من يخبر لي فني يغير مروحة مكيف الصحراوي بمروحة شفط بالرياض

[مثالي نجد]

يا جماعة الخير انا عندي مكيفين صحراويه.... نافعتني مره بس اتعبتني بالملح وكل شوي السير ينقطع..
وانا ابحث عن فني يغير لي المروحة الاصليه ويرهم لي بمروحة شفط. فاللي يعرف فني في الرياض كويس ومجرب في هالشغلة يدلني عليه ولا يرسل لي رقمة ، ولكم مني جزيل الشكر وخالص الدعاء..

[شلويح707]

والله ياابن الحلال سوه انت بنفسك مايكلف شي انا سويت كم مرة وناجحه الفكرة 100%

[قرناس نجد]

هذا شاب سعودي يسويها سوها واحد من الربع ويمدحه كثير

اسمه ابو عبد العزيز
هذا رقمه بعد اذن الادارة 0554636900

[النادر12]

السلام عليكم صلحه انت بنفسك مايكلف شي فك اللي بداخل كلها مسامير وافتح لمسامير المروحة بالدريل وانتهت سهله جدا جدا

[mrzoq]

السلام عليكم

هذا رجال يقال له ابو طارق وهذا رقمه بعد اذن الإداره
0592929247 بإتصال أو برساله

[NissaN 1990]

فيه واحد بشرق الرياض يقاله أبو علي رجال ممتاز ويطبقها صح

[مرسي الزناتي]

بالمناسبة ... قرأت انه تركب لك مروحة شفط وتدهن المكيف من داخل بالقار كي لا يتأثر بالصدأ

هل الاسماء اللي ذكرتوها يا اخوان يجيدون عمل ذلك ؟

وسؤال جانبي اذا سمح لي صاحب الموضوع .. لدي بيت شعر 15 في 8 .. كم مقاس المكيف الصحراوي اللي احتاج له ؟

[مثالي نجد]

يعطيكم العافية جميعا على تفاعلكم وغفر الله لك والوالديكم على المشاركة.....
ولكن :: اخي قرناس نجد.. واخي marzoq
هل تعاملتم مع اولئك الاشخاص الذين طرحتم ارقام اتصالهم؟ اعني الدقه في العمل وكذلك السعر...
ودمتم في حفظ الله.

[x.ok]

في ظني بأنه الهواء يضعف

[مثالي نجد]

نعم اخي x.ok (http://www.mekshat.com/vb/member.php?u=203217) http://www.mekshat.com/vb/images/statusicon/user_offline.gif
الهواء صحيح يضعف شوي حسب ماسمعت .. لكن الضف البسيط مقبول مقابل الراحه وانا اخوك... وعلى قولتهم ماهنا شيء الا بشيء.

[مثالي نجد]

اهلين اخوي NissaN 1990 (http://www.mekshat.com/vb/member.php?u=61773) ولا يهون بقية الاخوان.
ممكن تدلني على ابو عبدالعزيز. هذا اللي بشرق الرياض . ولا تتكرم وتعطيني رقمه لاهنت...

[مطر وسم]

الشغله بسيطه ما يحتاج لها فني اهم شي تكون العده متكامله وجاهزه عندك وشد حيلك


تحياتي لكم

[wafi4sa]

خذ العلم من واحد مجربة الصيف الماضي
الطريقة فاشلة والمكيف ماينفع
بعد ماترهمه عطنا رايك لوسمحت

[المتلولس]

مروحة الشفط الحديد ممتازة للصحروي تفتك من انقطع السير الدنمو خرب حتى من ناحية الامان المروحة احسن من الدينمو انا مركبها لي خمس سنوات ومن ابدع مايكون بس انتبه لازم تسنتر المروحه بالنص علشان مايكون لها صوت عالي

[NissaN 1990]

اهلين اخوي NissaN 1990 (http://www.mekshat.com/vb/member.php?u=61773) ولا يهون بقية الاخوان.
ممكن تدلني على ابو عبدالعزيز. هذا اللي بشرق الرياض . ولا تتكرم وتعطيني رقمه لاهنت...

