حافظات الثلج وش الاحسن

[بحرالقلزم]

من جرب حافظة السنيدي هل هي عمليه
حصلت حافظة كولمن لكن ما اعجبتني لان يوجد فراغ يسمح بدخول الهواء مع الغطا
ماهو النوع الطيب واين يوجد في القصيم

[escape_man]

كولمن القديم كان جيد لكن للاسف ما طورو المواد الي تدخل في تصنيع الحافظات مثل ما سوو اقلو

فالافضل الان بالسوق هو اقلو

[عاشق المزون]

أنصح باقلو شريتها من ساكو فرع الدائري حجم 52 لتر بحدود 340 ريال من الرياض ممتازه بس أنتبه غطاء الحافظه الصغير إلى يقفلها ما يبي شي وينكسر

Sent from my C6503 using Tapatalk

[بحرالقلزم]

يعطيكم العافيه
وننتظر آراء البقيه

[النادر12]

السلام عليكم انصحك بترمس الشفا الكبير غطاه يجي كبس ورخيص بحدود ١٣٠ريال وشكرااااااااا

[الجوكر حسن]

والله يا الغالي حافظات الثلج كثار اشكال وانواع وحافظات السنيدي ماجربتها

انا عندي وحده شرينها قبل 13 سنه ولا اكثر الى الان عندنا ماشاء الله كل ماطلعت لبر اعبيها ثلج ماشاء الله تبقي بارده يوم ونص اذا حطيت ثلج شوي اما اذا كثرت تجلس يومين الصناعه الظاهر امريكي عاد مدري الحين يبيعونها ولا
وعندي ثانيه كبيره مره الصناعه يمكن امريكي رحنا لمخيم عبينها ثلج شرينا الثلج من مصنع وجلس الثلج فيها ماشاء الله 5 ايام بس لازم تكون مسكره الي ياخذ منها لازم يسكرها عشان تكون بارده ولا يذوب الثلج بسرعه الكبيره لونها ازرق والصغيره برتقالي اذا تبي اوريك صور لها قلي
الله يوفقك

[الفريح1]

حافضات الشفاء ولبسها مثل العزب قطن

[بحرالقلزم]

اشكر الجميع
تم شراء ايقلو امريكي من ساكو 66 لتر ب 380
ابغى البسه هل القماش اللي يستعمل في شنط العزب ينفع

[Raselny]

والله افضل شي جربته هو حافظات الفلين مثل الموجودة بمحل برق الحيا
الثلج يبدا يذوب بشكل بطيء جدا بعد يوم كامل من الطلعة، ويذوب بشكل شبه كامل في اليوم الثالث من الاستخدام
والاحلى ان هالحافظات هي الارخص من باقي الحافظات

[الوانيت1]

مافيه اي داعي للتلبيس ولا للخساره ولكن احرص انك تفتح الصره وتخلي الماء الذايب يخرج ولا يقعد داخل الحافظة ويبربس الاغراض اللي فيها اول بأول الماء الذايب يخرج برا وبأمكانك تركب غطاء ببسي العائله بدل السداده الاصليه وتعمل بها ثقب بالدرنفيس او بالسكين لتكون الفتحه صغيره وتسرب الماء ولا مجال للهواء الحار الخارجي بالدخول بقدر الامكان او الحشرات ولاتعرضها للشمس المباشره او الهواء اواذا سيارتك ماهي حوض اعمل توصيله هوز من السدادة الي اقرب فتحه بالسيارة لتصريف الماء الذايب وقد ينفع معك بعض النرابيش اللي تجي للحنفيات ولكن دور المقاس المناسب من ناحية سن النربيش الذي يركب علي سن الحافظة وبتعجبك أنشاء الله
ولاتكثر فتحها وعليك بثلج القوالب الصك وانحش عن الثلج البلور المجوف من الداخل مايقاوم يذوب بسرعة.
وترا برودة الحافظة تأتي من ذوبان القوالب فيها لان كل ماتحول الثلج لسائل تزيد البروده داخل الحافظة لذا اتعب علي قوالب الثلج الصك الغير مجوفه انا احط قوالب اثنين كامله ويقعد لايقل عن اسبوع والحافظة اقلو
مبروك ماشريت وماراح تندم بأذن الله مبروك......///.

