ماء مقطر X ماء رديتر اصلي [الأرشيف]

مشاهدة النسخة كاملة : ماء مقطر X ماء رديتر اصلي

hussien18

05/03/2014, 02:05 PM

السلام عليكم

شباب هل فيه فرق بين تكون المويه المقطر او المويه رديتر الاصلي؟

ركبت رديتر جديد قبل شوي وشيكت ع كل شي تمام ..
مافي تهريبات .. لكن الحرارة ماهي تمام .. الحرارة 100 وهي واقفه والعادة هي 90 وهي واقفه

برايكم السبب عشان الرديتر مو اصلي (صيني مدري تايوان)
او عشان انا استخدمت المويه للرديتر ماء مقطر فقط

انتظركم ع احر من الجمر ..

عميد آسيا

05/03/2014, 03:12 PM

سيارتك و موديلها
و نوع الرديتر القديم و نوع الجديد نحاس أو المنيوم و كم طبقة
و فرق الحرارة صار أول ما ركبت الجديد

ابوكشتات

05/03/2014, 04:25 PM

فيه جالون ماء رديتر ( اي سي دلكو ) يجي ماء رديتر اصلي مخلوط معه ماء مقطر 50 % 50 % من المصنع يعني اذا عبيت ماء الأديتر اللي وضحته لاتعبي معه ماء مقطر .

ابوشاهه

05/03/2014, 04:33 PM

اخي الغالي ..الماء المقطر لحالة ما يصلح ابدا ...لازم تفرغه وتحط ماء اديتر اصلي (بريستون )تسكبها كلها والباقي تملاه ماء مقطر ...

hussien18

05/03/2014, 11:29 PM

يعني اركب ماء رديتر اصلي وتنحل المشكلة؟

والله طفشت من امس للحين ولا عرفت وش المشكلة ..

الماء المقطر ما ينفع للتبريد ولازم ماء رديتر اصلي
او
الرديتر هذا مو اصلي عشان كذا ترتفع الحرارة؟
او
هل ممكن تركيب الرديتر غلط ..؟
او
مراوح السياره تركيبهم غلط ..؟
او
هل ممكن نقص زيت القير يسبب مشكلة الحرارة للمكينة؟

شحرور الدهنا

05/03/2014, 11:46 PM

افضل ما للرديتر مويه المانيه اسمها مايلي زرقا ب25او 30وتخلط كل علبه منه بعلبتين مقطر وراح تدعيلي وتحصلخا في محلات قطع غيار المرسدس والبي ام. وبالتوفيق

بامالك

06/03/2014, 03:32 AM

المويا الاصلية تكفي لوحدها .. المقطره ماهي ضرورية ... تلقاها عند الوكلا المعتمدين ب 45 ريال .. وعند الشركات حوالي 90 ريال ... بالتوفيق ..

سيف وقلم

06/03/2014, 11:21 AM

فيه موية بترومين 4 لتر ب25 ريال, ممتازة.

hussien18

06/03/2014, 08:15 PM

اشتريت مويه وغيرتها ..
جربت فكيت الثرمستات ..
ونفسي الشي السيارة حرارتها مو طبيعيه ..
المراوح تشتغل تمام ولو ما المراوح احس الحرارة بترتفع الى H

ما باقي الا طرمبة المويه .. شلون اعرف ان منها السبب قبل لا اغيرها ..
هل فيه طريقة معينه او شي اعرف انها عطلانه؟

وكم شغل اليد للورش عشان لا يلعبون علي..

عميد آسيا

06/03/2014, 08:30 PM

ما جاوبتني على أسئلتي
طرمبة الماء الالي أعرفه إذا خربانه تشوف ماء تحت السيارة تقريبا عند نص الكبوت قدام
و أول ما تعبي ماء على طول ينزل ما يقعد

hussien18

06/03/2014, 10:35 PM

لا اخوي مافيه ولا نقطة ماء تحت السيارة ..

والمراوح الحمدلله وضعها تمام .. ولو ما المراوح كان الحرارة توصل H للاخير

السيارة كانت بارده..