أخوي مثالي نجد أرسلت لك الرقم على الخاص بالتوفيق

[تركي1]

مروحة الشفط الحديد ممتازة للصحروي تفتك من انقطع السير الدنمو خرب حتى من ناحية الامان المروحة احسن من الدينمو انا مركبها لي خمس سنوات ومن ابدع مايكون بس انتبه لازم تسنتر المروحه بالنص علشان مايكون لها صوت عالي

لو سمحت أخوي
ممكن صورة أو شرح وافي كيف يعني تكون المروحة بالنص
شكرا

[اصيل نجد]

ياخوي صلحها انت والله ماتبي شي مشكلتنا كل شي نستصعبه ليش ياخي حاول مره ومرتين كفايه حلب العماله لنا واستهتارهم فينا وفقك الله

[مثالي نجد]

غفر الله لك ولوالديك اخي Nissan 1990

[مرسي الزناتي]

نيسان ارسل لي الرقم لو تكرمت

[NissaN 1990]

غفر الله لك ولوالديك اخي Nissan 1990


أمين جزاك الله خير



نيسان ارسل لي الرقم لو تكرمت


تم الإرسال أخوي مرسي الزناتي

[ساقان]

لأفضل أداء يجب تركيب دايمر يخفف قوة دوران المروحة
الدايمر الجيد متوفر عند العصيمي للكهرباء بشارع الزبير بن العوام
وعندهم فني يعدل المكيف

[مثالي نجد]

ما قصرتوا جميعا.. الله لا يقصر بأعماركم...
انا اتفق مع بعض الاخوان اللي قالوا لي ان الامر سهل وباستطاعة اي شخص عملها بيده وعدم الاتكال على العماله...
لكن اذا وضع الشخص ما يسمح لي خصوصا من الناحيه الصحيه فعلى قولة القايل " المال يفنى والخسارة في الأعمار"

اخي ساقان.. ياليت تتكرم وتدلنى على محل العصيمي اللي بشارع الزبير بن العوام.. وبأي حي يقع. واشكركم جميعا على التفاعل مع الطرح.

[مثالي نجد]

لأفضل أداء يجب تركيب دايمر يخفف قوة دوران المروحة
الدايمر الجيد متوفر عند العصيمي للكهرباء بشارع الزبير بن العوام
وعندهم فني يعدل المكيف


اخي ساقان ياليت تتكرم وتدلنا على محل العصيمي اللي قلت عنه.. وبأي حي يقع.. وشكر الله سعيك

[ساقان]

حي الروابي بين البرية للوازم الرحلات وبين مطعم الرومانسي يفتح شمال

[مثالي نجد]

ما قصرتوا جميعا.. الله لا يقصر بأعماركم ويبارك فيكم،، وحقكم علينا الدعاء لكم والوالديكم بالمغفره والرحمه وصلاح النيه والذريه..
قولوا آمين.

[بن نويشر]

انت تبيها ليه ؟
إذا كان للبيت فدفع الهواء راح يكون ضعيف غير المروحة الأصلية .
أما إذا كان ترغب تخليها للبر ، فبإمكانك تركيب مروحة رديتر وطرمبة بنزين بدل الطرمبة العادية وشغلها على البطارية ... ..

[كاسر البندق]

اخوي ركبت انا مروحة شفط كورية اصليه 40X40 هي عمليه ولا تحتاج صيانه بس ان فيها صوت
ونييين الافضل حق بلادة وتقدر تشتري مروحة داخليه الي هي ريش من حراج بن قاسم جديده ورشها بقار مع تنر ناري وركبها ولا صوت واقوى وافضل .....

[ابو البر]

مساك الله بالخير والسرور .
عندك دراهم زايده او انك تحب الأزعاج
ياخي كلها عملية صيانه للمكيف صح ويبقى التبريد ودفع الهواء ممتاز وهادي .

