ترهيم شعلة فوق

[فهد الخضر]

السلام عليكم ورحمة الله وبركاته يا أخوان
عندي فرن اشتريته من النت وطلع شعلته تحت ، وودي ارهم له شعله فوق ، بغيت واحد ممتاز في الترهيم ويكون بالرياض وسعره معقول فديتكم :)

[الشولة]

السلام عليكم أخي العزيز
الصراحة أنا أواجه نفس المشكلة شريت فرن من السنيدي كان سعره تقريبا ٤٠٠ ريال و بعد ما شريته أكتشفت إنه شعلته فقط من تحت يعني ما ينفع للتحمير و الخبز و الصراحه صار إستخدامي له أقل من نادر. فياليتك تعلمنا إذا لقيت له حل و الصراحة أنا ما أعرف اللي يرهمون لكن أذكر إنه محل البريه عندهم تصليح دوافير لكن ما أدري يفيدونك بهذي الشغله ولا لا.

[فهد الخضر]

أكثر من 270 مشاهد ولا أحد رد ، رد يفيدنا :eek:

[jabnet]

فيه محلات أفغانية وباكستانية يسوون شوايات الدجاج حق المطاعم البخارية ويسوون مداخن للمطاعم وأفران مطاعم ويبيعون جرات الفول ويصنعون أفران التميس .. روح لهم يسوون لك اللي تبغى .. أنا رحت لهم بفرن كهربائي وقلبوه شواية على الغاز شالوا أسياخ الحرارة الكهربائية ومدوا فيه مواسير حديد وحطوا راس من برى يركب فيه لي الغاز .. ترى الشغلة مواسير حديد مخرومة يمدها لك بطرق هم أدرى بها ..

[فهد الخضر]

طيب ياطيب كمل جميلك معنا انا فداك وعطنا عناوين وارقام

[jabnet]

هذا الكلام في خميس مشيط - عسير

[الستانس]

ماشاء الله حلوه طريقتك ليت لقاهم في الرياض

[فايح الراس]

السلام عليكم ،، اذا على المحلات اللي تفضل بها اخوي jabnet أتوقع في محلات الفخار اللي بحي الشفاء طريق ديراب ،، لان لهم بشغلات المندي والأفران والصاج ،،

[فهد الخضر]

يا أخوان من يفيدنا بالعلم الأكيد أكثر ، وين السنايديه :cool:

[الفريح1]

مر الشفاء الافغانيه يفيدونك

[اي-مكشات]

ترى الغاز خطير جدا والترهيم ماهو مضمون... إذا تقبل نصيحة أخوك ابتعد عن الترهيم لو تخسر دراهم وتشري جديد.