شغلتها وانتظرت توصل درجة الحرارة الطبيعيه 89 .. وماحركتها ولا عطيتها بنزين ولا شي ..
الحرارة ثابته بين 89 الى 90 تقريبا ظلت ع هالحال 8 او 9 ددقايق ثابته ثبات ..

حرارة القير بددأت ترتفع مع ان انا واقف مكاني ماحركت ولا عشقت السيارة ..

كانت الحرارة للقير 58 وحرارة المكينة طبيعيه 89
مرت 15 دقيقة .. حرارة القير 90 وحرارة المكينة 103

سبب ارتفاع حرارة المكينة هو من حرارة القير ترتفع وتخلي حرارة المكينة ترتفع اكثر

نزلت تحت السيارة مافيه ولا نقطة ماء او زيت .. شيكت ع الليات وكل شي تمام .. مافيه اي تهريب او حتى نقطة ماء...

هل هذا من علامات طرمبة الماء ضعيفه او بها شي ؟

انا خايف يكون المكينة ودعت ولا صار لها شي ..!!!!!!!!!!!!!

عميد آسيا

06/03/2014, 10:49 PM

يا ليت تجاوبني على ردي الأول و إن شاء الله أقدر أفيدك

hussien18

06/03/2014, 11:26 PM

سيارتك و موديلها
و نوع الرديتر القديم و نوع الجديد نحاس أو المنيوم و كم طبقة
و فرق الحرارة صار أول ما ركبت الجديد
معليش ما انتبهت لردك ..

سيارتي كابرس اس اس 2007 ثمانيه سلندر سعة المحرك 6 لتر

السيارة وكالة مطلعها عام 2010 وحاليا ماشيه 78 الف كيلومتر

الرديتر القديم نفس الجديد مافيه فرق .. والظاهر انه المنيوم ..

اي الحرارة صارت بعد ما ركبت الرديتر الجديد ..

الرديتر الجديد صناعة تايوان مدري صيني ..
المهم ان راعي المحل سعودي قال لي رديتر الوكالة محد يشتريه لان غالي .. هذا سعره 600 ريال ومثل الوكالة هذا ومافيه مشاكل بالحرارة ..

**************************
بقووولك القصة كامل

قبل يومين شغلت السيارة وكانت السيارة جنبها حجر كبير .. ضربتها والرديتر جته ضربه من الاسفل وانكسر الخزان وطلعت المويه برى .. وانا مباشرة مجرد شفت ماء علطول طفيت السيارة ..

رحت اشتريت مويه وعبيتها ع بالي التهريب خفيف وان شاء الله توصلني لاقرب ورشة .. الزبده مشيت تقريبا 2 كيلو وارتفعت الحرارة الى 105 حسيتها بسرعة ارتفعت وقلت اطفي الموتر افضل .. طفيته وخذيتها بسطحه الى الورشة ..

الرديتر القديم انكسر الخزان اللي موجود بالاسفل ووايضا قطعة حديد لتبريد القير موجودة داخل الخزان صارت مايله (بالعربي صار لها اعوجاج واختربت)

ومافيه قطع غيار ما يجي الا كامل الرديتر .. المهم اشتريت الرديتر الجديد
وركبته وعبينا مويه ماء مقطر فقط .. والحرارة مو تمام...

المراوح تمام واذا اشتغلت تبرد ع المكينة لكن ماهي الا دقايق وترجع الحرارة ..

فكيت الثرمستات ونفس الشي الحرارة مو تمام ..

ركبت موية اصلية ونفس الشي الحرارة مو تمام ..

ما بقى شي ماسويته .. وش باقي بنظام التبريد عشان نغيره .. باقي فقط طرمبة الماء صح؟

hussien18

06/03/2014, 11:31 PM

حبيت اقولكم ان انا صارلي سنة .. كل شهرين او ثلاثة شهور اعبي 3 علب ماء مقطر للرديتر حتى اتجنب مشاكل الحرارة ..

