مشكلة الررجة ولقيت الحل لكن !!

[دقس 2000]

السلام عليكم


الموتر ددسن 12 طلعت بها رجة بعد ما مشت 100 الف .. كل شي سويته تغيير كفرات وتغيير رمانات كفر وفحص التحتي كل شي سليم .. خفّت الرجة ولكن للحين موجودة والميكانيكي يقوول بااقي عموود القير يبي له خرط 100 بالـ 100 السبب منه !


سؤالي هوو هل يضر الخرط خصوصاً الموتر ان الموتر جديد !!

افيدونا الله يجزاكم خير

[ابوسعد وفارس]

خرط قير ؟؟
يارجال الموتر جديد
وبعدين الددسن من النوع اللي يعيش معك مو معقولة يخرب وقير بعد
بصراحه احس اللي انت رحت له ماعنده سالفه

[عاشق الددسن92]

والله ونا خوك مشكلة الرجة حصلت معي غيرت الكفر
وما نفع صلحت الرمان وخف شوي سويت ترصيص ولا نفع
قلت خلني اغير الجنوط ويوم غيرتها راحت الرجة نهائية زي ما تشوف في الصورة
ركبت دايوا وراحت الرجة

[خشير الذيب]

السلام عليكم ورحمة الله وبركاته وبعد
الرجه ان كانها تقطع اذا وصلت 100يعني من فوق الميه ماترج هاذا ترصيص وانا كانها مستمره وتحسها في بدي الموتر ماهي في الطاره قد تكون من عمود الدوران
وسبب الرجه من عمود الدوران ﻻيكون جايه طربه من رصيف طلعته وتعلق الموتر واﻻ في البر علق الموتر على بطنه ودق العمود شي وهاذا ينفك ويترصص يحطون له ترصيصه توزنه مايرج
واﻻ ان كنت من النوع اللي يطلع بالموتر وقت اﻻمطار وتوقفه بعدها فتره طويله احتمال الصليب صدى من الامطار ومع الوقفه تاكل الرمان وبدى فيه فضاوه وهذا حلها تغير صلبان العمود وسبق انها حصلت لي في باث فاندر وغير له صلبان العمود ولقيت الصليب القديم مصدي من داخل ورايح رمانه
وﻻكن ان تعرف لك صديق عنده ددسن استعر جنوطه وجرب ﻻيكون البﻻ منها وان ماضبطت
فك العمود عند البيت وخل واحد من اخوياك يسحبك بدون عمود وشف راحت الرجه واﻻ ﻻ ان راحت ود العمود للمخرطه يفصه لك على المكينه ويعلمك وش يحتاج صلبان واﻻ ترصيص وركبه بيدك تراه سهل
هاذا والله اعلم واحكم
اتمنى اني افدتك

[خشير الذيب]

نسيت الكفرات ﻻتكون محبله انقرصت في رصيف واﻻ جايها شي

[دقس 2000]

ابوو سعد .. عاشق الددسن .. خشير الذيب


بيض الله وجيهكم .. الله لايحرمكم الاجر

[مسير عليكم]

دقس 2000
عندي لك شور صغير جرب الترصيص الارضي كان موتر اخوي فيه رجه وديته ترصيص ارضي وهو يرصص قالي شف الجهه ذي رجتها قويه ياجنطيك مضروب او عكس قلبتهم نفس الشي قال العكسر مطعوج وديته محل عكوس وفكه وفحصه ووزنه مع ان مافيه ضربه ولا جاه شي بس الي بينه لي قال كانك مغير الرمان الي فاكه خربه عليك لان المواتر الجدد عكسها خفيف اي طقه ثاثر فيه