المساعد الشخصي الرقمي

مشاهدة النسخة كاملة : تشغيل الاي كوم


binmegin
13/03/2014, 12:07 PM
السلام عليكم ورحمة الله وبركاته
سؤالي الله يحفظكم هو
جهازي الاي كوم مايشتغل على موتري جمس سييرا 2013 عن طريق الولاعه
ابي فزعتكم ...وش السبب الجهاز شغال والولاعه تمام
قرش الاعماق
13/03/2014, 03:05 PM
لالا لاتشبكة على الولاعه
ك
لازم توصل له سلك مباشرة للبطريه
كهربة الولاعه ضعيفه
binmegin
13/03/2014, 05:49 PM
الله يجزاك خير ويرحم والديك على الرد
طيب كنت اشبكه على جيبي اللاند كروزر دائما....
yasser505
13/03/2014, 10:28 PM
انا شبكته عالولاعة ماحلفتوني ان صوت السيارة يضعف يوم اكبس الريشة ..!!!!


انتبه من الولاعة تراني فصلته على طول

خله دايركت بفيوزين افضل
أبوصالح-745
16/03/2014, 01:52 PM
انا معي سييرا 2011 وشابكه علي الولاعه ولا صار شي ويشتغل بس اشغله مده قصيره واطفيه
binmegin
16/03/2014, 05:58 PM
ييااامال العافيه الله يجزاكم خير ....الى الان مازلت مستغرب ليش مايشتغل على ولاعة السياره
ابو فارس66
16/03/2014, 07:17 PM
معي 2300 شابكة علي الولاعة من افضل مايكون

تم الإرسال من جهازي SM-N9005 بواسطة تاباتوك 2
bo AbdullAziz
17/03/2014, 12:01 AM
اللي بايع سيارته يظل شابك الجهاز بالولاعة خصوصا السيارات الامريكية
جرب تراسل دقيقة وفك الوصلة من الولاعة وامسكها بتلقاها حارة

نصيحة لكم تمدون اسلاك من البطارية وتحطون فيوزات ما تتعدا 15 امبير في السلك الاحمر عند الجهاز وفيوز ثاني عند البطارية
almodmani
17/03/2014, 10:13 AM
السلام عليكم
شبك الكنود على الولاعة خطا كبير والسبب
1- اسلاك السيارة اكثرها اثنين ملمتر وهذا مايتحمل ولو احترق اعدم الضفيرة
2- ظهور صوت عند ضغط الريشة بسبب ضعف الكهرباء والسالب خاصة
3- ضعف الارسال والاستقبال السبب الولاعة تاخذ السالب من بدي السيارة وطول اسلاك السيارة وكثرة الفيوزات والحساسات

وافضل طريقة هي وضع سلك خارجي خاص للجهاز يكون سمكه لا يقل عن 2.5 ملم مزود في فيوز واحد يالموجب فقط لان كثرة الفيوزات تضعف الكهرباء وان لا يكون السلك اطول من المطلوب لان طول السلك يؤثر على الكهرباء وارجو الانتباه من الاسلاك المنتشرة في المحلات التجارية لانها غير جيدة والافضل عمل سلك ووضع فيش في النهاية خاص بالجهاز وهذا الموضوع ايضا للثلاجة
والسلام ختام
bo AbdullAziz
17/03/2014, 10:35 AM
يعطيك العافية اخوي almodmani على المعلومات

القصد من الفيوزات الاثنين عند البطارية و عند الجهاز هو حماية السيارة والجهاز في نفس الوقت نفسه، في حال لو انجرح السلك (الاحمر) او تآكل مع الوقت وتلامس مع السيارة تحترق الفيوزات بدون ما تتأثر السيارة او الجهاز

لان للاسف الكثير يعتمد على فيوز واحد ويركبون فيوز (٤٠ امبير) اكبر من اللي يحتاجه (١٥ امبير)
وهذا يأخر عملية احتراق الفيوز وتسخين الاسلاك و البطارية... الخ
almodmani
17/03/2014, 10:46 AM
كلامك صحيح ابو عبد العزيز لكن لو وضع فيوز واحد عند البطارية يكفي بالغرض
والعلم على جودة السلك وتركيبه ولو لمس اي موجب في بدي السيارة راح ينقطع عندك
اكثر من فيوز في السيارة لحماية الكمبيوتر والحساسات واجهزة كثيرة
ابو صالح 871
20/03/2014, 09:55 AM
يعطيك العافية اخوي almodmani على المعلومات