نبي الفزعه في المكاين التايوتا 6سلندر

[اسدهم]

السلام عليكم
في موضوع ماخلاني ارقد له سبوع وهو في راسي عيا يقتنع
ندخل في الموضوع
انا عندي مشروع ترهيم مكينة علا قد فلوسي لايجي احد ويقول خذلك 6لتر لو ركبنا المكاين الجبارة نبلاش في الفحص وتزود الدراهم عندي تحويشة العمر 10الف علا بيعت المكينة الموتري ومحتار بين اف جي وربع تايوتا والفورشنر كلها مديل11 يعني الموديل بتحصل في تشاليح مامشت شي واجد
سؤل هل تسقيط المكينة عايدي او تحويل
وبصراحة مدري اي خيمة احطة هو ترهيم مكينة وشكلي اول واحد يسدح لة ذلموضوع
اذا كان في غلاط املاء تراني ادخل من جوالي المتواضع
الموتر ربع باترول ومدري كم تسوا
الموتر شد بلد وكالة معي…

[sgl2002]

ركب مكينة فتك تركب على طول بدون تحويلات


او ركب مكينةلكزس



وان طعت الشور اتركك من الترهيم مامنه الا الوجع

[اسدهم]

لفتك توافيق بعض المكايف تقوم رارة اشوفها في رابطة الفتك وقطع الغيار غالي النيسان وقلت التايوتا ارخص قطع غيار ومكينة التايوتا 24 ×
مكينة
عشان اذاكبرت المكينة كثرت الخرابات اذاكان ستة سلندر قطع غيار متوفر اي مكان

[اسدهم]

متابع...............

[ابوراكان تبوك]

الربع ولاف جي اكيد مكاينهن مكروفات بحكم استخدام الشعب
لكن الفورتشنر 6 سرندل تلقى مكينته ماهو ملعوب فيها من ناحية تطعيس وغيره

[الا سير]

خلك على مكينة اللكزز افضل
الناس مجربينها ومعروفة مشاكلها
لا تصير اول واحد بالتركيب لانك
راح تتعب وراح تطلع لك مشاكل
وبعدين سعر المكينة من 15 وانت طالع
طبعا بدون اغراضها وترى مامن عزم
واخر شيء لازم تكون عندك الخبرة الكافية
بالترهيم من شان تتلافى المشاكل والخساير
ارجو اني افدتك

[اسدهم]

بكم نحصل مكينة الفورشنر وهل عزمها حلة. يطرب عا الخط وتطعيس .وهل يسقطني الفحص… هذي نقاط مهمة الكزز مافي امل يفحصة

[مهند 2009]

وعليكم السلام ورحمة الله وبركاتة

مالفائدة من ترهيم المكينة هذي

1- ماتتحمل الكرف 2- مافيها عزم 3- تحتاج تجليس وتحويلة ومشاكل وبالاخر ماتعطيك العزم المنشود

وجهة نظري :

المناسب لوضعك الحالي مكينة فتك بدون تجليس وبدون تحويلات وبأذن الله تمشي بالفحص

ومن ناحية الحرارة والمشاكل . اذا أخذت لك مكينة مشروطة من ألى ولا فكت ان شاء الله مافية مشاكل وخلها كمبيوتر بلد أفضلك للاستخدام اليومي. لكن المشكلة أن المكينة غالية شوي


وعندك الخيار الثاني مكينة لكزز تركبها ب 15000 ألف وارخص مايكون مكاين اللكزز لو قدر الله وخبطت


وترى بعد الترهيم قد تواجهك بعض المشاكل

[اسدهم]

اخوي يالغلا الكزز حلوة بس اخاف عند تجديد الاستمارة يقولك رح افحص الموتر واذا رحت طبيعي يسقطوني عشان الموتر مراهم وانا ابيلي مكينة علا قد دراهمي وشوف التايوتا قطع الغيار في اي بلد وقرية والكل يعرفلة المكاين الجبارة لو طلع فيها صوت او بلوف او حاجات استهلاكية محد عارف لها ونا مخومرة في راسي حقات شاص التايوتا يعني اذا لقيتهنا او نقزت لدبي وركبت هنا وجيت عليها خط

[سقم المعادي 1]

موترك وش موديله
اذا هو 97 و تحت
عليك بـ التويوتا 6 سلندر 4500
مكينه كد و مد توصل 500 الف ممشى مع المحافظه على تغيير الزيت ولا تقول اح
و نشاط خذ نشاط على الربع بحكم انه بدي خفيف
ولا فيه احد يجهل هالمكينه ان بغيت لها صيانه
عطها بس فلتر هدرز تنهبل

و تجديد الاستمارة مهيب مشكله انقز اي ديرة قريبه مافيها فحص دوري تجدد استمارتك وانت واقف بدون فحص

[You Like Me]

وعليكم السلام ورحمه الله



حتى لو تبي لكزس بميزانيتك الحاليه ما توفي معك



حط فبالك ميزانيتك لوحدها ماتجيب لك مكينة تويوتا 4500 cc او 4000 cc

ومكينة الباترول الحاليه اللي بتبيعها قيمتها شغل يد اللي بيجلس لك المكينه الجديده ويمكن تزود عليها بعد



باقي تحويله وباقي رديتر ومراوح واختصار ضفيرة وهدرز

و تدبيل مساعدات وكراسي مكينة وكهرباء واسلاكها وطرنبه بنزين رياضية وكلتش فتك

واحتمال تغير الكارتير او تحتاج قلب كارونه



بإختصار التكلفه تقريباً وحده للأمريكي او الياباني

الاختلاف في سعر المكاين والقوه لصالح الامريكي

[سيد النشاما..]

يبدو لي انك تحب الموتر يكون عزم قوي
ولكن خذ الشور وانت بصرك وحر بحلالك
الشور انك تبيع الربع الباترول وتزود بدراهم المكينة حقة الترهيم
وتاخذ لك جمس 2001 او 2002 hd غمارة عز الله بيطربك خط وبر
انا اتكلم عن تجربة مع ربع باترول وبعده فتك وبعده جمس والحين شاص
الا ان الجمس يثبت وجوده حقيقة وكلها تقوم بالغرض في البر بشكل متقارب