شورو علي بسياره

[Fahadkw]

السلام عليكم ورحمه الله وبركاته,,
انا اخوكم فهد من الكويت صارلي تقريبآ حول السنه افتر في منتداكم الي هو اكثر من رائع وجميل وصعقت بابتكارات الاعضاء ما شاء الله منتدى يمتاز بنخبه من الاعضاء الموهبين ومن لديهم خبره عريقه في السيارات ولربما افضل من المهندسين ومصنعيين السيارات أنفسهم, أتمنى لكم التوفيق .. لاكن الاحظ اغلب الابتكارات تتعلق بالاكل :D الله يحفظكم يارب

بس ايضآ لاحضت التعصب الاعمى لنوع معين من السيارات وعدم اعطاء بعض السيارات حقها... أتيت لاستشيركم في شراء سياره جديده لكن رجائآ ارجو عدم التحيز لنوع معين من السيارات.. لاخاب من استخار ولا ندم من استشار.. وانتم خير من استشير

انا رجال توني معرس وابي سياره تكد وتمد معاي سواء دوام يومي وسفر وبر
ميزانيتي 20 الف دينار اي مايعادل تقريبآ 266 الف ريال سعودي

الي في بالي:

1- جيب لكزس 2010 اشتريه حول 15 الف دينار وجدده ب 2500 - 3000 دينار لشكل 2014 سبورت الجديد؟ بس اخاف من لخرابات خصوصآ السياره راح تكون مستعمله ومن 2010... او اني ارفع الميزانيه شوي واطقلي 2012 الدرجه الثانيه ماشي 60 الف ب 21500 دينار

2- فورد ف150 رابتور اصفار واصل لي الكويت من امريكا ب 16750 دينار كويتي واستغربت عدم ذكره في منتداكم الموقر حيث انه يعتبر من افضل السيارات لل off-road

3- تويوتا اف جي وكاله الساير حولي 11500 دينار الفل اصفار والباقي احطه فجيبي

4- لاند كروزر جي اكس ار لقيت نظيف ماشي 32 الف موديل 2013 ب 15000


بيني وبينكم اللكزس والاند ماعاد يمسك سعره نفس اول فماودي اشتري وكاله اذا بشتري ودي مستعمل بس يكون نظيف بس وشرايكم؟


تقبلو خالص احترامي وتحياتي وشاركلكم

[التعـ King ـديل]

اشور عليك بهذا
4- لاند كروزر جي اكس ار لقيت نظيف ماشي 32 الف موديل 2013 ب 15000

مع ان فلوسك تجيب لك باترول بطل الدروب وكاله جديد

[بدوي جنوبي]

حياك الله يا فهد بقسم السيارات

هذا موضوع عن الرابتر
وفيه اعضاء تكلمو عنه

يا محبي الفورد هل تعلم ان محرك ال Ford F-150 SVT Raptor (http://www.mekshat.com/vb/showthread.php?t=363699) ‏

[يزيد 999]

ودي أشور عليك بالرابتر لكن توقفت عند نقطة إنك ((معرس )) وأعتقد إنه الرابتر مايصلح بحكم الإرتفاع العالي وكانك تبي النصيحة فأنا مع أخوي كنق التعديل أشوف إن الباترول الجديد أنسب لك .


موفق...

[ذيب ذهلان]

خذلك vxr 2014 موتر كد ومد

[بدوي جنوبي]

خذ جيب لكزس
خذ جيب لكزس
خذ جيب لكزس ،،، حاول تزيد الميزانيه
ولا تعدل فيه

[سقم المعادي 1]

الرابتر و الاف جي ماتناسب واحد توه متزوج اذا كنت تبي السيارة لك و للعمر تكفيك و تكفي ابنائك ان شاء الله
اما اللكزس فهو خيار ممتاز جداً ولا فيه كلام طبعاً اكيد و مع تعديله بكت 2014
او اذا غيرت رايك عن اللكزس و حبيت تشوف لك سيارة جديدة ترتاح ان شاء الله 5 سنوات قدام بدون صيانه مكلفه مجرد اشياء استهلاكيه
اللاندكروزر خيار ممتاز جداً على شرط يكون 8 سلندر
او برادو 6 سلندر فل كامل فيه بعض مواصفات السلامه يتفوق فيها على اللاندكروزر بجدارة ! و يتميز بالحجم متوسط ينفع لعائلة صغيره ( لعبتكم البرادو ياهل الكويت :) )
او نيسان باترول بطل الدروب ممتاز و فخم
او اذا بغيت تدخل في عالم الامريكي تقدر تاخذ لك يوكن دينالي مثلاً خيار ممتاز و فخم و شكل جديد