[أبو نادر.]

حتا اللي بساكو غير عمليه وجودتها ضعيفه

مع فتح الحافظه للاطفال للشرب المثلاجات يذوب الثلج بسرعه

ولا تنسوا حرنا غير طبيعي

وانا مثلكم ابحث عن حافظه ثلج او ترمس ماء يحتفظ بالبروده لطول فتره ممكنه

وسوقنا مجمع للانواع الردائيه

[ابوعقيل81]

متابع للموضوع مع الشكر لراعي الموضوع

[Hagaanaf]

يحفظك الله
بغض النظر عن اسم الشركه الصانعه ، مجرد ماتلقى صناعه امريكيه (100%) فخذها وانت مغمض ودع لي بظهر الغيب

[مطر وسم]

لكي لايذوب الثلج ويبقى طويلاً

حطو شرائح فلين بوسط حافظة الثلج ايقلو او غيرها مع كل الجوانب والارضيه والغطاء بطريقه احترافيه وشوفو النتيجه واحكمو وادعولي



تحياتي لكم

[بحرالقلزم]

اشكر الجميع على التفاعل
فعلا الصناعه تغيرت
كل الانواع اللي حصلتها في السوق تعبانه خاصة مشكلة الغطاء حيث يبقى فراغ
واضح بين الغطاء وجسم الحافظه
حصلت نوع اعجبني الغطاء محكم نوعا ما ولكن ما ادري كيف جودته
اسمه تانك TANK
لكن فينا طبع ما نشتري الا النوع المشهور

[أبو مها]

الاخ بحر القلزم
افضل الحافظات على هذا الرابط
http://www.mekshat.com/vb/showpost.php?p=9923791&postcount=14

[بربنجي]

يحفظك الله


بغض النظر عن اسم الشركه الصانعه ، مجرد ماتلقى صناعه امريكيه (100%) فخذها وانت مغمض ودع لي بظهر الغيب



صراحة نعم الصناعة الامريكية الاصلية من افضل صناعات العالم
تقعد معك باذن الله سنوات وتحافظ على جودتها

[اصيل نجد]

مبروك ماشريت والله يجعله مداخيل العافيه والستر والسعاده شريت افضل الموجود وزي ماوضحوا الاخوان كثر الصك والفتح له دور بضياع البروده .
بس لي اقتراح وانا ماجربت ليش ماتجيب فلين اللي جهه فلين وجهه قصدير المستخدم كلباد للفرش يحط تحت السجاد والموكيت ويجي بسماكات مختلفه تجيب اقل سماكه خذ متر واحد يكفي وقصه على قد الحافظه من فوق فقط وعند الفتح ارفع اللباد وخذ المطلوب لو تجرب هالطريقه احس انها ممتازه وخل المقاس محكم ويحط فوق الحافظه تكه يعني حكره وعلمني والله ماجربتها وجات براسي وانا اكتب الرد على الاقل تحل مشكله الغطاء اذا ماكان ماهو محكم الغطاء علمنا عن النتيجه سواء على العام ليستفيد الغير او الخاص ارجو لك التوفيق .. بحفظ الله

[ابو البر]

وين نحصل الحافظه اللي بالمقطع اللي اسمها (ياتي)

اللي عنده معلومه يعطينا اياها
الصيف وصل بأأ قد.

[بحرالقلزم]

اشكركم جميعا
بس لو فيه طريقه لاحكام الغطاء
زي حافظة ياتي نقدر نولفها

[رويس]

ملاحظة مهمة عند إختيار حافظات الثلج (الكولمان) وهي نادر من ينتبه لها.
اللون له تأثير كبير ، ولاحظت ذلك من خلال تجربة لي .
إختر دائماً اللون الأبيض الخارجي لأنه يعكس الحرارة وأكثر حفاظاً للتبريد من الألوان الأخرى التي تمتص الحرارة .