هل هذا طبيعي الشي؟

عميد آسيا

06/03/2014, 11:50 PM

الله يعينك و ييسر لك

الطرمبة إن شاء الله ما فيها شيء

و الرديتر اللي أقدر أقوله المنتجات الصينية ما تنفع بريال و لو اشتريت أردني كان أحسن لك و أتوقع تبريد زيت القير في نفس رديتر الماء عشان كذا حرارة القير ترتفع

الماء المقطر ميزته إنه ما يصدي الرديتر و يتآكل و أتوقع درجة تبخره زي الماء العادي و الماء المركز زي MotorCraft درجة تبخره أعلى
إن شاء الله نقص الماء طبيعي و السبب واحد من خوياي دوبي اتصلت عليه أبغى أتأكد منه بعد ما قريت ردك معه ابيكا 2007 و سيارته ما فيها تهريب و نقريبا كل أسبوع يعبي علبة ماء مقطر
و الماء المركز تقريبا يخدمك حتى 40000 و بعدها يفقد خواصه و يصير عادي و لازم تغيره و أتوقع إنك ما قد غيرته

إن شاء الله إني أفدتك و أعطيتك اللي أعرفه و توقعي و اللها العالم يمكن الرديتر لكن قبل لا تسوي شيء حاول تتواصل مع الخبرة و لو عالخاص زي أصيل حجازي و بدوي جنوبي و سوبر VTC

و نصيحة السيارة لا تحركها كثير لإن عدوها الأول الحرارة

سؤال خارجي زيت المكينة متى آخر مرة غيرته

اسعيد بن عيد

07/03/2014, 12:01 AM

حبيت اقولكم ان انا صارلي سنة .. كل شهرين او ثلاثة شهور اعبي 3 علب ماء مقطر للرديتر حتى اتجنب مشاكل الحرارة ..

هل هذا طبيعي الشي؟ بسم اللة والحمد للة اللهم صلي على محمد مش لازم تشوف التهريب يمكن يخرج بخار ماء .انا حصلت معي بالكابرس طلع تهريب بخار الماء من الغطاء الجربة لان الماء يتبخر بسرعة اما اذا مخلوط بماء التبريد لايتبخر بسرعة يطول . من جهة اخرى اذا بردت السيارة عبيها ماء الى مقاس معين بالليل ولاتشغلها الى الصباح . وفي الصباح شيك على مستوى الماء اذا ناقص عندك تهريب داخلي . 2_ شوف رقم الترموستات يمكن 100 او 90 . لاتستعجل الاخوة سيفيدونك انشاء اللة

hussien18

07/03/2014, 12:13 AM

غدر الزمن

07/03/2014, 12:34 AM

فيه هوا مع الماء داخل نظام التبريد رح للي ركب اراديتر يفضي الهواء وهو يعرف كيف اذا كان شاطر بشغله

كاشت بالبر

07/03/2014, 05:53 AM

وعليكم السلام

ياليتك ركبت رديتر أصلي وريحت راسك ؛ أحسن وأفضل وأضمن من التجاري

اعتقد الراديتر التجاري تبريده اضعف وأقل من الأصلي .. بسبب الفرق في المواد الخام
الأصلي يصنع من مواد جودتها أعلى لكن سعره أغلى
التقليد والتجاري يصنع من مواد جودتها أقل وأسوء لكن سعره أرخص

أو يمكن أنك مركب راديتر أصغر وعدد رصّاته أقل من الراديتر السابق
اذا ما تعرف وش معنى الرصّات .. شف الراديتر اللي بالصوره هذي 3 رصّات ( 3 فتحات )
http://i50.photobucket.com/albums/f347/Naja002/PC/CarRad/CarRadPlumbing-05-27-08009.jpg

أو يمكن (( راديتر المكيف )) اللي قدام راديتر المكينه يمكن يكون مليان أوساخ أو زعانفه مطعوجه و لا يسمح بمرور الهواء بشكل كافي إلى راديتر المكينه .. حاول تشيك عليه وتنظفه تغسله

http://2.bp.blogspot.com/-kqaO5FUPQoM/Ue93_IaeCJI/AAAAAAAAARs/K-bM4AREfLc/s1600/Condenser.JPG

http://rvtravel.com/blog/lowtech/uploaded_images/HPIM2951-759194.jpg

وحسب كلامك أن المشكلة من القير حرارته عاليه .. وترفع حرارة المكينه لأن مبرد القير داخل الراديتر

.. أعتقد المشكله من الراديتر التجاري أو من حرارة القير العاليه ..

