×استفسار هل هناك منشار لقص الجدران

[الربذي]

السلام عليكم ورحمة الله وبركاته كما العنوان يااحبتي هل فيه بالسوق ماابي الطق ﻻن عندي فتح ثﻻث ابواب وشيل جدارين

[تنومه1]

الجديد موجود تلقاه في محلات بيع العدد والادوات وتختلف الصناعه ما بين اصلي وتقليد
اهم شي تركب له دسك او سكين خرسانه. وخلك حذر لانه خطير جداًجداًجداً.

بتلقى في محلات تاجير المعدات اتوقع يوميته بحدود 10-20 ريال

شوف هالمقاطع وكون فكره

http://www.youtube.com/watch?v=Q-9FW15X5p0

http://www.youtube.com/watch?v=UE5WfCRP_Hc

http://www.gregscutting.com.au/gallery/Hand%2BSaw%252FWall%2BSaw/hand-sawwall-saw/19394

http://www.stihlusa.com/products/cut-off-machines/professional-cut-off/ts420/

[web]

اي يابوي موجود يسمونه صاروخ والعامل هو الي يستاجره اذا اتفقت معاه على التكسير بس ترا لازم يصير فيها طق شوي .

[قناص الحوى]

الله ييسر امرك

[النادر12]

في ريشة تركب على الصاروخ للجدار والرخام اتفق مع بكستاني وهو يشوف شغله وسلامتك

[wafi4sa]

والله شي حلو وخصوصا اللي بالفديو الأول
عجيب ورائع وين احصل علية
بارك الله فيكم

[hamido]

فيه بس اهم شي تاخذ ريشه اصليه مثل ماكيتا وتركبه بالصاروخ وبالدريل تخرق زوايا حدود الباب او الفتحه الي انت بتفتح وبالمسطره او شي مستقيم توصل بينهن عشان تمشي عليهن بالقص طبعا طول ريشه القص 10 سانتي فلذالك راح تقص مع الجهتين

[نقرة خالد]

لازم تنتبه زين اخوي تراه خطر جدا جدا صديق لي توفي بسبب الصاروخ انكسر عليه وهو يشتغل وشق بطنه وواحد ثاني من اصدقائي قدامي انكسر بس الحمد لله ستر ربك وجت الضربه بصبعه اطرف اصبع ايده ونجرح

[كادر]

انتبه اخوي الصاروخ خطر جدا
عط الخباز خبزه ولو اكل نصفه
جب عامل واشرط عليه يستخدم الصاروخ
هم اهل صنعه ويعرفون له
يمكن احيانا يلوي يدك ويرجع عليك

[ابوعقيل81]

في محل يبيعه
بالملز مقابل الملعب من الجهه الجنوبيه
شارع صلاح الدين بعد ميد وبعد البنك العربي
قبله مخبز وبقاله
اسمه
مستقبل الميكانيكا

[مطر وسم]

والله انه خطير مره احتمال تنكسر الريشه وتصيب جسمك ويكفي الغبار اللي يسويه في الجدار يكتم الصدر ويعمي العيون

دور لك باكستاني نشيط وخله يسويه لك

اخوي ترى صحة الانسان اهم من هالفلوس اللي خايفين عليها

صح ان الواحد يشتغل بيده احسن اذا كان يعرف للشغله بس مو في صاروخ واشياء خطيره

تحياتي للجميع

[serch]

خطير ولكن أفضل وأسرع من الطق

[ابوصالح3]

مثل ماقالو الاخوان خطير جدا , للي يستخدمه اول مره اوخبرته فيه قليله

ولازم يتم فصل الكهرباء عن المنزل لأن احتمال وانت تقص الجدار تطيح لك بخط كهربا ء اوسلك

الله يستر ...وقدتؤدي للوفاة

[ابو اماني 1]

جربته مره علشان شباك دريشة وتحسفت والله لأن البيت امتلاء غبار وفي الأخير ماسلمنا من الطق على الجدار

[ابو البر]

نعم يوجد وجميع الردود فيها البركه مثلها مثل رد تنومه 1

وبالنسبه عند تركيب البيبان فلا بد من وجود تكسير حول حلق الباب عشان تمسك الصبه الباب .
وعليك بالحذر لأن اغلب الأصابات بالجبهه.

[الولد الطيب]

سؤال رائع وردود أروع

لكن يا اخوان هل يوجد مشاكل من فتح باب؟
هل لها تأثير على سلامة الجدار
سمعت أن فتح باب او شباك أحد أسباب صدوع الجدران!

[م.سعيد]

انصحك بمنتجات ميتابو..موجودة بالسوق

http://www.totaltools.com.au/metabo-230mm-2500w-wall-chaser/w1/i1020775/

http://www.youtube.com/watch?v=vC4v-Vkhk7A