تعليق في البيكال الجديدة

[الهزيم94]

الإخوة المكشاتيين
السلام عليكم ورحمة الله وبركاته

لدي استفسار لا هنتم
شريت بيكال mp155 الشكل الجديد
وعند تجربتها على فشق ضغط 36 تمام ما تعلق
وعند تجربتها على فشق ضغط 32 علقت مباشرة بحيث أن الفشقة الفارغة تنشب بعد ما تخرج من الماسورة
وحصل ذلك أكثر من مرة

ما السبب برأيكم علماً بأنني زيتها

[jmran]

السلام عليكم ورحمه الله وبركاته
مبروووك عليك البيكال والله يعطيك خيرها ويكفيك شرها


بخصوص الخلل انا البيكال الجديدة انا ما دري عن نظامها لاكن
إذا نظامها غاز رح لأقرب واحد من ربعك خله يغير ظغط الغاز الي في بندقك
والله اعلم

[الهزيم94]

الله يبارك فيك أخوي جمران ويجزيك بالخير
حسب ما قرأت عنها إنه نظامها غاز
لكن مختلفين بين من يقول أن وزن الغاز أوتوماتيك ومن يقول يدوي

والله ما حولي خبير كلهم مثلي
لكن ننتظر الشباب من جرب منهم هذه البندق وطريقة الوزن

[نديم الخيال]

كان نظامها الغازي نفس الاولى يعني يدوي اقصر عليه شي بسيط وراح تضبط على الفشق 32
وبعد ماترمي فيها من نص صندوق وفوق راح تسلك معك

[bbaass]

اخوي

اجلدها بكم دسته قبل ماتغير فيها شي

والله يعينك الفشق الحين غالي :D

[سحب ممطرة]

أخوي من تجربة

الخلل بعض الاحيان من نفس الفشق

حصلت معي بفشق كاكا تحصل وحده من خمس تنشب و السبب عيب مصنعي بالفشقة ..

هذا اللي حصل معي ومع واحد أعرفه

غير نوع الفشق وشوف ..

[قلب الداهية]

يمكن من الفشق قد حصلت لي بالبيكال القديمه

[الهزيم94]

الله يعنني على الفشق
ماهو وقت تجارب هالحين

الله يرضى على أم بطة لها كم سنة معي ما اذكر انها علقت غير مرتين فقط

[ذيب الخرج]

اظن ان السبب هي المادة الشمعيه الي تطلاء بها البنادق - فكك اجزاء البندق وغطسها بماء يغلي ونشفها وزيتها وتوكل على الله البندق توزن نفسها اوتوماتيك على حسب ماقرأت وفالك الصيد الجزل


تم الإرسال بواسطة iPhone بإستخدام Tapatalk

[albikal]

هذا عيب مصنعي بالجديده
.والا القديمه ترمي اي فشق وهذه ميزة البيكال القديمه
قوة التحمل.

[الهزيم94]

عيب مصنعي ......
عوذا
هذا رأي ولا من من خلال تجارب ثبت انه عيب مصنعي

[ابو تركي 500]

اخوي الو شي الله يباركلك فيه
وثاني شي على كلامك هذا وسخ فيها يبلها تنظيف اخلط بنزين وزيت سياره بحيث تخفف الزيت شوي ونظفها كويس لانه لو كان عيب مصنعي كان سوت نفس الحركه في 36 قرام
والسؤال هنا هل نظفتها قبل لا ترمي فيها ؟

[الشام]

اول شيي الله يبارك لك فيها
ودي استفسر عن اسعارها كم اليومين هاذي

[الهزيم94]

ابو تركي
الله يبارك فيك ويجزيك خير فعلا ما نظفتها عن شحم بلادها وأشار علي بعض الإخوان انه أغسل العدة ببنزين ثم أزيتها لكني ما سويت فيها شي للآن وإن شاء الله انظفها

الشام
الله يبارك فيك ويجزيك خير وسعرها طال عمرك 15 ألف عدا ونقدا

[مناحي الزهيري]

هذي حاجة جديدة عالبيكال ان الغاز يكون اوتوماتيك
فطبيعي تحصل الخلل من تنظيم الغاز

[شاص غمارتين]

المهندس نظفها وفتح على الغاز شوي لاتشد عليه حتى تعطي الترباس الغاز القوي الذي يدفع بالاجزاء للخلف وشف النتيجه

[جذآآآب]

مبرووووووك ولكن عندي استفسار عن التشكات هل ينفع معها 690 مثل القديمه والا فيه اختلاف

[الهزيم94]

بالنسبة لوزنية الغاز ما أبي أغير فيه شي لأن وضعها مع ٣٦ طيب

أخو جذاب
الله يبارك فيك وفي حلالك
التشوكات معها عدد ٢ تشوك وواحد راكب فيها وما جربت على الصيد باقي
أسمع إنه فيه تشوك ٦٩٠ ترولوك يمدحونه

[أبوصالح9]

السلام عليكم

بندقك مافيها شي - بس تحتاج انها تمرن لين تلين السسته وبعدها ماراح تعلق بإذن الله لاتحوس بمنظم الغاز ولا شي ارم بظغط 36 اربع دستات همن فكها ونظفها وزيتها ولا راح تشوف الا العافيه- الله يعطيك من خيرها ويكفيك شرها-- اهم شي خلك حاط بالك على التشوك تذكر انك دايم تشد عليه ولاتنساه

[شري97]

نصيحه لاتلمس منظم الغاز خله على وزنته مع الرمي تظبط من نفسه