مراوح سوبارو على باترول

[الا سير]

يا شباب عندي استفسار عن مراوح السوبارو على الباترول 91
احسن ترتيب لهن من ناحية الكهرباء اخليهن يشتغلن بحساس مرسيدس
80 واصلح لهن فاصل ولا لا ؟
مريت كهربائي يقول وصل السرعتين مع بعض تصير المراوح اقوى
يعني لا ارتفعت الحراره يشتغلن السرعتين مع بعض
ايش رايكم ؟

[أبوعبدالرحمن99]

بالتوفيق للجميع .

[حاميش]

الكهربائي يقصد أول ما تشغل السويتش تشتغل السرعتين
وهذي ما تنفع لسببين الأول أن المراوح ما يطول عمرها
والسبب الثاني إنه يكون فيه ضغط على البطاريه والدينمو
وكذلك يقصر من عمر البطاريه .
الطريقة الثانية وهي الأفضل السرعة الأولى مع السويتش والسرعة الثانية على حساس مرسدس 75
ويفضل تركب رديتر ألمنيوم بدل النحاس حق الوكاله
وافضل و ارخص رديتر ألمنيوم صيني سعره من 300 الى 350 و أي أستفسار حاضرين

[الا سير]

لا هو قصده يركب لي حساس 80
اول ماتجي الحرارة 80 تشتغل السرعتين مع بعض
ايش رايكم

[ابو ساره العنقري]

السلام عليكم

مركبها على باترول 98 السرعه الاولي مع السويتش

الثانيه مركبها بفاصل لاشفت الحراره عاليه او طبيت طعوس شغلتها

اما شبك السرعتين مشكله

لاني بالشتاء اتوهق بالتصخين مايصخن بسرعه بسبب المروحه

فما بالك اذا كانت سرعتين

اقترح تسوي نفس طريقتي وموفق

[sgl2002]

افضل شي اشبك السرعتين اذا احتر الموتر


تقليل استهلاك و تبريد افضل وتسخين مضبوط

[بدوي جنوبي]

عندى باترول 91
مركب لهم فاصل
بدون حساسات
وقت ما احتر شغلت المراوح بالزر

[الا سير]

حركتك حلوه يا اخوي بدوي
بس الحساس اريح
شكلي راح اشبك السرعة البطيئة مع المكيف
والسرعة العالية مع الحساس

[وطن العزة]

لو إني بمحلك , بحط حساس 75 للسرعه الأولى ....


و السرعه الثانية على حساس 80 و بنفس الوقت تشتغل تلقائي مع المكيف

+
فاصل للسرعه الثانية إحتياط للطوارئ :good:


بكذا يكون شغلك وكاله تحافظ على العمر الافتراضي للمراوح و الدينمو

[الا سير]

الله يعطيك العافية
شكلي باسوي مثل ما قلت

[ابو عبيد55]

انا مجرب طريقة واحسها افضل شئ
المراوح حاط لها حساس 80 وماتشتغل الا لما تاصل الحراره ربع والسرعه الثانية مع المكيف لااشتغل شبكت وعندي زر للسرعه الثانيه اقدر اشغلها اذا احتر الموتر يعني للطوارئ

بكذا يطول عمر البطاريه والدينمو لان الدينمو خرب معاي بسبب سحب المراوح للكهرب فمابالك لو شبكتها على السوتش

[الا سير]

يا شباب رحت ادور افياش للكتاوت
ما لقيت الا صناعة هندية رديئة
واسلاكها مره ضعيفة ايش الحل

[سيف نجد_]

عندي راكبه على تاهو 98 (يعني حرترة اكثر) ولاحظت ان شفطها اقوى من مروحة الكلتش وعندي مثل النظام الي قلته مروحتين اعلى سرعة يشتغلون مع الحساس والمروحة الثانية تشتغل اعلى سرعة مع الكمبرسر اذا اشتغل والحمدلله

طبعا بلف الحراره للمكينة 180

وانصحك (الحين افكر فيها) لو تركب منظم للبطارية حتى يخفف عليها من سحب المراوح اول ما تشتغل

ماعندي فاصل داخلي لكن الحمدلله المنظومة سليمة

Sent from my GT-I9505G using Tapatalk

[سيف نجد_]

يا شباب رحت ادور افياش للكتاوت
ما لقيت الا صناعة هندية رديئة
واسلاكها مره ضعيفة ايش الحل

دورت عند محلات الكهربا الكبيره؟ كهرب بيوت ومشاريع مهب كهرب سيارات اتوقع بتلقى عندهم

Sent from my GT-I9505G using Tapatalk