قصيدة المطر [الأرشيف] - منتديات مكشات

مشاهدة النسخة كاملة : قصيدة المطر

ابوهديل 8

13/11/2006, 12:16 AM

هذه قصيده هديه مني للزملاء في مكشات وكل من يطلع عليها ارجو ان تنال استحسان الجميع وهي من نظمي :

يالله يارزاق كـــل المخاليق /ياخالقن ذا الكون دقه وجله
تكتب لنا في كل وقتٍ توافيق /وتستر علينا كل عيبٍ وخله
ثمن توفقنا بخــوة مطــــاليق /خــويهم مــاجاه شي ٍ يعــله
يارب ترزقنا مزونن مدافيق /تسوقها والخيـــر منها تهـله
نفرح بها ياربنا من بعد ضيق/ لاشفت نوض بروقها ماتمله
والارض لاهل البرتخضروتليق/ والنفس زانت بالمطر مسفهله
ترتاح لاشفت الزهورالزماليق/ في وسط روضٍ مالهاوصف لله
تلقى بعدها للبراري عواشيق/ هوايتــه حــانت ودربــه يدله
يازين خوتهم بكل الطواريق/ ليا زهمته جاك بالطيب كله

أبو شعلان

13/11/2006, 09:10 AM

بسم الله الرحمن الرحيم

أخوي أبو هديل8 الحمد لله على السلامة ... فاقدينك والله ...

والله يعطيك العافية وصح لسانك على هالقصيدة وعلى هالإهداء الرائع ... الصراحة نشطت الخيمة بقصيدة جداً رائعة ...

يارب ترزقنا مزونن مدافيق / تسوقها والخيـــر منها تهـله

اللهم آمين ... الصراحة الأرض بحاجة والبهايم بحاجة والأوادم بحاجة وكل شي بحاجة ... الله يغيثنا ....

,,,,,,,,,,,,,,,,, تحياتي ,,,,,,,,,,,,,,,,,,,
:j

النداوي HZ2AF

13/11/2006, 09:57 AM

الله يجزاك خير ويرحم والديك

أخوك ابو عبدالله

ابوهديل 8

13/11/2006, 10:40 AM

شكرا اخوي ابو شعلان على مرورك واطرائك الجميل وعساك ماتفقد غالي ياغالي والخيمه منوره بوجودك انت واخواني اعضاء مكشات الاعزاء كما اشكر اخوي النداوي (ابوعبدالله)والله اسال ان يرزقنا الغيث ولايحرمنا من فضله انه جوادَ كريم والسلام عليكم.

راعي المقناص

13/11/2006, 11:02 AM

ابو هديل صح لسانك وسلمت يالغالي وننتظر ابداعاتك
أخوك / راعي المقناص

الروض1

13/11/2006, 02:14 PM

مشكور على هالابيات الجميله المعبره
وافر الود والشكر لك

الحر123

13/11/2006, 02:38 PM

صح لسانك ويعطيك العافية على القصيدة الرئعة منك يابو هديل8 انت الأروع دومن بي مشاركتك المتميزة والفعالة

ابوهديل 8

13/11/2006, 04:41 PM

السلام عليكم ورحمة الله وبركاته
شكراً اخواني راعي المقناص والروض1 والحر123 على مروركم العطر وانتم اهل الطيب ولولا الله ثم وجودكم لما استمر هذا المنتدى على ماهو عليه من التقدم واسال الله العلي القدير ان اكون عند حسن ظنكم واسال الله ان يجمعنا على الخير ويفرقنا على الخير والعصمه وان يرزقنا هدايته ويغيثنا انه القادر على ذلك وصلى الله وسلم على نبينا محمد وعلى اله وصحبه اجمعين والسلام عليكم .

ابرق العزاف

21/11/2006, 05:23 PM

مشكور ولك التحيه