[الحلم البعيد]

فيه حافظه صناعتها من تايلاند
لاكن مااعرف وش اسمها
جيده جدا جدا

[شعلونكا]

انا معي حافظة Igloo ممتازة واحسن من الممتاز

حاط فيها ثلج ثلاث ايام بثلجها واليوم الرابع ماع مع اني افتح الحافظة واحط اغراض واشيل اغراض

شريتها من ساكو وغطاها ممتاز ولها عصا سحب وكفرات ممتازة جدا تغنيك عن حملها اذا كانت مليانة

مثل ذي

http://i.ebayimg.com/00/$(KGrHqEOKm4E3VNTmf+-BN+fk+fc6!~~_35.JPG

[الشرقيي]

عندي حافظة ثلج gott امريكيه للبيع شبه جديده
شاريها قبل ٢٣ سنه
حجمها ٨٠ لتر
للبيع

[تربة الشمال]

بالنسبه لي افضل حافضات gt الامريكيه كان يجي منه الوان لاكن الاان لايوجد الا الون البرتقالي

[zlzal]

وين نحصل الحافظه اللي بالمقطع اللي اسمها (ياتي)

اللي عنده معلومه يعطينا اياها
الصيف وصل بأأ قد.

نفس السؤال حاولت اطلب من موقعهم الرسمي مايوصلون السعوديه

[ابوحسام9]

كيف الطريقة للحصول على مثل النوع هذا من الحافضات االي اسمها ياتي

[ابوحسام9]

السلام عليكم ياشباب كيف الطريقه للحصول على حافضات ياتي

[وثاب]

والله يا اخوان ابذكر لكم عن حافظه مدري اخوي منين شراها

من دون بمالغه يقعد الثلج اسبوع بالتمام

اذا ما فتحتها

وخمس ايام اذا تعرضت للفتح التسكير

[ابوحسام9]

ياليت لو تصورها وايش نوعها

[سقم المعادي 1]

اذا حطيت استشارة بعض الناس يضيعك ماتاخذ منه علم
يقول لك اخبر لك حافظه زينه و ممتازه و يمدحها اخر شيء يقول مدري وش اسمها ولا يقول انقطعت وانا شاريها من زمان طيب وش استفدنا الآن لا علمتنا اسمها و مدحت لنا حافظه انقرضت وبعدين ؟؟

[ابوحسام9]

السلام عليكم ورحمة الله وبركاته
كيف الحصول على حافضة ياتي الي موجوده بالرابط مافيه وكيل
يجيبها لنا حتى ولو تكون مكلفه لانك بالاخر تكون مرتاح

[الحربي حاتم]

الشفا مثل ترامس الحرمين ممتازة

[قناص الوعول]

الافضل حافضة ثلاج هي من ماركه الويكو وكيلها السنيدي بس غاليه مره

[صخب]

كولمان شريتها من سوق كم الظاهر مع التوصيل ١٥٠ ريال مقاس ١٦ لتر

وضعتها بالسياره وقت السفر وعبيتها للمنتصف ثلج والباقي علب مويه وعصيرات وبسكويتات
بعد ٢٤ ساعه ذاب الماء لكن فيه قطع ثلج بعد يوم ونصف ذاب الثلج لكن الماء بارد جدا
مع العلم انها كل ساعه تقريبا تفتح من قبل الاطفال

[ابوحسام9]

الافضل حافضة ثلاج هي من ماركه الويكو وكيلها السنيدي بس غاليه مره

يعطيك العافيه اخوي ماأدري انت جربت حافاضات الثلج ويكو

[قناص الوعول]

