عندي مشكلة في التاهو للأهل الخبرة فزعتكم [الأرشيف]

مشاهدة النسخة كاملة : عندي مشكلة في التاهو للأهل الخبرة فزعتكم

saleh-1

12/03/2014, 10:18 AM

السلام عليكم ورحمة الله وبركاته

عندي يا أخوان تاهو 2009 ls امريكي
فيه مشكله في مراوح التبريد شغاله على طول وما تفصل
وديتها لأكثر من ورشه وفحصتها كمبيوتر ولا حلت المشكلة طلع في الكمبوتر حساس الحرارة وغيرته ولا فيه فايدة غيرت بلف الحرارة ولا فيه فايده
واكتشفت بعدين لمن افك قاعد الفيوز وارجعها ترجع تمام لمدة يوم فقط واليوم الثاني ترجع نفس الشيء
الي عنده حل يفزعلنا ولا يعرف ورشه تمام يعلمنا
وجزاكم الله خير

يزمجر

12/03/2014, 10:39 AM

يبي لك فني كهرب شاطر

وجرب رح للوكالة اكيد راح تفيدك

saleh-1

12/03/2014, 10:46 AM

المشكلة امبير الحرارة يطيح وتشتغل على المراوح على طول وتشغل المكيف يجي هواء حار اما إذا فكيت قاعدة الفيوز ورجعتها تجي تمام لمدة يوم

أشكرك يزمجر على المشاركة بس الوكالة عله ولا راح يستقبلونه لأنه امريكي

مسير عليكم

12/03/2014, 11:04 AM

اخوي مشكلتك والله العالم حساس المراوح وطبعا ماله دخل في حساس الحراره حساس الحراره يقيس الحراره
بس حساس المراوح يتحكم في تشغيل المرروح تشتغل وتطفي

وشيك ع الكمبيوتر

saleh-1

12/03/2014, 11:24 AM

شاكر مرورك ومشاركتك اخوي مسير عليكم
هل حساس المراوح يطيح امبير الحرارة ويجعل هواء المكيف حار

قمرنا

12/03/2014, 12:16 PM

اخوي افصل اصابع البطاريه الاثنين معاً
لمده دقايق وكل ماطول الوقت افضل
ثم اعد شبكهما ودق اسوتش لحد ماتولع اللمبات
وانتظر ٣ دقايق لحين يتبرمج وشغل

هذا اسعاف اولي لاي مشكله

وفق الله الجميع لكل خير

هاوي الديرة 1

12/03/2014, 01:26 PM

شيك على كتاوت المراوح
تجي في جنب الكبوت
وافحص الاديتر لايكون يهرب

abo yusef

12/03/2014, 02:37 PM

شيك على كتاوت المراوح
تجي في جنب الكبوت
وافحص الاديتر لايكون يهرباحتمال ان الحساس اللي ركبته مظروب
احتمال من اكتاوت للتبريد الامر الثالث اطلب البيانات الحيه للسياره وهي شغاله بتشوف في نفس اليانات حرارة المحرك لها رمز في جهاز الفحص ect
المراوح تبدا تشتغل على المنخفض اذاوصلت درجة الحراره 97 الى 98 وتتشتغتل الين تنخفض لااقل من 92 وبعدين تطفا طبعا في هذا الاثناء امبير الحراره ماتحرك بالرغم ان الحراره تنقص في الجهاز السبب ان التبريد في الرديتر وحساس الحراره في الماكينه مع البلف يتحكمون في درجة الحراره
انت شيك على القاعده ونظفها ببخاخ اليكترونيات زين يمكن فيها التماس معا الكتاوت لما تحمى احيان تعلق
وتجلس المراوح شغاله على طول احيانا لما يكون حساس الحراه مظروب تحصل المراوح تعلق

abo yusef

12/03/2014, 02:39 PM

تاكد من القاعده زين مهي توصل صح ماسنان الفيوز والكتاوت

1824

12/03/2014, 03:47 PM

المشكلة من حساس او القراءة كمبيوتر السيارة لمن يشوف حرارة السيارة باردة زيادة عن الحاجة يقوم يطفي المكيف ويشغل المراوح ويخليها شغالة يدخل وضعية الاحترازية ان الحرارة مرتفعة والحساس معطل عرفت بس عشان كذا لازم تتأكد عن طريق متخصص لو انك حولي في الجبيل تبشر بعزك ولاكن مثل ماقال اخوي فوق لازم واحد يقراء بيانات حية من الكمبيوتر حق السيارة ويشوف وش يقراء الكمبيوتر ويعرف الخطاء او المشكلة وين وبس

almo3jl

12/03/2014, 10:43 PM

هذا سلمك الله والله اعلم مبرد القير علامه اعطاله
اولا لما تجئ من خط او ماشي عليه مسافه المراوح تكون سرعتها عاليه وقفه ولاتطفي ساعه اذا ما نزلت سرعه المراوح شيك على مبرد القير يمكن خربان او البلف حقه مجيم

1824

13/03/2014, 01:41 AM

اما حساس الحرارة او البلف فيه مشكلة لا يخرج من هذين الحلين فقط تأكد وراجع عملياتك وسوف تجد الخطاء

saleh-1

13/03/2014, 08:50 AM

بيض الله وجيهكم جميعاً ولا قصرتوا

سؤال / هل برمجة السيارة لها علاقة بالموضوع؟

هاوي الديرة 1

13/03/2014, 10:58 AM

عندي تاهو 2012 المراوح لما توصل الحرارة الى النص والسيارة واقفة تشتغل المراوح على السراعة الاوالى
وديتها للوكالة شرحت المشكلة وخلينها شغاله لمدة ساعة وماطفت المهم قالو تعال بكرة جيت قالو هذا طبيعي !
المشكلة معي كابرس 2006 طريقة عمل المراوح تختلف تشتغل ثم اذ نزلت الحرارة طفت والسيارة واقفة

abg136

19/01/2018, 03:06 PM

السلام عليكم ورحمة الله وبركاته
يالربع انا عندي نفس المشكلة بالضبط
وصارت شغلتي فصل البطارية وتركيبها بعد مده
المهم صارلي فوق 6 شهور وانا على هالحاله
تكفون احد يفيدنا. بحل. او اللي يعرف انقلش يبحث بالانقليزي ترا الامريكان كل شي يعرفونه
وسلامتكم

abg136

22/01/2018, 01:06 PM

وين الصيد

24/01/2018, 10:54 PM

الحل يالغالي تروح فني يرمجة للكمبيوتر ويعدلك البرمجة ويدخل المعلومة الصحيحة لان قراءت الكمبيوتر غلط وبعطي اوامر غير صحيحة

abg136

07/02/2018, 11:55 PM

الحل يالغالي تروح فني يرمجة للكمبيوتر ويعدلك البرمجة ويدخل المعلومة الصحيحة لان قراءت الكمبيوتر غلط وبعطي اوامر غير صحيحة

الحل لقيناه طال عمرك وهو تغيير الدينمو طلع كل البلاوي من الدينمو
والحمد لله ( كان النور يرمش والمراوح شغاله على طول مع تشغيل السيارة وكان فيه فقعة او عطسة مع الدعس وعندما تطفي السيارة تعطس وكل هذا راح مع تغيير الدينمو والحمد لله والمنة