فيه حل أنك تقلل حرارة القير وتخفف الضغط على الراديتر .. تضيف مبرد إضافي للقير

يعني يصير زيت القير .. يطلع من القير > يروح لمبرد القير (اللي داخل الراديتر) > يطلع من الراديتر > يروح للمبرد الإضافي ( حق القير ) > يرجع الزيت للقير

أو أنك تخلي الزيت يمر على المبرد الإضافي ثم يمر على مبرد القير اللي داخل الراديتر .. لكن يمكن الزيت ترتفع حرارته من راديتر المكينه

وإذا ما نفع مبرد القير الإضافي .. ركّب له مروحه صغيره .. تصير تبرد زيت القير والمبرد الإضافي وتبرد راديتر المكيف و راديتر المكينه

مبرّد القير الإضافي نوعين :
نوع رخيص .. ماصوره وعليها زعانف لتشتيت الحراره و ولتبريد الزيت
http://up.lx-club.com/files/946.jpg
نوع غالي بدون ماصوره .. الزيت يمشي عبر مسارات صغيره وفيها زعانف تبريد كثيره جدا
http://www.m5zn.com/uploads3/2012/4/24/photo/042412040439a1jmrc97u0t1.jpg

أما بالنسبه لماء الراديتر نوعين :

1) مركز ثقيييل وغير مخفف بالماء المقطر .. وضروري جدا تخففه لا يجي أحد يقولي ما يحتاج تخفيف !! إلا يحتاج وضروري ومكتوب على علبته

2) مخفف بالماء المقطر وجاهز للتعبئه .. وتلقى مكتوب عليه لا تضيف ماء بالأنجليزي DO NOT ADD WATER .. لأنه أصلاً مخفف بالماء المقطر وموزون بنسبة 50% ماء مقطر و 50% ماء راديتر

ماء الراديتر الأخضر عمره قصير يتغير كل سنتين أو كل 40 ألف كيلومتر

عكس الأحمر اللي مكتوب عليه LONG LIFE يتحمل 5 سنوات أو 200 ألف كيلومتر
على سبيل المثال لا الحصر : ماء راديتر تويوتا الأحمر الجالون بـ 40 ريال و ميستوبيشي والخ...

أي ماء راديتر مكتوب عليه LONG LIFE أعرف أنه يتحمل 5 سنوات او 200 كيلومتر .. لكن حاول تاخذ شيء تاريخ إنتاجه جديد

وترى ما يصلح تستخدم ماء مقطر لحاله .. لأن مع الوقت الرديتر وباقي أجزاء التبريد راح تصّدي
وتتآكل

و لا يصلح تستخدم ماء راديتر مركز وغير مخفف لحاله .. لأنه ما ينقل الحراره بفعالية مثل الماء ولأنه أثقل من الماء وحركته أبطئ .. لازم وضروري تخففه بالماء المقطر

ينصح بنسبة 50% ماء مقطر و 50% ماء راديتر

أغلب انواع ماء الراديتر تجي مخففه وجاهزه للتعبئه ومكتوب عليها لا تزيد ماء .. إلا اذا شفتها ثقيله لازم تخففها بالماء المقطر

وأبتعد عن ماء الراديتر التقليد والتجاري مجرد لون ماله فائده .. أبو 10 و 15 ريال الموجوده عند البناشر ومحلات الزينه

كرتون ماء مقطر أصلي بـ 9 ريال من محلات الجمله فيه 12 علبه

-------------------

يمكن الراديتر فيه هواء ويحتاج تنسيم وإخراج فقاعات الهواء .. أو إذا كان ناقص الماء

لأني سمعت من "بعض" الأجانب و "بعض" الناس ؛ أن الماء المقطر لحاله ينقل الحراره من المكينه إلى الراديتر بشكل أفضل .. عاد ما أدري عن صحة كلامهم لكن المشكله راح يسبب صدأ وتآكل بعد فتره

فائدة ماء الراديتر الأصلي أنه يمنع صدأ وتآكل مسارات الماء بالمكينه وطرمبة الماء وبلف الحراره و الراديتر والخ... ويحافظ عليها وبالتالي يكون عمر السياره أطول وأقل أعطال لأن نظام تبريدها سليم ومافيه صدأ أو تآكل

