ابحث عن هوز بنزين لجمس 2001

[سلطان النفيعي]

بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير
معاي جمس سوبربان موديل ٢٠٠١ كان يهرب علي بنزين وديته للميكانيكي وقال ان الخراب في الطرمبة وفي الهوز اللي منها الى الفلتر
ياليت تساعدوني فيها
دورت في كل وكالات الجميح بالدمام ورحت التوكيلات اللي جنب الحرس الوطني بالظهران عشان اسوي طلبية من برى قالوا مافيه
ايش العمل؟
تشليح الدمام مافيه
لو ممكن
هذا رقم القطعة : 15769726

[MSAN]

هلا بك..

اذا انك تدور على (لي) بنزين راح تلاقيه في المحلات الي في تلصناعية الي تبيع العدد والكلبسات والمسامير وموية الرديتر.. لكن احرص ثم احرص ثم احرص انه يكون لي بنزين وليس لي مويه

غالبا يكون مقاسه 3/8


بالتوفيق

[سلطان النفيعي]

يعطيك العافية والله لايهينك بروح اليوم و ان شاالله احصلها
تعرف محل كويس وعليه الكلام

[escape_man]

راح زمن الوكالات وانا اخوك

انا معاد اطلب قطع غيار حتى صفايات البنزين وفلاتر الزين كلها عن طريق المواقع المتخصصة

جودة اعلى وسعر اقل

[سلطان النفيعي]

وش هذا الموقع الله لايهينك ياخوي

[escape_man]

والله وانا اخوك لو طلبت مني مواقع الفورد عطيتك افضلها حاليا

الجمس الي عندي مبطي ماطلبت له قطع لانه واقف ..

لكن اذكر موقع للجموس والشفرات كنت اتعامل معه من سنين .. خذ لك فرة فيه .. وعلى فكرة يمديك تنزل الكتالوج

مجاني وتقلب فيه لين تلاقي القطعة الي تبيها و تختارها بالرقم ..

والافضل تشوف لك واحد من الشباب يطلبها لك

https://www.lmctruck.com/gmc/

[سلطان النفيعي]

يعطيك العافية ياغالي بيض الله وجهك