عاجل .. إذا تحب الضبان ادخل لاهنت

[هيوماكس]

السلام عليكم ورحمة الله وبركاته

اخواني الأعضاء انتم تعرفون البير وغطاه مايحتاج أقعد أنصح وأقول اتركوا الضب وخلوه في حاله يكفي اللي يصير فيه من مجازر وهو مايدري من وين يحصلها من الإنسان وإلا من الورل :confused:

قبل أمس رحت للمجمعة أدور السمان والجرجس والطيور المهاجرة اللي سمعت ان توها جايه شفت بلاوي والله لو تشوفون اللي شفته عذرتوني :(

لاحول ولاقوة إلا بالله جحور كثيرة غرقانه بالماء ومحفورة وترابها اعزكم الله ناعم يعني مالها الا كم يوم ولما قربت من واحد من الجحور شميت ريحه كريهة
شغلت الكشاف اليدوي في داخل الجحر ولقيت طرف عكرة ضب داخل
طلعت الضب واشوفه صويب في نحره وميت والدود الابيض يمشي فيه

جتني حالة نفسية سيئة هذا وهو توه مابعد شبع يصير فيه كذا أجل وشلون لو جت الكنّه وش بيصير؟

ولعلمكم يا أخوان أنا والله كنت من المدمنين عليها وكنت أصيدها في شهر 8 و10 و11 هجري

أنا هنا أكلم العاقلين أهل العقول الرزينه أما اللي عقولهم (.........) لا أشره عليهم والله يهديهم

نحن نحتاج فقط وعي ونشر ثقافة عن الحيوان المهدد بالإنقراض عشان نضمن تكاثره ووجوده في صحرائنا الجميلة

يا أخوان أنا أقترح عليكم أن أي شخص يشوف ضب قريب من السكن العمراني أو القرى ياخذه ويعتقه بعيد في الصحراء او البر

آسف كثرت كلامي وخير الكلام ماقل ودل وآسف على الإطالة :(

[محمد ابن عيد]

..
جـزاك الله خيـر ع الكلام السليم
المشكله لاصوبه وشافه صوابه
و جحـر خلاه احفر له و الضب متليش يعني ماهو مبعد لكن ان ماطاح يم
جحره ولا بسلامته
مايدرون انه محــاسب ع الشي هذا اللي يعتقد انه شي لايذكـر
لكن الله يهديهم
الضب الحين ماله طعم اصبـروا لين ماتجي الكنــة
و خوذوا اللي يكفيكم
و الله يعطيك العافيه ع التنبيه اللي يضيق الصدر
اتمنى ان يوخذ الكلام بجديه

[أحمد العسولي]

لاحوال ولاقوة الا بالله
في هاذا الزمان تكثر صيد الضبان وبلا رحمه وتكثر وسائل الصيد
جزاك الله خير اخي الكريم على الموضوع
كما نرجو من حماية الحياة الفطرية الاهتمام باضبان
وشكرا

[سقم المعادي 1]

لا حياة لمن تنادي يارجال ..
و حماية الحياة الفطريه مادرو عن الضب لكن فيه مواطنين ماقصرو اجتهدو بمحميات بسيطه للضبان و الله يجزاهم خير و منهم واحد في المنتدى قريت موضوع له و واحد انتشر له فيديو الظاهر انه من اهل الافلاج او الدلم و غير اللي ماندري عنهم من اهل الخير واهل العقول الواعيه
فرق بين ناس تهتم بالبيئه و بمخلوقات الله و يعرف وش يصيد و متى يصيد و كم يصيد و بين شخص يصيد ويقتل و يعذب اي شيء يمشي على الارض عشان يرز خشته مع الصيده المقتوله و يقولون له اخوياه اووه انت كويس ..

[srab09]

لا حول ولا قوة إلا بالله
على كذا بينقرض كلش

[ذيب الداهية]

لا حول ولا قوة بالله ..
عسى الله يهديهم . .
توها الكنة .!

[bandarfj]

وشرايك اني شايف مضبه شمال الرياض في حي الرائد جنب حي السفرات اكثر من اربعه

ضببه وجحورها بس لاحد يروح يصيدها مبسوطه في الأراضي المشبكة!!!

