فزعتكم .. سلف الvxr تعطل !!

[خالد77]

السلام عليكم ..وصباح الخير ..
أولا احذر غيري من الاهمال الذي وقعت به والحمد لله على كل حال ..
ثانيا عندي الفكس آر من فترة وأسمع صوت [ شحطة ] مع دقة السلف وهي تذكرني بالكوابرس القديمة عند التشغيل ومريت كهربائي أمس وقال 8 سرندل مشكل مافي معلوم لأنه يقول فك ثلاجة وووو
وطبعا عنده زحمه وللأسف موقعي المجمعة ولا عندنا ورش صح
واليوم اشتغل ثم وقف فجأة وبعدها رفض وكأني سمعت صوت دقة خفيفه مشابهه لنهاية البطارية مع أن البطارية جديدة ولا عندي شك في عطل السلف ..
لكن السؤال ..
هل سلف الفكس ار غالي الثمن ؟ وهل فكه وتركيبه معقد فعلا ؟ وهل الحذاف له علاقة بذلك ؟
وهل يحتاج فعلا كهربائي متخصص أم الشغلة أي كهربائي يسويها ..
وبالأخير كم يكلف العمل وكم تكلف القطعة ؟؟

وبارك الله فيكم وفي المشرفين والذين لهم دور فعال بالتوعية والتوجيهات الطيبة ...

ملاحظة الموديل 2006 بريمي vxr 8سرندل
وشكرا.

[مضارب سيارات]

حياك ربي ياراعي المجمعة

الامور بسيطة بس تبي طولت بال اسمع وانا اخوك من واقع تجربة

ود الموتر للارطاوية لورشة ابو راس وانت طالع من الارطاوية بتجاه ام الجماجم فيه فلبيني عندهم فنان وشغله نظيف بس قبل اسال عنه واتفق معه على السعر لان السلف مكانه صعب لازم فك الثلاجة وبعدين خذ سلفك القديم وجبه من القرعاوي في الزلفي

دوام القرعاوي في الزلفي من 8 الى 12 ظهرا ومن 2 ظهرا الى المغرب تقريبا وهذا رقمهم 0164235555

من واقع تجربة
شغل الورشة 300 - 350 ريال تقريبا
قيمة السلف تقريبا 1100 ريال اصلي

بالتوفيق

[خالد77]

حياك ربي ياراعي المجمعة

الامور بسيطة بس تبي طولت بال اسمع وانا اخوك من واقع تجربة

ود الموتر للارطاوية لورشة ابو راس وانت طالع من الارطاوية بتجاه ام الجماجم فيه فلبيني عندهم فنان وشغله نظيف بس قبل اسال عنه واتفق معه على السعر لان السلف مكانه صعب لازم فك الثلاجة وبعدين خذ سلفك القديم وجبه من القرعاوي في الزلفي

دوام القرعاوي في الزلفي من 8 الى 12 ظهرا ومن 2 ظهرا الى المغرب تقريبا وهذا رقمهم 0164235555

من واقع تجربة
شغل الورشة 300 - 350 ريال تقريبا
قيمة السلف تقريبا 1100 ريال اصلي

بالتوفيق

ماقصرت ونسمع باقي الشباب والله يحفظكم جميعا

[متقاعد مبكر]

فعلا السلف تحت الثلاجه من الخلف لو تقدر انت تفكه تراه ما يستاهل ابدا بفك الدعسه ثم البخاخات مع القاعده وانزع ليات الهواء ومسمارين من الخلف بمفك عشره تابعه للبخاخ وفك مسامير الثلاجه اعتقد انها اربعه يمين واربعه يسار وارفع الثلاجه تحصل السلف هذا اذا انت هاوي شغل اما اذا مالك في الميكانيكا ودها للميكانيكي ولا تتعب نفسك

[احلى مزاج]

اخوي السلف له قطع داخليه تغير ومر بشير بمحطه الصنع الله الشارع العام شغله زين

[خالد77]

اخوي السلف له قطع داخليه تغير ومر بشير بمحطه الصنع الله الشارع العام شغله زين

لاهنت وضح العنوان

[شنطة عده]

انتبة تبدل السلف لان احتمال الي خربان عندك دقمة السلف
90 % من اعطال السلف من الدقمة وهي تباع لوحدها
لان الباقي هو عباره عن جرم يوجد في جوانبه مغناطيس وفي داخله عمود الحركه المتصل
بمحرك كهربائي وهذا نادر جدا يتعطل لانه لا يوجد فيه شي معرض للعطل
والدقمة وظيفتها تقديم الترس الى الامام الى ان تترك المفتاح وبعدها يعود للخلف
وهذي صوره توضح الدقمة (المحدد بالاحمر)


وان كان السلف خربان ولازم جديد فلا تضيع مالك على التجاري فستخسر اضعاف قيمة الاصلي
اشتر الاصلي لو بــــ 2000
سؤال
سيارتك تشغيلها اتوماتيك يعني مجرد تقديم المفتاح الى وضع التشغيل
يعمل السلف بشكل اتوماتيك الى ان يعمل المحرك او ان تشغيلة يدوي ؟؟



http://www.mekshat.com/pix/upload05/images253/mk92142_imag0045.jpg