انا ما قنيت حافظة ويكو قد كنت مع صديق لي في رحله بريه وكانت معه واشوف حفظها لثلج طيب جدا لاكن سعرها نصف قيمة ثلاجة سيارة غاليه مره

[ابوحسام9]

انا ما قنيت حافظة ويكو قد كنت مع صديق لي في رحله بريه وكانت معه واشوف حفظها لثلج طيب جدا لاكن سعرها نصف قيمة ثلاجة سيارة غاليه مره

يعطيك العافيه على التوضيح

[م.سعيد]

السلام عليكم ورحمة الله وبركاته
كيف الحصول على حافضة ياتي الي موجوده بالرابط مافيه وكيل
يجيبها لنا حتى ولو تكون مكلفه لانك بالاخر تكون مرتاح
عليكم السلام..
موجودة في الكويت في محل ايس بالري
سعر الصغيرة 100 دينار كويتي
وترى وزنها وهي فاضية ثقيل وشدادات الغطاء المصنوعة من الربل ( المطاط ) ما اعجبتني

[ابوحسام9]

يعطيك العافيه اخوي سعيد ممكن لو تكرمت علينا
رقم المحل

[م.سعيد]

يعطيك العافيه اخوي سعيد ممكن لو تكرمت علينا
رقم المحل
تفضل اخوي ابو حسام:

96524724663+
والحجم اللي ذكرت سعره فوق هو لموديل roadie 20
والحجم اللي اكبر شوي سعره 150 دينار
وفيه حجم كبير ما يحضرني سعره..
واذا بغيت انت او احد الاخوان خدمة ابشروا

[ابوحسام9]

يعطيك العافيه وكل عام وانت بخير

[ابوحسام9]

يعطيك العافيه اخوي سعيد حاولت الدق مايدق انا باسعوديه يمكن الرقم يحتاج مفتاح

[م.سعيد]

يعطيك العافيه اخوي سعيد حاولت الدق مايدق انا باسعوديه يمكن الرقم يحتاج مفتاح

الرقم مع المفتاح فوق..
مكلمهم قبل ساعة

[م.سعيد]

يعطيك العافيه اخوي سعيد حاولت الدق مايدق انا باسعوديه يمكن الرقم يحتاج مفتاح

الرقم مع المفتاح فوق..
00965
مكلمهم قبل ساعة

[م.سعيد]

اخذت منهم حافظة اقلو الامريكية..شكلها انيق وتفي بحاجتي
سعرها 11 دينار

http://im56.gulfup.com/Rjppla.jpg

http://im56.gulfup.com/NPtPF0.jpg

[ابوحسام9]

مبروكه يعطيك من خيرها ويكفيك شرها
منضرها حلو
ماتدري يفتحون ايام الاعياد ولا بعد العيد

[م.سعيد]

الله يبارك فيك..
للاسف ما ادري عن دوامهم في العيد

[DID]

متابع للموضوع

شكرا للاخوان

[معشوق البراري]

ياخوان احد اشترى منك حافظة ياتي من الكويت ؟ وكم سعر الوسط

[الحربي حاتم]

الأخ م . سعيد تخدمنا لو تقدر تجيب لنا الحافظة من الكويت وبدون كلافة عليك .

[وضاح القمر]

العدو الأول لحافظات الثلج "كثرة فتحها وعدم إغلاقها بسرعة"

بعضهم يفتح الحافظة ويقعد يسولف ويهوجس له شوي ويطير البراد ويسرع بإذابة الثلج

عموما أفضل شيء تقريبا بالسوق الآن (ايقلو) صناعة أميركية

وانتبه للحافظة goot الإماراتية .. فهي تقليد للحافظة gott الأميركية

طبعا قوت الأميركية منقطعة .. واللي بالسوق إماراتية تقليد ورديئة

[م.سعيد]

الأخ م . سعيد تخدمنا لو تقدر تجيب لنا الحافظة من الكويت وبدون كلافة عليك .

مرحبا يا حربي..
للاسف ما عندي نزلة قريب للكويت في الوقت الحالي