اعتزلت الشوزن وغلاء الفشق .. نصيحتكم

[مناحي الزهيري]

السلام عليكم ورحمة الله وبركاته
نويت يااخوان ولاول مرة في حياتي افكر اقتني الهوائية
ليس والله بعيب فيها ولكن من صغرتي تعلمت على الخرازة وكانت بداياتي
ولم نتطرق للهوائية اطلاقا
اليوم استشيركم يااهل الخبرة في اقواها وافضلها للطيور مثل الحجل والقميري والقطا
وشكرا

[محمد ابن عيد]

..
و الله غلاء الفشــق هذا موضوع لحــاله
ربك يعين
و الهوائيه ليست عيب بل تفيدك و تخليها معك ب الموتر و تؤدي الغـرض
ان كان صيدك مثل ماقلت فاعندك
" الديـانا ماقنوم 350 "
" و القامو هنتـر 1250 "
ذولي صيدهن مايروح و طيبــات ب الحيل
و الله يـيسر امـرك

[مطر وسم]

انا سبقتك بالاعتزال عن الشوازن وابشرك بعنا الشوزن لغلاء الفشق ورجعنا للساكتون

اعوذو بالله كرتون الفشق اغلا من الشوزن ام حبه ماعمرها صارت


الله يرحم ايام زمان

[شمالي و الهوا غربي]

هههههه
والله ماني مصدق وعاجز استوعبها
وهي ان الاغلب مازال يشتري فشق بهذا السعر ’ بكميه غير قليلة يعني المعقوليه تاصل الى هالدرجة
ولو فيه صيد يسوى كان مقبوله ولكن بهذا الغلا وقلت الصيد ,
صراحة كشف حقيقي لمستوى العامة؟

[العاقل الأوحد]

هذا بلا أبوك يا عقاب
إللي يشتري بهالسعر وش يحس بُه ؟؟؟؟

ترى البنادق الهوائية متعة ولو يوردون بنادق الضغط كان تشوف كيف تستمتع بالرمي
يكفي إن الرصاص في البقايل

[صياد المزارع]

الأصل هي الهوائية
اشوف أني أرجع لها أزين لي
وفشقها ينباع في المحطة
وتصريحها حمل مهوب زي الشوزن اقتناء

[Mohammed5d]

والله شكلي بسوي سواتك ابي هوائه قويه عندي فايروخ35مهيب قويه والشوزن بخليها علي جنب وبستخدم الهوائية بشكل اساسي

[عبيد بن خلف]

سجل عندك واحد حول هوائيه وخل الفشك تطيح بكبودهم يامال الخساره

[اميربذوووقي]

العلبة في تبوك وصل سعرها الى 350 ريال قصدي فشق الشوزن

الرجاء من الاخوانا المقاطعة لا احد يشتري

[آلضيغمي]

انا عندي الماقنوم 350 صراحه ممتعه

بس تبي الصدق مافيه مثل الشوزن مهما فعلت
وبالنسبه للأسعار شي يقهر صراحه لكن وش تسوي مجبور

[ابو البر]

يا أخوان حنا لازلنا نعيش في جو زمان شوزن وما شوزن والدعوى كلها قطعه غريبه تدخل في جسم الصيده .والدول المصنعه لآأسلحة الصيد تطورت وصنعت اسلحه هوائيه تقتل الأرنب بدون تردد.

والغريب بموقع مكشات وغير موقع مكشات / ما شفت احد تكلم عن ( الباتريوت )
بسألكم الحين وشهي الباتريوت .......عشان انسيكم الشوزن والخرازه ومشتقاتها .

كلمتين فقط / الباتريوت هوائيه صناعه انقليزيه لها معي عشر سنين ..........من يمتلكه لازم يكون قوي البنيه ورياضي ويطبق شروط امتلاكها واهمها .
يجب ان تشد مساميرها وصواميلها كل مية طلقه .
موجوده بمحلات الصيد وقيمتها / تقريبا الفين ريال .

