استفسار عن مواطير الكهرباء للمخيمات ...تعالوا يا أهل الخبرة

[فكسار2013]

السلام عليكم ورحمة الله

عندي مخيم دائم في النفود يتكون من بيت شعر و عدة خيام .

يعني احتاج قرابة من 20 إلى 25 لمبة
وكذلك احتاج عدد 2 رسيفر وتلفزيون
كذلك مكيف صحراوي واحد.

طبعا المخيم كما قلت دائم وأريد النوعية الممتازة والمناسبة على المدى البعيد .

المكان في حائل ولا أدري عن أماكن بيعهن وأنواعهن وأسعارهن... الخ


ارجو الإفادة من أصحاب الخبرة , حتى يكون هذا الموضوع مرجع كامل لأصحاب المخيمات ..

تقديري

[فكسار2013]

أين النشامى

[الخالدي999]

اخوي اول شي احسب احتياج الواط كم ينعني فيه لمبات ٤٠وفيه٦٠واط وكذالك المكيف كم حصان الحصان ٧٤٦ واط تقريباً وممكن تستبدل اللمبات العاديه بلمبات لد تقلل الكهرب بالنسبه للمولد خذ ياكومنز او بيركنز طبعا ديزل ولالسعر ما ادري بس حط في بالك فوق العشر الاف وأنت طالع

[الخالدي999]

لعل اهل الخبره يثرون الموضوع بتجاربهم

[ابو البر]

امس كنت بمجمع المواطير المستعمله بحراج بن قاسم بالرياض
وحصلت مواطير انواع .
-----------------------------
اما من تجربه مريت فيها بالنسبه لأفضل ماطور على الاطلاق فهو

يانمار ديزل ويبغالك تبعده شوي عن المخيم لآن صوته قوي / وانصحك فيه لأنه فعلا ذهب.
وايضا جربت الروبن بنزين / برضو ممتاز ويجي بعد اليانمار .

من حيث القوه فا انت احسب احتياجك واشتر .

[ولد وايل]

تبي نصيحتي

عندي يانمار حبتين
وكابوتا واحد


والان على الصيني لينسون روعه وضمان سنه
ورخيص قطع وسعر

http://img.haraj.com.sa.s3-eu-west-1.amazonaws.com/cache2/51f13aff05d0d.jpg

[التميمي 3535]

المخيمات من تجربة لاستراحه لأكثر من خمس سنوات
الدويست الالماني بعده ليستر انجليزي نظامها تبريد هواء تتحمل تشغيل اكثر من 20 ساعه بس اهم سي تهويه. وتحت مظله وجو حائل جدا مناسب لها تحملت جو الرياض أجل. جو حائل
دور الراسين
تحياتي

[جيبي جايزلي]

احتياجاتك للاجهزه هي اللي تحدد اختيار المولد المناسب وانا اشوف ان طلبك مايحتاج مولد كبير

يعني بحسبه تقريبيه طلبك 25 لمبه من النوع المعروف للجميع وهي النجفات الطول قوتها 40 واط في 25 = 1000 واط وعدد 2 رسيفر تقريبا 40 واط للواحد اثنين 80 واط صارت الحسبه الان 1080 واط وعدد 2 تلفزيون الواحد لا يتجاوز 70 واط اثنين 140 واط المجموع صار 1220 واط ممتاز باقي المكيف الصحراوي الحجم مهم جدا لتحديد الواط بس مافيه مشكله اذا قلنا ان المكيف الربع يسحب تقريبا 750 واط والحجم النص نقول تقريبا يسحب 1000 واط الحسبه الان صارت 1220 و 1000 =2220 واط بطلباتك هاذي يبيلك مولد قوته من 2500 الي 3000 واط فقط وانصح بمواطير هوندا بنزين لان الديزل مزعج وبالتوفيق ان شاء الله

[ابو البر]

احتياجاتك للاجهزه هي اللي تحدد اختيار المولد المناسب وانا اشوف ان طلبك مايحتاج مولد كبير

يعني بحسبه تقريبيه طلبك 25 لمبه من النوع المعروف للجميع وهي النجفات الطول قوتها 40 واط في 25 = 1000 واط وعدد 2 رسيفر تقريبا 40 واط للواحد اثنين 80 واط صارت الحسبه الان 1080 واط وعدد 2 تلفزيون الواحد لا يتجاوز 70 واط اثنين 140 واط المجموع صار 1220 واط ممتاز باقي المكيف الصحراوي الحجم مهم جدا لتحديد الواط بس مافيه مشكله اذا قلنا ان المكيف الربع يسحب تقريبا 750 واط والحجم النص نقول تقريبا يسحب 1000 واط الحسبه الان صارت 1220 و 1000 =2220 واط بطلباتك هاذي يبيلك مولد قوته من 2500 الي 3000 واط فقط وانصح بمواطير هوندا بنزين لان الديزل مزعج وبالتوفيق ان شاء الله
واضيف على كلامك سلمك الله
كل ما بعد الماطور عن مكان الخيام يحتاج الى سلك متين / فا أنا انصح با أقل شي 6 ملي اذا كانت المسافه ما تزيد عن عشرين متر وحواليها علشان توصل الكهرباء بنفس القوه المطلوبه .
تقبل تحياتي عزيزي وبالتوفيق .

[فكسار2013]

شكرا لكم أحبتي على الردود الجميلة


وفقكم الله

[saoiood]

انصحك بمواطير هوندا 5 كيلوو ضمان سنه وجوده هوندا معروفه بسوق اسمه EG5000Cx LDH

[saoiood]

للمبيعات هوندا مواطير ومولدات وجميع منتجات هوندا البنزين فقط بيع بجمله موزع ايضاً لشارع الريل لجميع منتجات هوندا شركه عبدالله هاشم لمن ارد شي الاتصال على 0558199299