[هزبر بن قسوره]

أنا أتوقع بعد كم سنه سوف يلحق الضب بأسلافه الدناصير بلائحة المنقرض بلا عودة
ولكن لعل الله يحدث بعد ذلك أمر

[هيوماكس]

..
جـزاك الله خيـر ع الكلام السليم
المشكله لاصوبه وشافه صوابه
و جحـر خلاه احفر له و الضب متليش يعني ماهو مبعد لكن ان ماطاح يم
جحره ولا بسلامته
مايدرون انه محــاسب ع الشي هذا اللي يعتقد انه شي لايذكـر
لكن الله يهديهم
الضب الحين ماله طعم اصبـروا لين ماتجي الكنــة
و خوذوا اللي يكفيكم
و الله يعطيك العافيه ع التنبيه اللي يضيق الصدر
اتمنى ان يوخذ الكلام بجديه



الله يجزاك خير على المشاركة الطيبة ولايضيّق صدرك :good2:
وإن شاء الله الرجاجيل فيهم الخير ويسمعون الكلام الطيب

[هيوماكس]

لاحوال ولاقوة الا بالله
في هاذا الزمان تكثر صيد الضبان وبلا رحمه وتكثر وسائل الصيد
جزاك الله خير اخي الكريم على الموضوع
كما نرجو من حماية الحياة الفطرية الاهتمام باضبان
وشكرا






الله يجزاك خير ماقصرت
وإن شاء الله نشوف اهتمام المسؤولين في حماية الحياة الفطرية للضب
وعلى فكرة وزارة الداخلية تمنع صيده شهر 5 و 6 و 7 و 8 بس فيه ناس تخالف النظام الله يهديهم

[هيوماكس]

لا حياة لمن تنادي يارجال ..
و حماية الحياة الفطريه مادرو عن الضب لكن فيه مواطنين ماقصرو اجتهدو بمحميات بسيطه للضبان و الله يجزاهم خير و منهم واحد في المنتدى قريت موضوع له و واحد انتشر له فيديو الظاهر انه من اهل الافلاج او الدلم و غير اللي ماندري عنهم من اهل الخير واهل العقول الواعيه
فرق بين ناس تهتم بالبيئه و بمخلوقات الله و يعرف وش يصيد و متى يصيد و كم يصيد و بين شخص يصيد ويقتل و يعذب اي شيء يمشي على الارض عشان يرز خشته مع الصيده المقتوله و يقولون له اخوياه اووه انت كويس ..

كلامك صحيح اخوي واتفق معك في كل ماكتبته
حنا نبي بدال الواحد آلاف من المواطنين يهتمون ولو على الاقل يبلغون رسالتهم لربعهم واخوانهم وكل معارفهم عشان ينتشر الوعي بسهولة

[هيوماكس]

لا حول ولا قوة إلا بالله
على كذا بينقرض كلش
الله يعين في الماضي كانت القصيم هدف للقنوص وبعد ماصارت شبه منقرضه فيها جاء الدور على حائل :(

[هيوماكس]

لا حول ولا قوة بالله ..
عسى الله يهديهم . .
توها الكنة .!

الله يسمع منك

الكنة في منتصف شهر 7 او آخره والله العالم

[هيوماكس]

وشرايك اني شايف مضبه شمال الرياض في حي الرائد جنب حي السفرات اكثر من اربعه

ضببه وجحورها بس لاحد يروح يصيدها مبسوطه في الأراضي المشبكة!!!

زين :D سووا خير
بس لو ماذكرت المكان كان احسن :mad:

[هيوماكس]

أنا أتوقع بعد كم سنه سوف يلحق الضب بأسلافه الدناصير بلائحة المنقرض بلا عودة
ولكن لعل الله يحدث بعد ذلك أمر

لا إن شاء الله
الكل فيهم خير وأنا أعرف ناس تركوا صيد الضب وهم موجودين بالمنتدى المسألة كلها يبي لها فهم ومسؤولية ووعي :good2:

[سحب ممطرة]

الله يهديهم

سمعت أن تكاثر الحيونات و الطيور البرية مرتبط بالربيع حيث أنها لاتتزاوج في السنين الجافة القاحلة رحمة بأطفالها الصغار

[Mohammed5d]

