ما خاب من استشار ديانا 350 صتم 4.5

[خالد المناشي]

السلام عليكم ورحمة الله وبراكاته

باختصار شديد باخذلي ساكتون ديانا ماقنوم 350 صتم 4.5 من صاب بالمدينه وش رايكم فيها واتمنى من اللي جربها يعطيني علومها وعيوبها وكيف تصبر ويعطيكم العافيه

[aljubail]

صراحه انا ماجربتها بس هي معروفه انها قويه ولا انصحك تاخذ 4.5 وبنظري 5.5 مناسبه جدا لقوتها

[shebeeeeh]

اخوي انا عندي وحدة مقاس ٥.٥
البندق جبارة بمعنى الكلمة كقوة ولكن يعيبها ثقلها وصعوبة كسرها تحتاج عضلات قوية كذلك صعوبة كسرها وانت في السيارة لثقل الكسر وطول البندق صراحة متعبة جدا عيب اخر تحتاج يد ثابتة وقوية بمعنى الكلمة حيث انها ترتد وقت الرمي فلو يدك مو ثابته راح تضيع الهدف في اغلب الرميات ولكن يميزها قوتها وهو مايشفع لها ولكنها للمحترفين فقط وليست للهواة اعرف كثير من اصحابنا شروها ثم باعوها لعدم القدرة على التصويب الصحيح بها عني مازلت استخدمها مع اني متأذي قليلا من ثقلها

[الزاجل الازرق]

انحش نصيحة من اخو لا تنفع تتفك مساميرها وكل يوم يبيلك وزنيه

نصيحه من مجرب والله اني ندمت على شريتها

[bbaass]

اخوي يكفي انها الماني

خذ ولا تشاور

انا عندي 5.5 قويه تاركها للسمان والجرجس

واذا كان صيدك سمان وجرجس خذ 4.5 افضل من 5.5 واسرع وخذ خشب

[ألهوااوي]

كانگ تبيها للسمان خذ ٢٨ ولا تشاور

حبتها ممتازه ولا تبلشگ كل يوم تشد بمساميرها وقصيره وخفيفه بيدگ وضربها قوي

اعيد واكرر إذا باغيها للسمان

انا عندي ديانا ٣٥ ممتازه ولا عليها خلاف تضرب البعيد والقريب و خذها للقمري وللسمان ولكل شي
لاكن عيبها مساميرها لازم تشدهن كل يوم



اما الديانا ٣٥٠ ما كذ جربتها ولا اعرفها لاكن سمعت انها قويه ومداها بعيد

[ABO AZZAM 123]

ياخوي اسمع العلم الاكيد جعلك تسلم انت ومن يقرا

أنا بنفسي شريت ماقنوم دايانا 350 مقاس رصاصها 4,5 ألمانية
البندق ماعليها حلوة جدا ويكفيك انها المانية لكن عيوبها مثل ما ذكر الأخ shebeeeeeh
والله وانا اخوك اني كرهتها وتمنيت اني شريت الأسبانية أو شريت مقاس 28
مثل ماقال الأخ بالضبط بالتعشيق يبي لها قوة ومزعجة جدا خصوصا اذا كان الصيد متوفر عندك وتقعد كل شوي ترمي صراحة يدك بتتعبك كثير وغير كذا قوة ردفها بالنسبة للساكتون الهوا تعتبر قوية جدا ومع كثر الرمي تتفكك صواميلها ويتغير صوابها ( النيشن يتحرك )
أنا اللي عندي جديدة وبأعرضها للبيع وبدور لي ع الأسبانية

الله ييسر لك مافيه الخير ...

[حربي طيبة]

أنا معي وحدة أخذتها تقريبا قبل سنة من صاب في المدينة ( فايبر) وأنا أدور لها زبون ﻷن صيدي كله طيور صغيرة والساكتون قووووية مرررة عليها إذا تبغاها رد لي .

[خالد المناشي]

مشكورين يا مال الغنايم عزالله ماقصرتوا طيب اجل ابغى وحدة قويه بس اخف من٣٥٠ ومو لازم نفس القوة عادي لو اقل منها بس ابغاها من صاب لان تعرفون مافيها غير صاب بالمدينة:)-

[FJ3230]

الديانا 350 عز الله انها بندق تطربك خصوصا الـ 5.5

لكن إذا تبي البديل المناسب عليك بنوريكا 90

[خالد المناشي]

مشكور وما قصرت بيض الله وجهيكم

[محمد ابن عيد]

..
حيـاك الله ي الغالي
المـــاقنوم ماله كلام طيبه
توكل ع الله و افضل لك ان تاخـذ خمسه و نص
و فــالك الشحم

[SIF]

حبيبي باختصار

صيدك طيور ديانا 36
صيدك ضبان ومانحوها ديانا 350

والله أعلم

[خالد المناشي]

تسلم ما قصرت وفالكم الشحم والعلوم الزينة

[أبوسعد النادر]

طيبه ماعليها كلام

[bbaass]

اذا ماتبي ديانا عليك بنوريكا 90 اليوم كنت عند صاب وشفتها

عند اخوي وحده لها سنتين وجالدها جلد وماشاء الله ماشكت من شي

وميزتها ان الامان قدام الزناد يعني تفك الامان بسهوله

[ذياب القفيدي]

خذها قاعدة بلبنادق الهوائية الكسر كلما زادت قوة قلة الدقة وهي طلقة وحدة ان فقدت الدقة كرهت البندق