اما مروحه الشفط فهي ما تخرب ولا يحتاج سير ولاكن هناك مقابل مذكور اعلاه.

[نقا التنهات]

تكلفة صيانة الصحراوي ما تستاهل التعديلات هذي كلها قش وسير ما تكلف ٦٠ ريال
ولو تحافظ عليه وتفرغ الماء وتغطية في الشتاء يبي يكد سنتين ما احتاج شي
والرأي لك

[مستربوب]

بالنسبه لمروحة الشفط فاشله ولاتدفع هواء مثل قوة الدينمو
ونصيحه تبي المكيف مايملح حاول كل أسبوع غير الماء وراح ترتاح من مشكلة الملح

[ابو البر]

بالنسبه لمروحة الشفط فاشله ولاتدفع هواء مثل قوة الدينمو
ونصيحه تبي المكيف مايملح حاول كل أسبوع غير الماء وراح ترتاح من مشكلة الملح
وفوق هاذا كله يقدر يأخر تملح القش با أن يركب طرمبة ماء قويه يعني اكبر مقاس عشان الماء يكون غزير حول القش ولا يسمح بتكون الملح بسرعه .

[مرسي الزناتي]

طيب ياجماعة الخير انا عندي بيت شعر 15 في 8 وابي له مكيف صحراوي

وش تنصحوني احسن صناعة و مقاس يتحمل مساحة البيت

[mesh.3]

السلام عليكم و رحمة الله و بركاته

صبحكم الله بالخيرات الجميع

الحقيقية أحب أن أدلي بما عندي بموضوعكم هذا
و أتمنى أن أفيد الجميع و هذا والله المقصد

قبل سنتين كنت أريد ان أركب بالصالة عندي مكيف صحراوي
نظرا لأن الصاالة وسيعة و مفتوحة
وكنت محتار بين السبلت و الصحراوي
و كنت متخوف من غثى الصحراوي
و غلا السبلت أقل شي 30 ألف وحدة

فركبت الصحراوي و لا جاز لي رغم أنه جديد ولم أستخدمه إلا كم يوم
وبعته و ركبت إسبلت



المهم مالكم بالطويلة
ذيك الفترة بحثت بموضوع الصحراويات و ترهيمهن
و دلون على شخص بالنسيم عنده محل يرهم الصحراويات
وأذكر إنه يعزل المكيف من فوق بلباد
و يدبل القش مع كرتون لتبريد أفضل و أحسن
و يحط غطاس

حتى إنه يخليه يشتغل على الطاقة الشمسية
ينفع لراعين الحلال و البر أو يشترا للرعاة اللي بعيدين عن الديار
و أصحاب الحلال و المواشي
يحتسبون الأجر بعمالهم و رعاتهم ولجاهم القيض الله يكون بعونهم
حتى لو الواحد بوده يسويه مشروع خيري
يحطه بين مجموعة من الرعاة يخدمهم جميع و يحتسب الأجر بهم

وهو يبيع صحراويات جديدة مرهمه و جاهزه
او جديده
ولو عندك صحراوي مستخدم يرهمه لك
لكن على ما أخبر إنه فيه مقاس ينفع معه الترهيم و مقاس لا
فاللي وده يشري من الحراج و يجيبه له يرهمه
ينشده قبل عن المقاس الأفضل
الزبدة إنه رجال فاهم و بخيص بهن بالحيل
حتى أنه تطلب طلب و سرا عليه

أرفقت مع مشاركتي ذي صورة كرته
به بيانات محله
وللعلم خبري به قديم مثل ماقلت الموضوع من سنتين أو أزود




و جزاكم الله خيرا و أعتذر على الإطالة

أخوكم أبو عبدالعزيز





http://www.mekshat.com/pix/upload06/images/2014/03/mk238668_9977.jpg

[ابو البر]

طيب ياجماعة الخير انا عندي بيت شعر 15 في 8 وابي له مكيف صحراوي

وش تنصحوني احسن صناعة و مقاس يتحمل مساحة البيت

مكيف مقاس واحد حصان
ونم .

