حرارة الفتك

[Alvedrale]

السلام عليكم ورحمة الله وبركاته


عندي نيسان فتك 2008 قير عادي الحرارة حقته قامت توصل الفل الا شي بسيط وتسمع غلي الماء في الرديتر المشكلة الفنيين عندنا ما عندك احد

غيرت له ( كلش مروحه - كوع - صيخة الرديتر - غيرت غطى الرديتر )

ولا زالة المشكلة موجوده يا خوفي يكون من رأس المكينه بس

الموتر ينقص ما كل يوم ازوده ولا فيه تهريب واذا فتحت الرديتر فيه فقاعات تطلع منه يعني يكسب هواء

وهذا مقطع من الهواء اللي يطلع منه

EPm2q9Rw6zQ



منتظر الحلوول

[محمد 2002]

اخوي واضح الموية وسخة اكرمك الله ومصدية
النصيحة ابدأ بالأسهل فالسهل
غير خراطيش مع موية رديتر أصلي وجرب ان ما تعدل الوضع
الله يعينك وحدة من ثنتين يا إما وجه الراس ( القازقيت ) يحتاج تغيير أو الراس نفسه يحتاج خرط

[سقم المعادي 1]

والله ماينلام الماء يارجل وصخ جداً متأكد انك مصيخ الرديتر ؟؟
ان شاء الله خير و مشكله بسيطه
بس صيخ الرديتر عند واحد يشتغل بذمه و غير البلف بواحد اصلي جديد
واستعمل ماء تويوتا الاحمر مخفف وجاهز
و طرمبه الماء اللحين تلقاها رايحه فيها من هالماء كانه طين لو سعرها رخيص مايمنع تغيرها و تعتبر صيانه دوريه لأنها قطعه استهلاكيه و الطرمبه من مسببات الفقاعات والهواء
ان ماضبط معك شيء مافيه الا وجه الراس او الراس نفسه بما انك تقول الحراره ارتفعت عليك

[Alvedrale]

المشكلة الرديتر توني مصيخه ما صار له اسبوع والبلف مغيره وكالة اما طرمبة الماء مغيرها قبل اقل من سنه

فيه كذا واحد من الشباب قالي القازقيت حق الراس

[sgl2002]

مايعدم الباترول الا الماء الوصخ


شيك على الليات الصغيره تلقاها متسدده

[فتك08]

ترى احيانا يكسب الهوا عن طريق احد الخراطيش يكون ماهو مشدود صح و يبدا التهريب
بعد ماتطفي السيارة يبين اكثر لان دوران الماء توقف و يزيد الضغط من الداخل
تاكد من الخرطوش مكان مايركب على كوع البلف انه مشدود و لا يهرب

ليش غيرت الكوع؟
البلف مستهلك و طبيعي يتغير لكن الكوع

[صباح القايله]

انتبه أخوي من الرديتر لانه مع الحراره ينسفط ولا ينفع التسييخ
وانتبه من طرنبة الماء
والحرارة على كل الأحوال زي ماقلت او تختلف

[Alvedrale]

ترى احيانا يكسب الهوا عن طريق احد الخراطيش يكون ماهو مشدود صح و يبدا التهريب
بعد ماتطفي السيارة يبين اكثر لان دوران الماء توقف و يزيد الضغط من الداخل
تاكد من الخرطوش مكان مايركب على كوع البلف انه مشدود و لا يهرب

ليش غيرت الكوع؟
البلف مستهلك و طبيعي يتغير لكن الكوع

انا اقصد البلف اللي داخل الكوع

رجعت للمكانيكي وقلتله يشيل البلف مره وحده وجربت الموتر الحراره افضل من قبل بكثير على الشخط الاول لكن الاجواء الحين بارده مدري المشكلة من الطرنبه ضعيفه يمكن ولا تقدر تضخ ماء يفتح البلف ولا ايش ؟؟؟