لأهل الخبرة في كبدة الحاشي .. هل ردي عليهم صحيح؟

[Banker]

السلام عليكم

في إحدى الكشتات كان طباخنا القدير يتقن كل شي الا حمس كبدة الحاشي دايم تكون قاسية وتتعصلق واذا انتصفنا في الفطور وبردت صارت كنها بلاستيك .. فأخبرته ان السر ليس في "الشلوطة" ولا في نصف الإستواء .. كبدة الحاشي تحتاج إلى الشلوطة على الصاج بـ (الخل) لان طبيعتها مشدودة فتحتاج الى تليين طبيعي مثل الخل او السفن اب .. فما رأيكم هل كلامي صحيح؟

[سالم الجبيل]

والله ياخوي اللي اعرفه انه كل ماكان الحويشي صغير كانت الكبدة لينه وطريه وكل ماتقدم بالعمر صارت كنها لستك ..

[x.ls1.x]

خويك يزيد بطبخها لين تعصب الكبدة همن تغدي لستك , الكبدة تبي تقليب بسيط ابو دقيقتين او 3 دقايق كفايه بحيث لاقسمتها يصير داخلها زهري وبه دم بسيط

[ع العمرو]

خويك يزيد بطبخها لين تعصب الكبدة همن تغدي لستك , الكبدة تبي تقليب بسيط ابو دقيقتين او 3 دقايق كفايه بحيث لاقسمتها يصير داخلها زهري وبه دم بسيط
نعم كبدة الحاشي تبي نار قوية مرة وصاج حديد يكون حامي قبل ماتحط الكبدة وياليت تقطع الكبدة على شكل البطاط الأقلام ومثل ماقال اخونا لاتكثر عليها الطبخ دقائق وانت مشلهبها وتعال شف الطراوة والطعم الخيال ولاتحط الملح الا في اخر شيء.

[sfr]

عن تجربة وخبره كبدة الحاشي الطازجة ما يبيلها اظافات فقط على الصاج نص استواء وتطلع شي لو تركت على النار طويلا اصبحت قاسية

[Mohammed5d]

كبدة الحاشي علي حسب عمره حتي في المطاعم ماتجي كل يوم نفس اللي قبله لابغيت تشتري دور الفاتح لونها وقطعها مثل ماقالو الاخوان مثل البطاطس اصابع وحم النار وزيت وملح وشي بسيط بهار وسلامتك

[abdullah993]

كبدة الحاسي جرب تسلق الكبدة ربع ساعه قبل الحمسه وتضبط والشي الثاني لازم يكون الصاج حااااااااااااااااار الى مالاانهايه بس مجرد تقلبها وتشيلها على طول ماتصير بطئي

[الصيادالمليح]

كبدة الحاشي تقطيعها بحيث يكون مثل الشرائح الصغيرة وليس مثل الاصابع لانها تستوي بسرعة
وتقليبها على الصاج بشكل سريع حتى تشوف استوائها الخارجي فقط و اذا حبيت تكشنها بطماطم و بصل وكمون
فتحط الكشنة بعد ما تحط الكبدة بنص دقيقة عشان تستوي الكشنة و الكبطة في نفس الوقت وعادة تكون من دقيقة ونصف الي دقيقتين على نار عالية وتملحها بعد وضعها على الطبق
وبالهناء و العافية

جعت و انا اشرح هههههههههه×

[عبار درب]

اذا كانت كبدة مفرود و دون مثل ما تفضلو الاخوان شلوطة بسيطة اما اذا اكبر من مفرود ما لها حل تطلع قاسية