من يفيدنا (((( الشديد))))

[الطبيعه 1400]

السلام عليكم

يا اهل البل الحين الي يبي يشد للجنوب

ولا له احد من جماعته عنده ابل يشدون معه وش السوات

[تميمي بريدة]

الله يقويك ويعينك
شد شمال عند الربيع والخير

[معدي النايفه]

راعي الحلال يتبع هواء حلاله ماهو شرط يكون معك احد من ربعك

[تربة الشمال]

كلام اخوي معدي النايفه صحيح وناء اقول نفس كلامه

[الطبيعه 1400]

جزاكم الله خير

[خبوت الشمال]

الله يعينك انت تبي تشد للجنوب والربيع شمال

[الطبيعه 1400]

انا خابر ان الربيع بالشمال

والبل مهيب لي

لكن الرجاال اهله في الجنوب ويبي يصيف هناك

[راعي سهوه]

شل شبوكك في ظهر االوايت وخل الراعي يركب رحوله وسند للجنوب

[الطبيعه 1400]

الرجال يعرف يحمل شبوكه على ظهر الوايت

لكنه ما قد شد لانه في الحوش

وخايف من بعض الامور ونا جايكم تفيدوني افيده

[راعي سهوه]

اذا ان البل عددها قليل 20 وحول يشيلها في تريله بوايتها وشبوكها اما اذا كانت واجد فيمشي معها الوايت وموتر ثاني يقص لها الدروب وخل راعيها على رحوله وان شاء الله ماعليها خﻻف

[qx55]

قيد يدين الابل بقياد طويل منع للهجيج وجمع كبار الابل عند الركبي وسق البل

[الطبيعه 1400]

الله يجزاكم خير

على الردود الطيبه الاابل ما عليه واجده

والرجال خايف مثلن من ربضات رمل

يغرز الوايت


كم يقطع من اليوم من مسافه


لانه في حوش ما قد شد

[صلفان.نجد]

الله بيعينك,,,الظاهر ابلك مجاهيم؟ شد وبتقطع لك في اليوم 60كم

[كليب1]

ان طعتني لاتشد خله يغير مراحه ويروح صوب اهله في الجنوب

[وزير الصيد]

السلام عليكم ورحمه الله وبركاته انا من هل الجننوب تحت امرك طال عمرك وولو ودك الربع الخالي ودليلك في الطرق لو ودك ولا ابي الا الدعوه والاجر من الله سبحانه طبعا انا من هل نجران

[الطبيعه 1400]

جعل ابوك في الجنه يا وزير الصيد

قول وفعل وجزاك الله خير

ابد الرجال راعي البل كنه متردد لكن ابقوله

[وزير الصيد]

الله يحيك لو وده اسوق الوايت ماهناك خلاف

[العابر2222]

والله يخوك الشديد ماهوب سهل للمسافات البعيده

لازم معاها مواتر ورجال صبوره وصدورهم وسيعه

فيه مشاكل منها الهجيج واختلاط الابل بالطروش وقطع الخطوط والتغاريس والشبوك ... الخ

بالنسبه للمسافات على حسب عادة الابل اذا هي مستمشيه ولا فيها فطير بيجيب ال 80 كيلو بالراحه في نهار
واذا ماهي مستمشيه ولا متعوده وفيها فطير تمشي من 30 وحولها وتعشي

[ذيب المراجل]

السلام عليكم ورحمه الله وبركاته انا من هل الجننوب تحت امرك طال عمرك وولو ودك الربع الخالي ودليلك في الطرق لو ودك ولا ابي الا الدعوه والاجر من الله سبحانه طبعا انا من هل نجران


كفو والله
ونا اقرا الردود ... كنت أتمنى القى زي الرد هاذا .

راع الطبيعه
والله لو أني فاضي ... أني معكم ( منها مساعدة وخوة نشامى ... يعني أجر وعلمن غانم )
لاكن الشكوى لله .... الدوامات الي ذبحتنا ،،

[السبيعي 503]

والله ي الاجودي البل طراتها وسعتها بالشديد


وانا شاد انا وخويي لحالناا شديد اربع اياام وفيهاا تعب لكن وناسه تاخذ ذبيحتكم معكم وشوي وكبسات

من رايي تعرف دروب وتعس ويصير الوايت مع واحد يمسك الطريق وتواعدون عن مكان تعشون فيه البل

والبل معهاا الصبي وموترين ولا جيتو تعشون البل وانتم شادين اشبعوها علشان ماتسري في الليل

وعلى الفجر وانت سايقين البل وتراهاا والله ونيسه الشديد وخذ معكم نشاماا واذا كان شدتكم في اجازة الاسبوع راسلني على الخاص ابعاونكم في الشديد


والبل تقطع في اليوم من 40 كيلو الى 60 واذا كان البل راعيت ممشاء بتطربك في الشده