شلون اعرف مواصفات السيارة بدون النظر الى رقمها

[glaza]

السلام عليكم


يا اخوان لو احد سالني شنو مواصفات محرك هذي السيارة وشرط علي عدم النظر الى دفتر السيارة او رقم السيارة شلون اقدر اعرف مواصفات السيارة

انا شخصيا ما اقدر امييز الا عدد السلندرات ونظام امداد الوقود اذا كان بخاخ او كربوريتر

هل في طرق ذكية لمعرفة المواصفات

[فتك 11]

وعليكم السلام

اخوي هذي يبي لها خبره بالسيارات وقرأه كافيه ووافيه وتكون محب وهاوي سيارات

مافي احد من الباب للطاقه يقولك موصفات سياره من راسه او بحركه سحريه

تقبل مروري بكل ود

[ميكا مكشات]

ما فيه أحد يعرف مواصفات السيارات كلها راعي الجيوب مايعرف مواصفات الموستنج وراعي البي ام مايعرف مواصفات الددسن وراعي الغنم مايعرف المزيونه من النياق وعلى ها المنوال

[مسير عليكم]

اشوف انها تعجيزيه يعني كيف بتعرف الباترول 320 ولا 400 لازم تشوف الرمز الي مكتوب
ولا برادو 4 ولا 6 بدون ما تشوف هو فكس ولا جكس
ولا تعرف الاند ثمانيه ولا سته بدون ما تشوف المكتوب علي الباب
حتي لونك خبره فتعتمد ع رموز

[glaza]

يا جماعه اقصد بمجرد النظر الى المحرك من الخارج

[ابوراكان تبوك]

انت حطيت المحرك موقع مقارنه جذري
فيه سيارات تتشابه في المحركات لكن المواصفات والخدمات تختلف
مثلا جيوب ربع 2009 و 8 و7 نفس المحرك وتختلف في المواصفات منها استاندر ومنها فل بونش ومنها الخليجي يختلف في المواصفات والمحركات عدا المكينة

الجيوب الربع والشاص ليس هناك أي رمز يبين الفل والنص فل والاستاندر بعضهم يرهم الاستاندر على الفل وهاذي تعتمد على حفظك للمواصفات واشكال القطع
لكن بعض السيارات مكتوب عليها رمز ع البودي اذا كانت فل كامل اولا
فالمحرك ليس مكان مقارنه

[سقم المعادي 1]

كأنك تقول وشلون اعرف البيت كم غرفه من برا بدون ما ادخله :D
مستحيله صح ؟
نفس الشيء على المكينه
هي عبارة عن صندوق مقفل ماتقدر تعرف كم حصان او كم التورك او كم بلف فيها من مجرد نظرة ..
تقدر تعرف اشياء بسيطه مثل هل هي رأس ولا راسين كربريتر ولا بخاخ و هكذا و تعرف عدد السلندرات من عدد البواجي مثلاً مع ان فيه سيارات حديثه لكل سلندر عدد 2 بوجي عاد انت وشطارتك تمشي عليك سالفه 16 سلندر او بتفهمها على الطاير انها 8 سلندر بس بوجيين لكل سلندر :D

[شايب حرب]

مواصفات السيارة مكتوبة على الهيكل الخارجي للسيارة

اما الموديل يمكن ان تعرفة من شكل السيارة

هذه هي المواصفات المتعارف عليها للسيارات

[بدوي جنوبي]

ممكن تعرف بالنظر للمحرك

اذا هو راس او راسين
اذا هو توين كام في كل راس

اما عدد الاحصنه ما تقدر

[سقم المعادي 1]

ممكن تعرف بالنظر للمحرك

اذا هو راس او راسين
اذا هو توين كام في كل راس

اما عدد الاحصنه ما تقدر

المعذرة على السؤال ودنا نستفيد من خبرتك
كيف تعرفها هذي ؟ من البكرات ؟

[بدوي جنوبي]

المعذرة على السؤال ودنا نستفيد من خبرتك
كيف تعرفها هذي ؟ من البكرات ؟

من البكرات ومن كبُر الراس
شف الصورر

http://www.thedetroitbureau.com/wp-content/uploads/2009/11/2011-Mustang-V-6-engine.jpg


هذا محرك موستنق مواصفاته

For 2011, Mustang V-6 is powered by a 3.7 liter dual-overhead-cam (DOHC) 24-valve V-6 that uses Ford’s Twin Independent Variable Camshaft Timing

6 سلندر
شكل حرف V
نظام المحرك DOHC
24 صمام ،، يعنى كل راس فيه 12 صمام
اى ان كل أسطوانه 4 صمامات (بلوف )
عمود الكامات الذكي مستقل التوقيت

هذا حق مكسيما
http://www.automotriz.net/images/modelos/nissan-maxima/engine_2.jpg

شوف غطاء البلوف (الراس ) كيف كبير
هذا يوضح لك انه تو كام
2 عمود كامات TIWN CAM

هذا محرك كامرى توين كام بتوقيت ذكي لفتح وغلق الصمامات
http://www.autoblog.com/media/2006/01/toycamseeng.jpg


هذا النظام في اغلب المحركات الامريكيه

http://www.mekshat.com/pix/upload05/images253/mk32037_ohv-ohc-width.gif


OHV تعنى ان عمود الكامات بوسط المحرك
أختصار Overhead valve
مثل الكابرس والجمس والخ ،،،
شف الصورة
http://upload.wikimedia.org/wikipedia/commons/thumb/b/bc/Pushrod_engine.jpg/450px-Pushrod_engine.jpg

http://upload.wikimedia.org/wikipedia/commons/thumb/d/d8/Pushrod2.PNG/220px-Pushrod2.PNG


عمود كامات واحد يشغل بلوف الراسين




اما نظام OHC
اختصار
Overhead camshaft

يكون عمود الكامات فى نفس الراس

ملاحظة اذا كان في الراس عمودين كامات يسمى
DOHC تم اذافة حرف الدي ،،، وتعنى اختصار لكلمة دول DUAL
يعنى 2 عمود كامات
اما اذا كان واحد يسمى SOHC
تم اضافة حرف الاس اختصار لكلمة سنقل
http://givemobily.org/wp-content/uploads/2013/07/sohc-vs-dohc.png

http://upload.wikimedia.org/wikipedia/commons/thumb/d/d5/DOHC-Zylinderkopf-Schnitt.jpg/220px-DOHC-Zylinderkopf-Schnitt.jpg

http://upload.wikimedia.org/wikipedia/commons/thumb/f/f2/Head_D15A3.JPG/220px-Head_D15A3.JPG


:good2::good2::good2:

[glaza]

مشكورين على المعلومات