مشكلة في البترول والوقوف المفاجئ

[abo-sdeem]

السلام عليكم ورحمة الله وبركاته

حدثت لموتري مشكلة مفاجئة وإليكم المشكلة وارجوا أن أجد الإجابه الشافيه لديكم

موتري سفاري 94 بخاخ بدأت المشكلة في الصباح شغلت الموتر وتركته يحمي ومشيت

بعد أقل من 100 متر طفئ فجئة من غير سابق إنذار !!

توقعت إنه انقطع بنزين لأنه يدق ودقته قوية ولان امبيرة يكذب مرات

المهم شغلت سيارتي الثانية ورحت وعبيت جركل من المحطه وعبيته بنزين

ولازالت المشكلة نفسها يدق ولا يشتغل !!

توقعت الطرمبه فيها مشكلة لأني فصلت لي الصفايه اللي جاي من التانكي وأشغل ولا يدفع بنزين

قمت وجبت جركل وعبيته بنزين واستخدمته كأنه تانكي وجبت لي الصفايه وحطيته بالجركل

وشغلت ونفس المشكلة !!

والموتر واقف بالبيت حاولت فيه مانفع شوفو لي حل أو إني اسحبه واوديه للورشة

ملاحظة بسيطة/

ذكر لي أحد الإخوان أن المشكلة في طرمبة البنزين لأنها هي اللي تدفع البنزين للبخاخات

وطريقة السحب من الجركل غلط لأن مافيه طرمبة تدفع البنزين للبخاخات

هال الكلام صحيح وان المشكلة الطرمبه ؟؟؟!

وسلامتكم وعذرا على الإطالة ..

[الحميضاني]

السلام عليكم ورحمه الله وبركاته
اخوي طريقتك للجركل غلط لا زم يكون فيه طرمبه تسحب البانزين المشكله عندك بالطرمبه لان ما يجي بانزين للمكينه شيك على الفيوزات يمكن محترق وشكراااا

[abo-sdeem]

فيوزات ويش ؟؟

وين موقعها الفيوزات ؟؟

[m.j.g]

الطرمبة خربان حاول تضر بيدك التانكي من تحت وشغل قد نفعت معي على ددسن 93

[شاق النفد]

اجل وش دور الطرمبة وانا اخوك؟؟؟
اكيد هو دفع البنزين من التانكي الى البخاخات

[abo-sdeem]

كنت اسوي طريقة الجركل في سيارات قديمة وتمشي تمام

لكن احتمال الطرمبة كهرباء وهي من يقوم بإيصال البنزين للبخاخات

ودي اعرف وين محل فيوز الطرمبة ولكم جزيل الشكر ..

واللي عنده إضافة يفيدني الله يجزاك خير

[GMC89]

فك لي الصفايه وصب فيه بنزين ( احقنه ) وشغل جرب او جب ابره ادويه كبيره واملها بنزين وحطها في فم اللي وشغل جرب ان اشتغل فهو من الطرمبه

[abo-sdeem]

فكيت الطرمبة واتضح لي إنها ماتشتغل لأنها تطلع صوت خفيف الطرمبة أذا وصل لها كهرب !!

طلعتها برا التانكي وشبكت لها كهرباء خارجي من البطارية دايركت واشتغلت !!

واتضح أن المشكلة الطرمبة مايوصلها كهرباء !!

والسبب جاري اكتشافه هل هل فيوز ولا كتاوت ولا في نفس رأس الفيش أو ماذا ..

لدي سؤال هل كتاوت الطرمبة له رقم معين أو شكل وأين موقعه وأيضاً الفيوز ..

وشكراً ..

[abo-sdeem]

شكراً للجميع على المشاركة ..

واحب أبشركم تم حل المشكلة واتضح أنها فيوز صغير ولكن ذو شأن كبير

بعد إخراج الطرمبة وفكها مسمار مسمار اتضح أنها مضلومة ولا بها شي

شكراً جزيلاً للجميع وفي أمان الله