يعني ما أتوقع المشكلة من ماء الراديتر ولا أتوقع أن المشكلة من طرمبة الماء .. لأن الحراره قبل عندك تمام

يمكن تكون المشكله من الراديتر التجاري أو قطعة تبريد القير اللي انطعجت وصارت مايله أو الخ... شيّك عليها ولا تستعجل بتغيير أشياء سليمه و مالها داعي

إذا سيارتك قديمه ومهمل تغيير ماء الراديتر .. أنصحك تسوي غسيل سلندر ( غسيل مسارات الماء بالمكينه ) ولا تسوي تسييخ إذا رديترك جديد أو سليم

وترى شغلتها بسيطه يفكون بلف الحراره ويشبكون الليات بطرمبة الغسيل وفيها مواد تنظيف .. يعني لا ينصبون عليك ترى شغلتها أسهل من تسييخ الراديتر

http://www.ford4arab.com/upload/i/00000/ymrkpc9s8qfx.jpg

وشيّك على زيت القير لا يكون ناقص أو محروق

بالتوفيق ان شاء الله

كبسولة2

07/03/2014, 11:22 AM

مسير عليكم

09/03/2014, 12:27 PM

اخوي شيك علي اليات لايكون فيها شب معفوط ومسكر زي ماقال اخوي كبسوله

فيه شي ثاني ودايم يغدر بالواحد غطى الرديتر اذا كان تجاري وخصوصن ان معك تبخير فالغطي التجاري يبخر ويسبب حراره واكيد ان المحل عطاك الرديتر جديد وغطاه معه فنتبه لنقطه ذي

hussien18

09/03/2014, 08:51 PM

اخي الكريم مشكلتك حسب وصفك من مواصير تبريد القير فيها انعواج بسبب الضربة

والزيت حق القير ما يمر بسﻻسة فيها انت تقول حرارة القير ترتفع قبل حرارة المكينة

معناته الزيت مايمشي فيها شيييييييك على مواصير زيت القير وإن شاء الله تحل مشكلتك
اخوي انا اشتريت رديتر جديد .. هل يجي فيه تبريد خاص بالقير بداخله ولا شلون؟ :(:(

سويت تنسيم للهواء وما شاء الله الحرارة خفت شوي ..

ابو عبيد55

09/03/2014, 09:53 PM

يااهل الخبره من يقول لي ماء الرديتر وش افضل شئ
وكيف وزنيته
مثلا ماء رديتر حق اسي ديلكو
او ماء رديتر تويوتا الي ب45 ريال
هل يكفي واحد جركل والباقي ازيده ماء مقطر؟؟

كاشت بالبر

09/03/2014, 10:41 PM

يااهل الخبره من يقول لي ماء الرديتر وش افضل شئ
وكيف وزنيته
مثلا ماء رديتر حق اسي ديلكو
او ماء رديتر تويوتا الي ب45 ريال
هل يكفي واحد جركل والباقي ازيده ماء مقطر؟؟

كتالوجات السيارات تنصح بماء الراديتر بنسبة 50% ماء مقطر و 50% ماء راديتر .

ماء راديتر تويوتا الأحمر مخفف بنسبة 50% ماء مقطر و 50% ماء راديتر .. يعني جاهز للتعبئه في الراديتر .. سعر الجالون تقريبا 40 ريال و راح تحتاج اكثر من جالون

اتوقع مافيه مشكله تزيده ماء مقطر بنسبه بسيطه أو متوسطه .. انا عن نفسي ازيده ماء مقطر اذا نقص

و حاول تاخذ شيء تاريخ انتاجه جديد .. يتغير كل 5 سنوات أو كل 200 ألف كيلومتر << تقريباً

أنا أستخدم حاليا لي تقريبا 6 شهور ماء راديتر ميتسوبيشي الأحمر مصنوع بواسطة بترومين سعر الجالون 37.3 ريال
ونسبة ماء الراديتر 40% والماء المقطر 60% .. (( يعني أخف من حق تويوتا بنسبة 10% ))

صور كبيره لجالون ماء راديتر الميتسوبيشي .. ويجي لونين أخضر وأحمر .. انا أخذت الأحمر

http://store2.up-00.com/Apr13/o3L04389.jpg

http://store2.up-00.com/Apr13/HTH04389.jpg

http://store2.up-00.com/Apr13/kgk04389.jpg

ماء راديتر أسي ديلكو البرتقالي أو الأحمر dex-cool كنت أستخدمه لكن مشكلته ثقيل حتى بعد التخفيف + بعد سنتين تقريبا من الإستخدام لقيت شوائب و وصخ في الراديتر وغطاء الراديتر والقربه ( مع أني ما أستخدم إلا ماء مقطر وماء راديتر أصلي .. ومكتوب عليه يتحمل 5 سنوات أو 200 ألف كيلومتر ) ... وأظطريت أغيّر ماء الراديتر أكثر من مره وأظطريت أفك القربه وأنظفها لأن الوصخ صعب تنظيفه

يعني بصراحه ما أنصحك في أسي ديلكو وتوبه أستخدمه

ترى حتى الأجانب صارت لهم مشاكل معه
https://www.google.com.sa/search?q=dex-cool%20problem&espv=210&es_sm=93&um=1&ie=UTF-8&hl=ar&tbm=isch&source=og&sa=N&tab=wi&ei=-cQcU_nLJNCDhQee5IDQBg

ابو عبيد55

10/03/2014, 01:12 PM

[QUOTE=كاشت بالبر;9973592]كتالوجات السيارات تنصح بماء الراديتر بنسبة 50% ماء مقطر و 50% ماء راديتر .

ماء راديتر تويوتا الأحمر مخفف بنسبة 50% ماء مقطر و 50% ماء راديتر .. يعني جاهز للتعبئه في الراديتر .. سعر الجالون تقريبا 40 ريال و راح تحتاج اكثر من جالون

اتوقع مافيه مشكله تزيده ماء مقطر بنسبه بسيطه أو متوسطه .. انا عن نفسي ازيده ماء مقطر اذا نقص

و حاول تاخذ شيء تاريخ انتاجه جديد .. يتغير كل 5 سنوات أو كل 200

يعطيك العافيه ع المعلومات
بس كافضل لتبريد المحرك انه احط جالون مخفف بنسبة 50% ماء مقطر و 50% ماء راديتر من النوع الي الي يجي جاهز مثل ماء متسوبيشي او تويوتا
او جالون واحد يكفي والباقي مقطر ابي من ناحية الحراره ايهم افضل احط جالون او جالونين
وسمعت عن ماء رديتر حق شركة GM يمدحونه

hussien18

11/03/2014, 09:03 AM

ياشباب غيرت الترموستات بواحد جديد .. للاسف الحرارة ما زالت موجودة ..

المشكلة حرارة المكينة طبيعيه .. في بداية التشغيل..

مجرد اتحرك مشوار 10 او 15 كيلو.. حرارة القير ترتفع بين 95 و 90

وش السبب!!!

hussien18

11/03/2014, 09:26 AM

هل ممكن نقص زيت القير يسبب هذه المشكلة؟؟

أبو الوليد 14

11/03/2014, 07:14 PM

بعطيك كذا شغلة تسويها وتتلافى ان شاء الله الحرارة
1. اغسل مجاري موية الرديتر داخل المكينة (عندهم جهاز يضغط الموية بقوة عبر مجاري موية الرديتر داخل المكينة ويشيل الاوساخ معه )
2. شيك على غطيان الرديتر
3. شيك على البلف
4.شيك على خراطيش الرديتر
5. نوعية الرديتر عندك تاكد انه مثل حق البلد نفس الحجم والشكل واهم شي يكون المنيوم ( قد يكون الرديتر يمر به زيت القير بمجاري خاصة للتبريد وهذا اللي يمكن يسبب حرارة القير عندك )
( بالنسبة للموية لوتركب موية شرب عادية او ماء رديتر التبريد نفسه ما يتغير ...الفرق ان موية الرديتر تطول معك بدون ما تصدي او تبخر ) وجهة نظر خاصة وعن تجربة .
...انا انصحك عب موية شرب عادية الين تحل المشكلة بعدها عب اللي تبي عشان ما تخسر كل شوي مقضي الموية ومعبيها مرة ثانية
شيك على زيت ومبرد القير

الله يوفقك ...