[areb]

والله يخوان ان نصف الي في الحمله مقتدرين ويقدرون يشترون بدل الصندوق اثنين لكن مانبي نكون مستغلين

الهوائيه واحد قالي في نوع غاز قويه بس مايعرف اسمها ياريت تفيدوني فيها

تم تشحيم الشوازن ونطلها في الدرج

[سقم المعادي 1]

هوائيه مع دربيل و نشن على الراس و فالك الشحيمات و خل راعي الفشق يهيجن جنب صناديقه
ماعزز لهم الا حنا نشري و بس ولو يصير الصندوق بعشرتلاف لقو من يشريه من الهطوف لذلك مافرقت معهم نظام تبي ولا مع السلامه

[خويك على العز]

الله يجيب الزبون للبلجيك

[ابو جملا]

العام اضحك ع خويي معه نص شوزن
واللحين يضحك علي. دددنيا

هوائيه ططططن الله يصبرنا

[ا ل ح]

ارتفاع فشق الشوزن بيكون فيه فايده وبنفتك من الناس الي تصيد صيد جائر وخل الواحد في الموسم يرمي له خمس دستات و اقل شي بيصيد 125 طائر هذا يكفي في موسم واحد
ونفتك بعد من الي يصيدون و يعرضون صيده للبيع في المنتديات الله يصلح الحال

[ال كنك]

يعني الحين القميري تصيدونه بالشوزن ؟

[هيوماكس]

يعني الحين القميري تصيدونه بالشوزن ؟

ايه فيه ناس تصيده بالشوزن :D
الله وكيلك فيه بعضهم لو يشوف قمرية وحدة مقيله تحت الشجرة رشها رش بالشوزن
الله يهديهم بس

[ابو باسل]

ابشروكم انا مطلق الشوزل لي سنتين
الله يخلينا الهوائية

[mojazaf]

انسوا ان سعرررررررره ينزل الفشق
اغسلوا يديكم
دام الي يبيعونه ماهم ملحقين ع الزباين
والصندوق 4 الاف قيمته
تبيه يرجع يبيعه التاجر 2 الفين ريال
ياان العموم يقاطعه ع شان ينزل وهذا مستحيل
ووواصلوا والله يرعاكم

[ا ل ح]

نرمي بالشوزن و الخرازه
وكل يرمي بحسب رغبته انا ما ارتاح الين اطير القميريه وارميها طيار وووووووناسه

[تميمي بريدة]

هوائية دينا ٣٥٠ اخت الجديدة للبيع
نشارككم بالمقاطعة

[ال كنك]

والله من الفسقه عندكم اجل القميريه تصيدونها بالشوزن اعوذ بالله
اجل ليته مايرخص الفشق
الحمدلله السكتون قايمه بالواجب واجيب شي طيب الحمدلله ونادر جدا تطير مني
رميه وحده وهي بمكانه

[سدير سديرك]

شي يقهر الصراحه بس ماقول الا حسبي الله ونعم الوكيل

[ا ل ح]

ال كنك لا تتهم احد بالفسوق وترئ كلامك محسوب عليك

والفشق لو يرتفع اكثر من ناحيتي بشتريه لان 5 دستات تكفيني اللهم لك الحمد
ودمتم سالمين

[هاوي؟؟]

فايروخ 80 واحلا صيد

ابغيت اشتري ام غاز قالو الشباب ما تصلح تنفجر با الحراره وخليتها

[مفترس مجهول]

عن تجربة
خذلك جكرندا BSF 370
انا عنددي واحده لها معي سنتين ورميها تمام والله اني ارمي بها احيانا قمريتين جنب بعض ما تقوم
اخذتها ب 2250 من عن بن حميد في خميس مشيط
وانصحك لا تاخذ اقل من الضغط 100 حتى لو كانت فايروخ
لان الهوائية مع كثرة الضرب تضعف قوتها خذ لك ضغط قوي عشان مهما ضعفت تبقى قوية وانصحك باللي قلت ويمكن ماتحصلها في السوق او خذ لك ديانا 350