الحداد بشارع الريل ، فأنني سأدلك على طقم حبه يعجبك ، غير ان صناعته ( تايوان ) يعني الصين الوطنيه وليس الصين الشيوعيه ، ولون الشنطه اسود والمفاتيح سود ، هذه اقرب منها وسعرها بـ (180) ريال ، بينما سعر الالماني لدى الحداد بـ (900) ريال يوم الخبر
وبالنسبه لمفاتيح المسدسه ، فهناك ياباني لايفوت
وبالنسبه للزراديات فزراديات يونرويال وهي صناعه اوربا الشرقيه تفي بالغرض
بالنسبه للسكاريب ، لن تحتار في الاختيار ، والآفضل منها هو ماكبر مقبضه وامتلأت يدك منه

وبالنسبه للدريل انصحك بالجديد ياباني ، فهو انسب لك من جميع النواحي ، وخاصة الدريل الماكيتا واحرص على ان يكون له سرعتين ، واحده سريعه بالمره يشار اليها انها دقاق ، والآخرى متوسطه ، وله دورتين فهو يدور من جهة اليسار وجهة اليمين ، يعني تستطيع تجعله مفك مسامير او براغي او صواميل ، فقط آمن مايركب على المسمار او الصاموله او البرغي ، وركبه على الدريل وآشتغل
الحقيقه الدريل الماكيتا لايعلى عليه وسعره في حدود (580) ريال ولكن ليس عند الوكيل

[موراكوت99]

http://www.mekshat.com/vb/showthread.php?t=308823

[ابوهايلكس]

شار ع الريل بالبطحاء تلقى كل شي ورخيص حتى الدريلات موجودة بضمانات الا الحراج لا تروح له :no2: كله غش وغير جيدة