صوت السبايك

[m3mri]

السلام عليكم ورحمة الله وبركاته
صبحكم الله بالخير جميعا
عندي سيارة التترا موديل 2004 مكينة 1.6 يطلعي صوت اذا دعست لفيت كذا ورشة قالو سبايك وفيها بداية تبويش
رحت افحصها كمبيوتر قالو نفس الكلام وقالو بعد عندك فضاوة في عمود البستم ويبيلها توضيب
وشيكت عالزيت البارح ناقص نص علبة مع العلم انه يدوب ماشي 900 كيلو من يوم ماغيرته . الحرارة عندي طبيعية الحمدلله . ابي مشورتكم الله يسعدكم

[m3mri]

وينكم يارجال:confused:

[m3mri]

طيب ابيع الموتر .. توه ماله شهرين وعافته النفس

[m3mri]

128 مشاهدة ولا فيه اي رد

[مهند 2009]

وعليكم السلام ورحمة الله وبركاتة

مر التشليح شف بكم سعر المكينة , أعتقد رخيصة , أهم شي لا تكون مفكوكة وخذ ضمان علية

[سقم المعادي 1]

صوت السبايك ماهو مشكله كبيره فيه سيارات فيها صوت سبايك تعيش سنين على نفس الصوت
استخدم الموتر فترة وان شفته بدأ يعوكس سقط له مكينه من التشليح و لو تركب مكينه 2.0 افضل عزم و اهدأ صوت

[m3mri]

والله ياخوك حسب مشيك في الموتر .. لا شديت عليه مشكلة
ممكن السبيكة تدقر ويضرب العمود وتودع المكينة .. وبخصوص المكينة الكبيره صحيح افضل
لكن المشكلة بعد فترة ان قدر الله وبعت الموتر الناس تشك ان الموتر مرهم وبرضو واخذين فكره انه مكينة ال 2.0 تكون للتكاسي في الغالب
يعطيكم العافيه يارب والله ييسرلي اموري واموركم يارب

[ريحه الخزامى]

السبيكه ماله حل وسط ياما تزين ولا تدور على الكرنك وتخبط

مير اذا مكينته رخيصه بالتشليح سقط له ازين

[متقاعد مبكر]

يتحصل لك مكينه جاهزه في التشليح بدل وريح راسك من التوضيب وللعلم بتركبها في نفس اليوم وتدوووووس بعكس التوضيب قطع غيار ولطعه في الورشه وتمرين يعني وجع راس لا وفوق ذلك خسائر غير طبيعيه ولا تغيرها حتى تجيم

[m3mri]

يتحصل لك مكينه جاهزه في التشليح بدل وريح راسك من توضيب وللعلم بتركبها في نفس اليوم وتدوووووس بعكس التوضيب قطع غيار ولطعه في الورشه وتمرين يعني وجع راس لا وفوق ذلك خسائر غير طبيعيه ولا تغيرها حتى تجيم


ايه هذا الكلام الصح كم شهر كذا اجمعلي حق المكينة الثانيه الين ما تضرب الاولى[/]
قالولي ان مكينة الاكسنت 2009 و2010 تركب عليها بس ما اقتنعت ..
وش تشورون علي يارجال

[Jeep 2005]

مكينه الاكسنت حجمها 1.4
الالنترا 1.6 ويجي منها 2.0


شوري عليك اذا كانت المكينه الي على موترك اول توضيبه وضبها

انا ضد اني اشتري قير او مكينه او دفرنس من التشليح
لأن التشليح ماتضمن القطعه الي بتاخذها
واكبر دليل لامنك بغيت تشري مكينه او قير او دفرنس
قالك هات الرجيع !!!

بياخذ الرجيع ويوضبه من جديد ويمكن بقطع تجاريه وارخص الموجود بالسوق

وفوق كل هذا
يوضب لك القطعه بمكان مكشوف ولا هو مؤهل للتوضيب

يعني اتكلم بالتحديد عن توضيب المكاين .. لازم كل قطعه تركب فبطن المكينه تكون نظيفه من الاتربه والغبار


حتى لا اطيل الكلام
اذا بغيت تشري اي قطعه من التشاليح .. خذ لك قطعه راكبه بالموتر
حتى انك تتأكد انها ماهي رجيع تبع زبون وتوضبت


عموما .. الله يكتب لك مافيه خير

وهونداي قطع غيارها رخيص ولا تاكل بالتوضيب

وفوق كل هذا اكون شريت راحتي لأني ضامن كل قطعه ركبت فالمكينه انها اصليه



هذي نصيحتي وقناعتي

ولك حريه الأختيار


موفق

[abo yusef]

انصحك تشوف لك ماكينه من التشليح وعلى الضمان
بالنسبة لماكينه اﻻلفين ﻻزم تغير قير مع الكمبيوتر بتكلفك نزل وحده من التشليح من سياره مصدومه وافحص ضغطها ب100 ريال وريح راسك

[راعي المجهم]

شوف هذا الموضوع يساعدك ان شاء الله


http://www.mekshat.com/vb/showthread.php?t=576082

[m3mri]

[CENTER]الله يعطيكم العافيه يارب ..
حبيبي راعي المجهم قريت موضوعك جميل للأمانة وممكن ييوفر علي كثير ..
اذا انحلت عندي مشكلة نقص الزيت راح يبقى عندي صوت السبايك بيكون مجرد فك الكارتير من تحت وتزبط ان شاء الله[
المعالج اللي ذكرته بحصله عندي ؟ انا من اهل الرياض والا لازم اطلبه
شاكر لك.../CENTER]

[راعي المجهم]

ي الموضوع فوق كل شئ وهذا رقم المحل في جدة يرسله لك

على زاجل

0555626371

[m3mri]

اابشركم وظبت المكينة وزانت الحمد لله ..لكن طلع عندي صوت التكايات قال لي الميكانيكي الصوت بيروح مع المشي
هل صحيح هالكلام لانه ما اقنعني