فزعتكم يالربع .. شرينا ربع باترول 2014

[* Storm *]

السلام عليكم ورحمة الله وبركاته


كيف حالكم يالربع ..

انا ابشركم ولله الحمد شريت ربع باترول 2014 .. طبعا هو نفس قصة القديم ..(حراميه نيسان) مو بالشكل الجديد

الوكاد ان الجيب عادي قزاز كهرب ستاندرد يعني سياحي ... للبر والمقانيص

والغريب فيه انه مايتفتف ؟؟:eek:

مكينته 4800 فتك

ومايتفتف ؟

هل هناك مكينه كربتريتر بهالموديل؟ الله لايهينكم افيدوني حسيت انهم ضحكوا علينا :(

[المميـز]

:

مبروك الموتر .. الله يعطيك خيره ويكفيك شره
بخصوص التفتفه بمكاين ٤٨٠٠ فتك
ألغيت من موديل ٢٠٠٨ وطالع

:

[hamido]

صحيح الغيت عشان مشكلة المسامير الظاهر كما سمعت

[الإستراتيجي]

المكاين كل فتره يتم التطوير والتحسين عليها


فمثلا البخاخ يعطي تفتفه في بعض السيارات يكون ملغي بنظام آخر يعني لما يوصل لحد الأحمر يوقف بدون تفتفه .


مشاكل الثلاجة من ناحية المسامير هذا أمر ثاني و حل لمشكلات أخرى ما لها دخل بالتفتفه .


بعض المواتر نظام حمايه بعد التعليق على التفتفه يفصل تماتيك ولا عاد يرتفع الضغط إلا بعد ما تفك الدعسه وتدعس من جديد .


المفروض أنظمة الأمان يزيدونها أكثر و أكثر :good2:

[ابو فهد...]

نظام حمايه يمديك تخليه يتفتف تبرمجه ويتفتفتف

[وااضح]

هذا نظام حماية مثل السييرا لايمكن يتفتف الا اذ تم تعديل البرمجة

[التعـ King ـديل]

اولا مبروك السياره والله يطعمك من خيره ويكفيك شره

الموتر فعلا مايتفتف وهالشي من موديل 2007 والدفعه الثانيه من 2006 الى 2014 ماعاد يتفتف

اذا تبي يتفتف وشغل وكاله غير كمبيوتره الى كمبيوتر 2004 حق 4800

ولا تحاول تبرمج لان كمبيوتر الفتك لا يقبل برمجه غير برمجه الوكاله الا بقطعه اليوني تشب

[* Storm *]

بارك الله فيكم ياشباب ماقصرتوا

يعني هو بخاخات مو بكربريتر ؟؟

انا مالي في السيارات

[اسبيدر مان]

انتم متأكدين ان الفتك مايتفتف
عند احد اقاربي 2009 فتك صالون وارد الحمراني مكيفين ثلاجه قير عادي داخليه اسود
اذكر سافرنا عليه وكنت انا السواق مسكت معي تفتفه فضيت القير ودعست وبدا يتفتف لكن تفتفته بطيئه مثل الددسن تقريبا

[مهند 2009]

وعليكم السلام ورحمة الله وبركاتة


الله يطعمك من خيرة ويكفيك شرة


أولا : المطلوب منك شل مسامير الثلاجة .

ثانيا : موضوع التفتفة سولة برمجة ويتفتف ( كمبيوتر الفتك قدرو يفتحونة وكان مغلق بالسابق ).

ونظام البرمجة تقدر ترسمة على على مزاجك

مثلا:

1- تبية يتفتف فقط.

2- تبية يتفتف + ولا يفصل على سرعة معينة.

3- تبية يتفتف + ولا يفصل على سرعة معينة + يزود الاحصنة ( هواء وشرارة ألخ )

الاختيار شي راجع لك أذا تحب تحافظ أو تحب تنبسط


رأيي الشخصي أذا حسيت ان الموتر ثقيل ركب برمجة كاملة + هيدرز كامل بحريني

وطبعا أكيد تضر لكن أذا كان أستخدامك واقعي ان شاء الله ماهنا ضرر واضح

والله اعلم

[قرم العيال]

اولا مبروك السياره والله يطعمك من خيره ويكفيك شره

الموتر فعلا مايتفتف وهالشي من موديل 2007 والدفعه الثانيه من 2006 الى 2014 ماعاد يتفتف

اذا تبي يتفتف وشغل وكاله غير كمبيوتره الى كمبيوتر 2004 حق 4800

ولا تحاول تبرمج لان كمبيوتر الفتك لا يقبل برمجه غير برمجه الوكاله الا بقطعه اليوني تشب




لا ابشرك الرياعي بالقصيم يبرمجون كمبيوتر البلد هالحين ..وارقام كويسه جابن

[Abo_Faisal_506]

هذا نظامه من ٢٠٠٦ تقريباً سوله برمجه ويتفتف

[المميـز]

بارك الله فيكم ياشباب ماقصرتوا

يعني هو بخاخات مو بكربريتر ؟؟

انا مالي في السيارات


افتح كبوت موترك وتبي تشوف هذا المنظر ان شاء الله :good2:

http://up11.s-oman.net/dV8Ct.jpg


:

[المنيعي1]

التفتفة افادوك الشباب

ولكن عطنا انطباعك عن الموتر وش وضعه وعزمه نشيط وﻻ عايدي وكم يمشي مع الخط

واهم شي كم قيمته.

