ارجو المشاركه /// للحد من سرقة السيارات كلن يقول طريقه ماتخلي السياره تشتغل

[مطر وسم]

السلام عليكم ورحمة الله وبركاته

كثرت سرقة السيارات في الوقت الحاضر اما للتفحيط او تشليحها وبيعها قطعه قطعه وللحد من سرقة السيارات فيه طرق تخلي السياره ما تشتغل اما بعمل كهربائي او مكانيكي فأرجو المشاركه بطريقه خاصه لكل واحد منكم على شان يستفيد الجميع

=============

بالنسبه لي شريت جيب تايوتا جديد 20013 وعملت له فاصل كهربائي داخلي مايعرفه الجن اذا فصلته مستحيل تشتغل السياره فعال 100%

تحياتي لكم

[ابو ساره العنقري]

انا احيانا احط الدبل بالفاضي لو شغله سروق وعشق مايمشي الموتر فيرتبش السروق ويننزل عنه

[فهد88]

[QUOTE=ابو ساره العنقري;10016096]انا احيانا احط الدبل بالفاضي لو شغله سروق وعشق مايمشي الموتر(( فيرتبش السروق ويننزل عنه))[/
QUOTE]


ههههههههههههههههه

انت مثل اللي يعلم السروق الحين

[مميز11111]

اخوي عاشق
وش اسم المحل اللي ركبت فيه الفاصل؟؟؟؟ لاهنت

[مطر وسم]

اخوي عاشق
وش اسم المحل اللي ركبت فيه الفاصل؟؟؟؟ لاهنت

والله مدري وش اسمه ناسيه بس هو بصناعية الرياض القديمه يماني متخصص بكهرب السيارات والشغله بصيطه يسويها اي كهربائي فاهم ومتخصص ( كتاوت وفاصل وسلك كهرب 3 متر )

تحياتي لك

[قل فهم الناس]

ياخوي الحراميه خطيرين يعرفون الفواصل وين مكانها (عندهم حاسة الشم قويه )
قبل شهر هلي انسرق وصاحبه مسوي له فاصل مثل ماقلت الجني مايجي عليه ،،بس هذا الجني عرف مكانه ^_^

[مطر وسم]

ياخوي الحراميه خطيرين يعرفون الفواصل وين مكانها (عندهم حاسة الشم قويه )
قبل شهر هلي انسرق وصاحبه مسوي له فاصل مثل ماقلت الجني مايجي عليه ،،بس هذا الجني عرف مكانه ^_^

خل الجني اللي حصل الفاصل في الهلي يجي يدوره في الجيب حقي اذا حصله سيارتي له هديه

تحياتي لك شرفني مرورك

[Jelly Fish]

خل الجني اللي حصل الفاصل في الهلي يجي يدوره في الجيب حقي اذا حصله سيارتي له هديه

تحياتي لك شرفني مرورك

يحليل الواثق من نفسه :good2:

حمستنا يا شيخ

الله يحفظ حلالك من السوء

[مفضخ الشري]

السيارات اللي فيها سيكورتي ماتشتغل الا بالمفتاح الممغنط ماعليها خوف البلا باللي بدون سيكورتي حاول انك ماتوقف الموتر برا البيت خصوصاً اذا الحاره شبهه خله بالكراج و الله يكفينا وياكم عيال الحرام

[nayf01]

جارنا خرج مع اهله لصيفيه في الجنوب ودخل الحرامي واخذ سيارته من الحوش والتلفزيون وبعض اغراض المنزل
وفيه جار في الدور الثاني ما علم عن السرقه الا وهو خارج لصلات الفجر وليا كراج جاره مفتوح والسياره ماهي فيه

الرجال يفكر ان جاره قد عاد .
واخيراً صار سرقة

[هاوي؟؟]

ااحط الدبل با الفاضي خصوصا اذا رحت برا السعوديه الاردن ولا الامارات

ايام الددسن اذا الوقفه تطول كم يوم افك سلك الكويل

[jabal radwa]

يا اخوي بلا تعب ولاهم بس شيل البطارية اذا كانت قديمة ولا اذا كانت جديدة مستحيل يشغلهابدون مفتاح هذا اذا ابسافر وكبيتها عند البيت

[اليامي قطر]

ركب فاصل كهربائي مخفي والباقي على الله سبحانه

وانت رايح قل استودعك الله .. وبأذن الله مايجيه شي

[أببوعبدالعزيز]

الحل ونا أخوك
إذا وقفت السيارة اللهمَّ إني أستودعك سيارتي فحفظها
ومن ثم أفعل السبب
أنا سمعت في حركه أيام الكرسيدات البكس لازم ترص كلتش وتشغل وغيرها ما تشتغل:D:good2: