مطلوب متخصص قيور تماتيك للاند كروزر

[محمد الحريقي]

السلام عليكم
مساؤكم سعيد
الله يعطيكم العافية.
ابي متخصص في القيور التماتيك للاند كروزر
السيارة جكس آر 99
والصراحة انا خايف من الاستغلال ، ولا حبيت استعجل
اللي يعرف لا يبخل علينا وجزاكم الله خير..

[ابوراكان تبوك]

حدد منطقتك حتى يفيدوك الشباب

او اسرد المشكله يمكن مرت على احد

[محمد الحريقي]

حدد منطقتك حتى يفيدوك الشباب

او اسرد المشكله يمكن مرت على احد

المنطقة الرياض

والمشكلة طال عمرك على طاعته

يمر عليه حالتين ما يجتمعن سوى ،

الحالة الأولى:
بسم الله ، شغلت السيارة عشقت D
دعست بنزين ، مايعشق من الاول الى ثاني ، إلا إذا رفعت رجلي عن البنزين وتركت السيارة تنخفض سرعتها تدريجيا بعدين دعست، بعدها يعشق ويمشي مضبوط زي الحلاوة بس بشرط إن السيارة ما توقف.


الحالة الثانية:
بسم الله ، شغلت السيارة عشقت D
دعست بنزين ، عشق الاول والثاني والثالث والرابع زي الحلاوة ، لكن يرجع نمرة ثقيلة فجأة ويحن بعدين يريح يسويها كذا مرة .

[أصيل حجآ زي]

وعليكُم السلام

.

.

أخي / محمد

لك رسآلة بالخآص .

.

.

.

[محمد الحريقي]

وعليكُم السلام

.

.

أخي / محمد

لك رسآلة بالخآص .

.

.

.

الله يبيض وجهك ويجزاك الجنة ووالديك ، ومشكووووووور،وماقصرت،،،

[محمد الحريقي]

مع العلم ان المكانيكي اللي غير الفلتر والزيت يمدح لون الزيت ويقول ايضا ما فيه رائحة احتراق ولا تستعجل بالتوضيب يمكن تكون المشكلة بسيطة
وفحصت كمبيوتر 4 مرات قالوا الكهرب عندك سليم وشدوا على دعسة القير لكن لا زالت المشكلة واتمنى ان المشكلة ماتكون توضيب،

[ابوراكان تبوك]

يوم تجي المشكلة فيه رجه ؟؟؟؟

[محمد الحريقي]

يوم تجي المشكلة فيه رجه ؟؟؟؟

ابداً اخوي ما فيه اي رجة

[محمد الحريقي]

للرفع..........

[fahad808]

هلا والله اخوي محمد
صارت معي نفس المشكلة وكل مراكز الصيانة يقولون توضيب وغيرت فلترالقير وانحلت المشكلة

[محمد الحريقي]

هلا والله اخوي محمد
صارت معي نفس المشكلة وكل مراكز الصيانة يقولون توضيب وغيرت فلترالقير وانحلت المشكلة

مشكور
اخوي
غيرت الفلتر والزيت بدون فائدة....

[محمد الحريقي]

ابشركم انحلت المشكلة وصارت بسيطة ولله الحمد
فيش تحت البخاخات ممتد من القير طالع منه خمسة اسلاك ومنقص منها اثنين وزيناه...وضبط[SIZE="7"]/SIZE]