لورن
09/03/2014, 09:40 AM
السلام عليكم ورحمة الله وبركاته
اخواني واخواتي
البارح زارني ضيفين اصدقاء لخوي الكبير اعمارهم مابين السبعين والخمس وستين ياجماعه تعجبت من قصتين قالوها لي وكلهم اقسمو بالله العظيم انه لم يبتدعو او يغيرو شيء والقصه حصلت عليهم بأنفسهم
وإستأذنتهم بأن انقلها لكم كما سمعتها منهم ولاكن بدون ذكر اسماء فوعدتهم بذالك
بسم الله الرحمن الرحيم
القصة الاولى
هذا واحد طول الله اعماركم يقول انا اكبر اخواني لا وبعد والذهين منهم يقول عند نفسي
ومن اول والله ماندري عن شي يقول ترسلن امي ابيع بيض على اجانب من دون ذكر جنسيه معينه على كلامه يقول احسب البيض ماياكله الا الاجانب
مره بعت عليهم ديك دجاج يقول اذا صار الصبح وقضينا من شغلنا اول مانبدا من البلاغه اعزكم الله بالقمايم يقول نفتش ونشوف ونبلغ كان فيه شي جديد وهذا وشو اكل البارح
مالكم بالمطوله يقول قلت لخواني نبي نشوف قمامة اللي بعنا عليه الديك امس
يقول فتشنا فتشنا والى والله فيه شي ابيض او يميل للصفار شوي وطوال ومتلوي واول مره اشوفه ويقول اخواني ابلشون وشو ذا وشو ذا
وفكر وفكر
قلتلهم ايه بس عرفت وشو
هذولي مصران الديك اللي بعناه عليهم امس
وبعدها ضحك ثم حمد الله على النعمه التي نحن فيها وقال ابو فلان تدري وش طلعن مصران الديك ( مكرونه طوال )
ثم حط شماغه على وجهه وضحك ضحك والله ياجماعه اني انسدحت من الضحك
بعدما هدينا من الضحك قال رفيقه الثاني اجل اسمعو هاذي
القصه الثانيه
يقول ديرتنا كانت على طريق الحجاج وقت الفروت والدوج البارويقن والبلاكاش القديم وكانت متى تمر السياره من وقت لوقت من قلهن والطريق مطين والزفلت ماهناش
المراد يقول مرت هاك السياره فرت ومحملتن اغراض وكان ماهنا اشين من درب ديرتنا كله مطاب ينخض راسك وانت ماطلعت من ديرتنا
وكنت انا ورفيق لي اعمارن حول العشرين او 18 هه بهالمحاري
يوم درينا يوم مرت هاك السياره وتشوفه تشيل وتصبخ مع المطاب يوم درينا يوم نقز هاك الصندوق منه وطاح بالارض السياره بتلت وتدرون وراه هاك الغبره يوم راح الغبار ونروح نركض وناخذ الصندوق ونقعد تحت هاك الاثله يقول ونبرق ونشوف
واثره صندوق خشب مقسوم اثنين مع الوسط ويقول بوسطه شي ماندري وشو
واثر فيه شي درابي ويقسم بالله العظيم انه مايدرون وشو
يقول قالي رفيقي الصندوق وعرفناه بس هالبليه الدرابي اللي بوسطه ذا وش يزين فيه
يقول اني قلته خلنا نشويه والله ونولع الضو ونكسر عودين رطبات من الاثله نشك بهالعود كل واحد منا دربيه من الدرابي ونشويه يقول يوم درينا يوم غدت سودا قال رفيقي يمكن انه استوت قال خويه الثاني خلنا نجرب يقول وجي وقرب العود ونهش منه شوي يقول يوم قعدت اعزكم الله اتفل
وقول وش هالطعم الاقشر ورفيقي مثلي ونجي نحلتهن بجنبنا بالاثله
يوقول قلت يابو فلان وش الدبره قال والله ما دري يقول يوم حك راسه قل تبي مهب يبن طبخ قلتله وش ورانا نجرب وحنا نفكر وش نبي نجيب اوشلون نبي نطبخهن
يوم مرت هاك السياره الفرت يوم شافنا والله يميل لمنا سلم علينا وقال وش عندكم يالزقرت وهو بس يبي يبلغ وش حنا نزين واظنه شاف اللي حنا شاوين على الضو ماكانن بعيدات ورانا
قال تبون اعطيكم تمر وتعطونن اللي معكم بالصندوق
قلناله ميخالف شي نعرفه ولا شي مانعرفه المراد تمت المقايضه وفرحنا وضنينا اننا هكينا عليه قام الرجال واخذ وحده من هالدرابي واباقوله بنفس اللى قاله الرجال يقول قام يقرشه يعني ( يقشره ) يوم طلع لبة من وسطه وقام ياكله قلناله ايه اثره كذا توكل وحنا رايحين نشويه ولا بعد لو انت صابرن شوي كان طابخينه الله والعالم هي والصندوق
ضحك الرجال راع الموتر وقال تعالو وقشر لكل واحد منا وحده يوم ذقناه قلناله يازين هالدرابي ويضحك الرجال قال هذولي هالدرابي اسمهن برتقال قالي والله يابو فلان اننا ماعرفناهن الا من هاك الرجال ولا يمكن انسى ذاك الطعم الى الان
فالحمدلله على نعمه التي لاتحصى