[وااضح]

بارك الله فيكم ياشباب ماقصرتوا

يعني هو بخاخات مو بكربريتر ؟؟

انا مالي في السيارات

موترك بخاخ اصلااً معاد يجي كربريتر

[sgl2002]

ويييييين الكلبريتر خلاص انتهى ماعاد يجي بجميع السيارات


بعدين الله يهديك تو الموتر جديد وتتفتف به

[((ابوملاك))]

طيب بالله وشلون العزم والممشى مقارنه بالربع التويوتا

[Abo_Faisal_506]

الكلبيتر بالباترول انقطع من ٢٠٠٤ ماعاد يجي كلبيتر



اما العزم فهو افضل من التايوتا

[* Storm *]

والله انا جربته بالنفود افضل من الربع تويوتا بمراحل ومايغرس مع الدفع الرباعي

جدا ممتاز وعزم

[أبوفيصل8488]

:

مبروك الموتر .. الله يعطيك خيره ويكفيك شره

[أبو نـآيف]

مبروك ماشاءالله هات رايك بالموتر الان بعد استخدامك له شهر

[برق نجد 22]

معقول مايتفتف !!!
ما أعرف لها صراحه لكن مع واحد من الربع ربع فتك 2013 سياحي يتفتف ولا فيه أحلى من تفتفه

[مكشاوي]

ممكن اعرف ويش تقصدون بالتف تفة
ﻻني ناوي على نيسان ستاندر أربعة ابواب موديل 2014
ولالي سابق معرفة بنيسان فكل سياراتي تويوتا

[Abo_Faisal_506]

ممكن اعرف ويش تقصدون بالتف تفة
ﻻني ناوي على نيسان ستاندر أربعة ابواب موديل 2014
ولالي سابق معرفة بنيسان فكل سياراتي تويوتا

تفتفه
تقطيع يعني تدعس له لين مايفصل الضغط

[قايد ألريم]

مبروك الموتر .. الله يعطيك خيره ويكفيك شره

[ابو نايف 10]

هههههههههههههه ع طوول حراميه

انا معي سفاري باب واحد 2012 مايتفتف هذا كمبيوتره يفصل 5.5 واتوقع خطوة غبيه من الشركة المفروض يفصل ع 6

ف كانك تبيه يتفتف ركب كمبيوتر فتك 2002 او 2003 او برمج ع كمبيوتر البلد او ركب من هالكمبيوترات

والموتر معي مايحتاج ماشاء الله تبارك الله خذ بطل رساوه نشاط مواصفات شكل الخ.

[المسنلم]

شي عجييييب!!!
موضوع ولجه وآخرتها الموتر مايتفتف !!!!!
ابي اعرف بس وش الفايده من التفتفه!!!
وحنا ماصدقنا افتكينا من الكمبليتر وتكتيماته وتفتفته!!!

[ابوتركي1010]

شي عجييييب!!!
موضوع ولجه وآخرتها الموتر مايتفتف !!!!!
ابي اعرف بس وش الفايده من التفتفه!!!
وحنا ماصدقنا افتكينا من الكمبليتر وتكتيماته وتفتفته!!!

اخوي قصد الشباب ان الموتر اذا وصل سرعة 180 او 190 يبدا يقطع ما تقدر توصل 200 فيه ناس يوصلونه 200 بتغيير برمجة الكمبيوتر ولا عاد يتفتف معك

[turkiq]

لا ويقولك ليش تطيح مسامير الثروتل !!
عجيب والله ذا الشعب

[..mgood..]

ماشاء الله يطعمك خيره يكفيك شره

[* Storm *]

أشكركم جميعا احبتي
وبالنسبه للي يقول عن مشكلة المسامير
انا الموتر شاريه لأجل البر والنفود وأمن هواه التطعيس
وعندي قدرة أتحمل مشاكله الحمدلله
--
للي سال عن الموتر

يالله لك الحمد عز وهذه من تجربتي بالنفود وبأوقات الأمطار والقوة

وماشغلت الدبل الا يمكن مرتين الخفيف

الموتر بشكل عام جبار

واشكركم