[هداج تيما]

انا عندي فله صغيرة الحجم، وركبت ادميرال كرتون حصان ونصف مقسوم بين الصالتين، خدم عندي 12 سنة، ولا استطيع الاستغناء عنه ، اذا اشتغل يبرد كامل البيت ، ويقضي على الجفاف، ويطرد الروائح ، ويفلتر الهواء، وقيمة الفاتورة لا تتجاوز 500 ريال ولله الحمد...لكن ما يدوم الا وجهه....اخيراً انفرط رمان المروحه:(
حاولت افك الرمان (مسمار مسدس) داخلي لكن انفرط ولا عاد ينفع معه المفك المسدس، الآن قاعد ادور واحد يفك المسامير (فرط) لتغيير الرمان..او اذا احد من الاخوان عنده فكرة او طريقه فاكون له من الشاكرين

[جيبي جايزلي]

طيب ياجماعة الخير انا عندي بيت شعر 15 في 8 وابي له مكيف صحراوي

وش تنصحوني احسن صناعة و مقاس يتحمل مساحة البيت

بيت الشعر يبيله مكيفين مقاس نص حصان بمراوح شفط وبتدعيلي

[اصيل نجد]

يا جماعة الخير انا عندي مكيفين صحراويه.... نافعتني مره بس اتعبتني بالملح وكل شوي السير ينقطع..
وانا ابحث عن فني يغير لي المروحة الاصليه ويرهم لي بمروحة شفط. فاللي يعرف فني في الرياض كويس ومجرب في هالشغلة يدلني عليه ولا يرسل لي رقمة ، ولكم مني جزيل الشكر وخالص الدعاء..

يطول بعمرك ياخوي ترى مايبيلها فني ولا شي فسر عن ساعديك وكلها اربع مسامير ودينمو غطاس وصلي الله على محمد الى مته والعماله يلعبون علينا الشغله بسيطه مررررره وانت بس اوقف عند المكيف واوزنها براسك والله ماتبي شي وربي يعينك .

[اصيل نجد]

انا عندي فله صغيرة الحجم، وركبت ادميرال كرتون حصان ونصف مقسوم بين الصالتين، خدم عندي 12 سنة، ولا استطيع الاستغناء عنه ، اذا اشتغل يبرد كامل البيت ، ويقضي على الجفاف، ويطرد الروائح ، ويفلتر الهواء، وقيمة الفاتورة لا تتجاوز 500 ريال ولله الحمد...لكن ما يدوم الا وجهه....اخيراً انفرط رمان المروحه:(
حاولت افك الرمان (مسمار مسدس) داخلي لكن انفرط ولا عاد ينفع معه المفك المسدس، الآن قاعد ادور واحد يفك المسامير (فرط) لتغيير الرمان..او اذا احد من الاخوان عنده فكرة او طريقه فاكون له من الشاكرين

معليك خلاف العلاج زراديه الكبس والدريل وريشه حديد 6مم وان حصل ريشه تكون استيل يكون احسن وبخاخW-D4 الازرق مزل الصداء ونجاح 100/100 وعلمنا عن النتيجه

[تركي1]

ماشاء الله عليكم تبارك الله

[أحمد محمد1429]

والله ماتبي شخص أنا مركب البارحه وحده بنفسي وشغاله تمام وسع صدرك عليها كل المطلوب مروحه و4مسامير من النوع اللي يخرم الحديد ويكون قصير علشان مايخرم جرم المكيف من الخارج

[صقر همدان]

أنا مفصل مكيف صحراوي كامل و استخدمت كرتون يستخدم في البيوت الزراعية بد القش و المروحه شفط و تبريدها ممتاز جدا

[صقر همدان]

مركبه في خخيمه5 في 8