مفضخ الشري

11/03/2014, 08:18 PM

لو انك ماخذ رديتر مستعمل من التشليح افضل لك من الجديد التجاري خصوصاً انه صيني وهذي مشكله الكابرس لأنه هولدن استرالي فما يجي له قطع صناعه امريكيه اللي بالعاده تكون مقاربه لجودة الاصلي و ارخص سعر

اتوقع انك شاري من نفس الدفعه اللي انا شريت منها انا طلعت لومينا 2007 في عام 2010 كانت معروضه تحت مظله في الجميح على طريق خريص بالرياض :)

hussien18

11/03/2014, 09:18 PM

اليوم ركبت بلف (ترموستات 160 جديد ) ..
وجربت اليوم مشيت عليها 200 كيلو خط بالظهر والمكيف شغال والحرارة للمكينة في الخط 75 وحرارة القير 85 والسرعة 120 كيلومتر بالساعة..
المكيف ثلج ما شاء الله تبارك الرحمن ..

المشكلة اذا دخلت المدينة ترتفع حرارة القير الى 102 واحيانا اكثر شوي ... وحتى بالخط المكينة بارده حرارتها بين 75 الى 77 وحرارة القير بين 83 الى 85

السيارة لمبة المكينة ماهي شغالة ..

السيارة تشتغل طبيعي وتعشق وكلو تمام .. المشكلة هي الحرارة قلق اخاف اطنش وتروح المكينة ولا القير..

اليوم لاحظت شي بعد ما وصلت الدوام .. وصلت الدوام وطفيت السيارة .. بعد 5 دقايق شفت مويه كثيير تنزل من تحت السيارة.. فتحت الكبوت ولقيت ان الماء ينزل من قربة الماء .. مدري طبيعي هذا الشي؟ ولا فيه مشكلة السيارة؟

هل ممكن يبي لها تنسيم للهواء داخل الرديتر؟

ابو صالح 4

12/03/2014, 09:34 AM

السلام عليكم
انتبه يا خوي ترا تضيف الما لحاله على طول يصدي بطرمبه المااضف لها انتي رست anti rustاللي هومانع الصدا يبعونه في الصناعيه وعند محلات زينه السيارات ومكتوب عليه نسبه الما اللي تخلطه به ان شاء الله ماقدامك الاالسلامه تحياتي

اسعيد بن عيد

13/03/2014, 12:01 AM

hussien18

13/03/2014, 08:57 PM

بسم اللة والحمد للة والصلاة على رسول اللة السلام عليكم الان بعد تركيبك بلف 160 .باقي تشيك على الجربة
حقت الماء مع الغطاء لان سيارتي كابرس2001 تخرج الماء بعد الوقوف صلحت الغطاء وهوز الماء الخارج
لاتضع ماء التبريد الا بالاخير حثى تنحل المشكلة . اين ياخي احصل على بلف 160 ودي اركب لسيارتي وشكرا لك
والله مادري وين يباع هذا البلف .. انا خذيته من سيارة خويي .. اظن يباع في محلات قطع الغيار او محلات البرمجة والتعديل على السيارات ..

hussien18

13/03/2014, 08:58 PM

ألسلام عليكم

الحمدلله اليوم جربت السيارة وضبطت مثل الاول واحسن :D:D:D

على الخط
حرارة المكينة 77
حرارة القير 79

داخل المدينة
حرارة المكينة 77
حرارة القير 83

السؤال دام ضبطت السيارة ..
1/ راح انزل المويه القديمه .. واركب مويه اصليه جي ام .. عشان الصدأ ..

2/ راح اركب ترموستات لكن محتار اركب ترموستات 72 او 82 او 87 (160-180-190 فرنهايت)

لكن مادري هل هو جيد للمكينة ولا راح يضرها ؟

ترموستات 72 هو حاليا راكب على السيارة .. والمكيف ما شاء الله بارد والمكينة والقير وكل شي تمام ..

قلت اسألكم قبل لا اشتري واحد لان اللي معي حاليا خذيته من سيارة خويي ..

وش تنصحوني؟ :)