وسبحان مغير الاحوال
تحياتي للجميع
اخواني واخواتي
البارح زارني ضيفين اصدقاء لخوي الكبير اعمارهم مابين السبعين والخمس وستين ياجماعه تعجبت من قصتين قالوها لي وكلهم اقسمو بالله العظيم انه لم يبتدعو او يغيرو شيء والقصه حصلت عليهم بأنفسهم
وإستأذنتهم بأن انقلها لكم كما سمعتها منهم ولاكن بدون ذكر اسماء فوعدتهم بذالك
بسم الله الرحمن الرحيم
القصة الاولى
هذا واحد طول الله اعماركم يقول انا اكبر اخواني لا وبعد والذهين منهم يقول عند نفسي
ومن اول والله ماندري عن شي يقول ترسلن امي ابيع بيض على اجانب من دون ذكر جنسيه معينه على كلامه يقول احسب البيض ماياكله الا الاجانب
مره بعت عليهم ديك دجاج يقول اذا صار الصبح وقضينا من شغلنا اول مانبدا من البلاغه اعزكم الله بالقمايم يقول نفتش ونشوف ونبلغ كان فيه شي جديد وهذا وشو اكل البارح
مالكم بالمطوله يقول قلت لخواني نبي نشوف قمامة اللي بعنا عليه الديك امس
يقول فتشنا فتشنا والى والله فيه شي ابيض او يميل للصفار شوي وطوال ومتلوي واول مره اشوفه ويقول اخواني ابلشون وشو ذا وشو ذا
وفكر وفكر
قلتلهم ايه بس عرفت وشو
هذولي مصران الديك اللي بعناه عليهم امس
وبعدها ضحك ثم حمد الله على النعمه التي نحن فيها وقال ابو فلان تدري وش طلعن مصران الديك ( مكرونه طوال )
ثم حط شماغه على وجهه وضحك ضحك والله ياجماعه اني انسدحت من الضحك
بعدما هدينا من الضحك قال رفيقه الثاني اجل اسمعو هاذي
القصه الثانيه
يقول ديرتنا كانت على طريق الحجاج وقت الفروت والدوج البارويقن والبلاكاش القديم وكانت متى تمر السياره من وقت لوقت من قلهن والطريق مطين والزفلت ماهناش
المراد يقول مرت هاك السياره فرت ومحملتن اغراض وكان ماهنا اشين من درب ديرتنا كله مطاب ينخض راسك وانت ماطلعت من ديرتنا
وكنت انا ورفيق لي اعمارن حول العشرين او 18 هه بهالمحاري
يوم درينا يوم مرت هاك السياره وتشوفه تشيل وتصبخ مع المطاب يوم درينا يوم نقز هاك الصندوق منه وطاح بالارض السياره بتلت وتدرون وراه هاك الغبره يوم راح الغبار ونروح نركض وناخذ الصندوق ونقعد تحت هاك الاثله يقول ونبرق ونشوف
واثره صندوق خشب مقسوم اثنين مع الوسط ويقول بوسطه شي ماندري وشو
واثر فيه شي درابي ويقسم بالله العظيم انه مايدرون وشو
يقول قالي رفيقي الصندوق وعرفناه بس هالبليه الدرابي اللي بوسطه ذا وش يزين فيه
يقول اني قلته خلنا نشويه والله ونولع الضو ونكسر عودين رطبات من الاثله نشك بهالعود كل واحد منا دربيه من الدرابي ونشويه يقول يوم درينا يوم غدت سودا قال رفيقي يمكن انه استوت قال خويه الثاني خلنا نجرب يقول وجي وقرب العود ونهش منه شوي يقول يوم قعدت اعزكم الله اتفل
وقول وش هالطعم الاقشر ورفيقي مثلي ونجي نحلتهن بجنبنا بالاثله
يوقول قلت يابو فلان وش الدبره قال والله ما دري يقول يوم حك راسه قل تبي مهب يبن طبخ قلتله وش ورانا نجرب وحنا نفكر وش نبي نجيب اوشلون نبي نطبخهن
يوم مرت هاك السياره الفرت يوم شافنا والله يميل لمنا سلم علينا وقال وش عندكم يالزقرت وهو بس يبي يبلغ وش حنا نزين واظنه شاف اللي حنا شاوين على الضو ماكانن بعيدات ورانا
قال تبون اعطيكم تمر وتعطونن اللي معكم بالصندوق
قلناله ميخالف شي نعرفه ولا شي مانعرفه المراد تمت المقايضه وفرحنا وضنينا اننا هكينا عليه قام الرجال واخذ وحده من هالدرابي واباقوله بنفس اللى قاله الرجال يقول قام يقرشه يعني ( يقشره ) يوم طلع لبة من وسطه وقام ياكله قلناله ايه اثره كذا توكل وحنا رايحين نشويه ولا بعد لو انت صابرن شوي كان طابخينه الله والعالم هي والصندوق
ضحك الرجال راع الموتر وقال تعالو وقشر لكل واحد منا وحده يوم ذقناه قلناله يازين هالدرابي ويضحك الرجال قال هذولي هالدرابي اسمهن برتقال قالي والله يابو فلان اننا ماعرفناهن الا من هاك الرجال ولا يمكن انسى ذاك الطعم الى الان
فالحمدلله على نعمه التي لاتحصى
وسبحان مغير الاحوال
تحياتي للجميع