بالنسبه لي اكثر من اربع سنوات متوقف عن صيد الضبان بشكل كلي وبالنسبه للي يبي يصيد يرميه مع راسه اما ترميه مع بطنه بيجحر ويموت داخل جحره

[F16...com]

الحمدالله كل ما شفت ضب في حصاه اي كلام طلعته ووديتة ديرة صعبة الوصول لها والحمدالله مواضب لي ثلاث سنين كل سنة حول25 او30 ضب انقلة للعشب والخضر في ديرة عسره جداً على القنوص وشكراً على طرحك ياتعبك راح

[مطر وسم]

يا اخوان ياللي تصيدون الضبان والله حنا بنعمه الخير واجد محنا بمجاعه


واللي فيه شوق للصيد يصيد طيور ويترك الضبان خلوها تتكاثر


وللاسف اكثر اللي يصيدون الضب مو للاكل يصيدونها هياط عند ربععهم وتراها مو مفخره ولا عز وللأسف الجهه المسؤله اقصد حماية الحياه الفطريه نايمه في سابع نومه ولاهي داريه عن شي ولا يهمها ضب ينقرض او نمر يذبح اللي يهمهم رواتبهم كل شهر
بالنسبه لي انا اروح لسوق الحمام واشتري لي 10 ضبان واروح لمكان بعيد عن اعين الناس ومشبك واطلق سراحها تتكاثر لعلي اصلح ما افسده غيري



لنجعل من انفسنا حماة للحياه الفطريه



تحياتي للجميع

[يا عمليات]

وعليكم السلام ورحمة الله وبركاته

موضوعك يخاطب العقول الرزينه ماشاء الله عليك والله لايضرك , لا أعلم هل انت من اتباع البيئة ؟ ومن مناصريها ؟ اذا كنت من اتباع البيئة الذين يحافظون عليها ماتفسير كلامك هذا


قبل أمس رحت للمجمعة أدور السمان والجرجس والطيور المهاجرة اللي سمعت ان توها جايه

يقول الشاعر :

لاتنهى عن فعل وتأتي بمثله .. عار عليك ان فعلت عظيم

لو أنك من أنصار البيئة وترفض من الأساس هذا الفكر لقبلنا منك ما تقول , لكن تخبرنا بأنك تصيد الضبان بل وحددت أشهر صيدك فيها ثم تنهى المجتمع ككل عن هذا الفعل , هذا عااااااار يا أخا العرب والأدهى والأمر بأنك رأيت هذا المنظر المقزز وأنت ذاهب للصيد حشفا وسوء كيلة ههههههههههه

[هيوماكس]

الله يهديهم

سمعت أن تكاثر الحيونات و الطيور البرية مرتبط بالربيع حيث أنها لاتتزاوج في السنين الجافة القاحلة رحمة بأطفالها الصغار

اللهم آمين

يمكن معلومتك صحيحة والله اعلم

[هيوماكس]

بالنسبه لي اكثر من اربع سنوات متوقف عن صيد الضبان بشكل كلي وبالنسبه للي يبي يصيد يرميه مع راسه اما ترميه مع بطنه بيجحر ويموت داخل جحره

حياك اخوي والأفضل تركها وعدم صيدها نهائيا

[هيوماكس]

الحمدالله كل ما شفت ضب في حصاه اي كلام طلعته ووديتة ديرة صعبة الوصول لها والحمدالله مواضب لي ثلاث سنين كل سنة حول25 او30 ضب انقلة للعشب والخضر في ديرة عسره جداً على القنوص وشكراً على طرحك ياتعبك راح

الله يجزاك خير ياخوي وهذا المطلوب من كل شخص واعي ان يسوي الخير في هالحيوان المسكين المغلوب على امره

[هيوماكس]

يا اخوان ياللي تصيدون الضبان والله حنا بنعمه الخير واجد محنا بمجاعه


واللي فيه شوق للصيد يصيد طيور ويترك الضبان خلوها تتكاثر


وللاسف اكثر اللي يصيدون الضب مو للاكل يصيدونها هياط عند ربععهم وتراها مو مفخره ولا عز وللأسف الجهه المسؤله اقصد حماية الحياه الفطريه نايمه في سابع نومه ولاهي داريه عن شي ولا يهمها ضب ينقرض او نمر يذبح اللي يهمهم رواتبهم كل شهر
بالنسبه لي انا اروح لسوق الحمام واشتري لي 10 ضبان واروح لمكان بعيد عن اعين الناس ومشبك واطلق سراحها تتكاثر لعلي اصلح ما افسده غيري