الافضليه للجديد دائماً ولا مانع من المستعمل استعمال بسيط عشان تريح راسك من الصيانه فترة اطول

[ابو محمد 2222]

تجيبلك باترول 400 حصان فل الفل

[ا ل ح]

يازين الموتر الجديد

[أبوهادي]

خذ لك شفروليه تاهو جديد ( شكله بيتغير بعد كم شهر)
عليه عرض الان الدبل بسعر العادي ( تصريف من الوكالات )
سعره في الوكالة 135 الف ريال سعودي
وفي المعارض في الرياض 132 تقريبا

ادري انه ماهو في خياراتك بس لاني مجرب اللاندكروزر 2013 فل
وبعته وشريت تاهو 2014 ووفرت اكثر من 60 الف ريال
والتاهو بالنسبة لي مريح جدا ولله الحمد مقارنه بالاند

(هذا وجهة نظري انا فقط )

ولا تنسى صلاة الاستخارة
ولا تنسى صلاة الاستخارة
ولا تنسى صلاة الاستخارة

ونسأل الله ان يختارك ولاخوننا المسلمين كل خير

[sgl2002]

انا لو مكانك اخذت جيب لكزس او باترول جديد اصفار نفس اللكزس واوسع

[Fahadkw]

الله يحييكم وشاكرلكم اخواني على مشاركاتكم الطيبه

[Hail2Hail]

يا هلا فهد عن تجربة انصحك خذ جديد سكويا وريح با لك
او لكزس جديد

[المميـز]

:

باترول ٢٠١٤ فل كامل

:

[حبل الوريد]

عليك بالجكسلر ٨ سلندر

[المنيعي1]

شوري
جي اكس ار
او باترول
جديد

[برق السر]

السلام عليكمانا اشوف السيارة وسيلت نقل
وانا اخوك انت توك معرس ونصيحة
خذ سيارة مستعملة بس بشرط النظافة
وسعرها معقول والباقي يالذيب من الفلوس
استثمرة احسن لك ولا خلة في الرصيد
مبلغ ٢٠٠ الف وفوق تحطه في سيارة
فكر في الاستثمار احسن من الحديد
والشور الاول والاخير لك
والسيارة المستعملة مراح تخسر فيها شي حتى لو السيارة
ماجازت لك تقدر تبعها بدون خسارة وتشري غيرها
والله يوفقك ويرزقك ويسهل امورك

[ثورة الشك]

نصيحه لك واحرص عليها خذسيارة مستخدمه نظيفه افضل سوناتا او افالون او قراندماركيز امااذا كنت تبحث عن سيارا عائليه متوسطه
فلاتتعدى
1=برادو
2=تاهو اويوكن وانا اشوف انه كبير عليك شوي (بدون دبل اخف)
3=اف جي

[برق السر]

الله يوفقك ياثورة الشك
هذي النصيحة

المستخدم النظيف افضل من الوكالة
اول شي فرق السعر
ثاني شي كلها تخدمك وتادي الغرض
والسيارة علي الاستخدام اذا كرفتها ولا اهتميت فيها الله يعينك علي الورش نفس الجديد
واذا حافضت عليها عز الله انك ما تعرف الورش

[GMC79]

هههههههههههههههه

مع انك ما ذكرتك الباترول من ضمن خياراتك لكني كنت جازم ان الشباب بيحشرونه في الموضوع غصب

وفعلا ما قصروا حشروه وذكروه اكثر من خياراتك نفسها ... هذا وانت قايل بدون تعصب ومأكد على النقطه ذي

بالنسبة للخيارات اشوف جيب لكزس نظيف هو الارجح والله اعلم

[abahal]

باترول le افضلهم وخصوصا وكيل الكويت افضل وكيل نيسان يعني تطمن من خدمات بعد البيع