لنجعل من انفسنا حماة للحياه الفطريه



تحياتي للجميع


عاشق ام سيلان كفيت ووفيت ورايتك بيضاء
فعلا المفروض يكون الصيد محصور على الطيور المهاجرة دون التعرض للضب او اي حيوان مهدد بالانقراض

[هيوماكس]

وعليكم السلام ورحمة الله وبركاته

موضوعك يخاطب العقول الرزينه ماشاء الله عليك والله لايضرك , لا أعلم هل انت من اتباع البيئة ؟ ومن مناصريها ؟ اذا كنت من اتباع البيئة الذين يحافظون عليها ماتفسير كلامك هذا



يقول الشاعر :

لاتنهى عن فعل وتأتي بمثله .. عار عليك ان فعلت عظيم

لو أنك من أنصار البيئة وترفض من الأساس هذا الفكر لقبلنا منك ما تقول , لكن تخبرنا بأنك تصيد الضبان بل وحددت أشهر صيدك فيها ثم تنهى المجتمع ككل عن هذا الفعل , هذا عااااااار يا أخا العرب والأدهى والأمر بأنك رأيت هذا المنظر المقزز وأنت ذاهب للصيد حشفا وسوء كيلة ههههههههههه

لو قريت كلامي وردودي السابقة لرأيت أن كلامي محصور على الحيوان المهدد بالانقراض اللي هو الضب ياعمليات :D

واللي قرأ كلامي زين عرف اني كنت من اللي يصيدون الضب في الماضي وتركوه في الوقت الحاضر والمستقبل ;)

فهمت الحين ياعمليات؟؟ :good2:

لامانع عندي من صيد الطيور المهاجرة فقط

لاجيت ترد مرة ثانية إقرأ الموضوع مرة ومرتين علشان تفهم وتعرف كيف ترد علي أو على غيري :good2:

لونت الخط علشان تركز عموما نورت وحياك بأي وقت :D

[صياد حباري]

جزاك الله خيرا في الدنيا والآخرة
أنت سويت الي عليك
نصحت ﻻ حرمك الله أجر النصيحة

[يا عمليات]

لو قريت كلامي وردودي السابقة لرأيت أن كلامي محصور على الحيوان المهدد بالانقراض اللي هو الضب ياعمليات :D

واللي قرأ كلامي زين عرف اني كنت من اللي يصيدون الضب في الماضي وتركوه في الوقت الحاضر والمستقبل ;)

فهمت الحين ياعمليات؟؟ :good2:

لامانع عندي من صيد الطيور المهاجرة فقط

لاجيت ترد مرة ثانية إقرأ الموضوع مرة ومرتين علشان تفهم وتعرف كيف ترد علي أو على غيري :good2:

لونت الخط علشان تركز عموما نورت وحياك بأي وقت :D

صدقني قريت موضوعك وفهمته على الطاير ما يحتاج تدقيق وقرآءة متكررة والله لو أنه
رسالة الماستر في الـ infosec , طيب أفهم من كلامك أن أي حيوان معرض للأنقراض نتوقف فوريا عن صيده , مثلا القميري نصيدها واذا حسينا انها بتنقرض نوقف ونبدأ نكتب مواضيع عنها ونسرد فيها حسراتنا وعبراتنا مثل ما سويت مع الضبان وغيرها من الحيوانات ؟؟! بالنسبة لي كل شي أقيسه كـ مفرق طرق يا أني أكون صديق للبيئة وأحارب لأجلها أو أكون العكس صائد جائر أو معتدل المهم ما أسوي زيك تفتعل مجازر للضبان وجاينا تنصحنا الحين

[هيوماكس]

جزاك الله خيرا في الدنيا والآخرة
أنت سويت الي عليك
نصحت ﻻ حرمك الله أجر النصيحة

وياك يالغالي والمسلمين أجمعين
بس اللي عقله "لك عليه ومضيع الطاسه" نقول الله يهديه ;)
تشرفت بمرورك الجميل

[DRWISH]

جزاك الله خير

[هيوماكس]

جزاك الله خير

وياك يالغالي :)