والدربيل ما يصلح عليها مهما كانت قواعدة قوية من قوة الرجفة يتغير تصفيرك لة والقوية ثقيلة

وكسرتها متعبة تمملك يا رجل حلات السكتون خفيفة ودقيقة هني المتعة

تبي قوة اتجة للخراريز ووالله ان الدنيا 350 لها اكثر من سنتين بدولاب راميها

وراح تبطي وابي فرقي نقلتها وانصحك نصيحة المسلم لخوة المسلم لااااااا تاخذها ابدآ

[خالد المناشي]

والله انكم كفو ماقصرتوا جزاكم الله الف خير وفالكم العلوم الزينه

[عاشق الغربي]

عليك بالقامو الإسبانية 85 لايمكن يجي افضل منها خفه ودقه تعيش معك

[khaled-k]

المرغوبات باأغلب المنتديات ديانا ماقنوم 350 و فايروخ 80

ياخالد ماحصلت عند صاب بالمدينة فايروخ 80 ..5,5

وكم ياخذ التصريح من وقت ياليت تفيدنا ..

ومن ناحية الخرابات كل مشكله ولها حل ! ..

أحترامي لك.

[حربي طيبة]

اللي يسألني عن الساكتون على الخاص ما أقدر أرد عليه ﻷن مشاركاتي أقل من 50 .

[مطيري 305.]

لممن يققول الضضبان تققدر تصصيدها بالهوائيه !!!
ي رجال احننا ب السستنجر ويجحر بعدد وهي براسسه تبيها ب الهواء ذي

[خالد المناشي]

الله يعطيكم العافيه ع تفاعلكم وفالكم الشحم يا اخ خالد الفايروخ مايجيبها صاب اللي يجيبها الرميح الظاهر بس وانواع صاب هي:-نوريكا الاسبانية وديانا الالمانية وفيه نوع ثالث والله ناسي اسمة واكيد عاد الصينيات واشكركم جميعا ع التفاعل الشيق دمتم بود

[فهد الخالدي]

ابعد عنها الله لا يردها من بندق

[ذيب الدير]

انا عندي بس 5.5 ممتازه بس ربط المسامير اول باول وغيركذا ماعليها كلام

[عطيه الدوسي]

وعليكم السلام ورحمة الله وبركاته

ماغنوم 350 مقاس4.5
لها معي 4 سنوات تقريبا افضل ساكتون استخدمتها
علماً بأني استخدمت الفايروخ والاسباني
اصيد بها حجل وبران ارانب طيور صغار وكبارقريب بعيد ما تفرق اهم شيئ خذ رصاص ثفيل واستمتع بالقوة والدقة
انصحك برصاص جامو روكيت أو رصاص ذو رأس كروي أو بيضاوي

بعض الاخوان يقول ما تصلح فاشله ما ادري كيف خذ كلام مجرب
اهم شيئ الواحد يستخدم الرصاص المناسب
لأن فيه رصاص مخصص للمسابقات من 15 متر ذو الرأس المشطوف
وهوغير مخصص للصيد ولايصلح للمسافات المتوسطة حتى
وفيه رصاص مخصص للصيد مثل اللي ذكرت أول

خذها ولا تشاور

[خالد المناشي]

مشكور يا عطيه يامال الغنايم وفالك العلوم الطيبة انت وبقية الشباب

[نديم الغرباء]

ماتنفع للضبان انا ب البرنو ويجحر تبيها للهوا اجل ي رجل الهوائي اذا تبيه للسمان والدخل والجرجس

[خالد المناشي]

المعذرة نسيت اتكلم عنها بخصوص التصريح تاخذ ثلاثة ايام فقط للفائدة تاكد للمرة المليون ان تصريحك يكون نوعه حمل وليس اقتناء'

[khaled-k]

يعطيك العافية أخوي خالد ماتقصر

[خالد المناشي]

الله يعافيك..

[يا عمليات]

أخذ لك خرازه ناريه أخف وزن وقريبه من السعر طبعا ما اقصد برنو لكن فيه التولا الروسية والماجتيك البرازيليه

روعه

[مفضخ الشري]

اما اللي يقول ضب و وبران بهوائيه ؟؟؟؟؟
بالخرازه و يجحرن
الهوائيه حدها الطيور اللي احجامها مابين حجم الدخل و حجم القميري و حتى القميري ياكود تويقع على راسه ولا نحره انتبه الله يجزاك خير لا تأثم بسبب حيوان رميته و جحر بصوابه

[عطيه الدوسي]

اما اللي يقول ضب و وبران بهوائيه ؟؟؟؟؟
بالخرازه و يجحرن
الهوائيه حدها الطيور اللي احجامها مابين حجم الدخل و حجم القميري و حتى القميري ياكود تويقع على راسه ولا نحره انتبه الله يجزاك خير لا تأثم بسبب حيوان رميته و جحر بصوابه


(من كان يؤمن بالله واليم الآخر فليقل خيراً أو ليصمت)
تلميحك ما جاز لي الله يسامحك
شوف الرابط
http://www.mekshat.com/vb/showthread.php?p=9941107

[خالد المناشي]

ابشركم يالربع طقيت لي ديانا 35 حبه صغيرة خشب بس وش فرقها عن ال 36 والسعر 50 ريال بينهن !!؟

[مفضخ الشري]

(من كان يؤمن بالله واليم الآخر فليقل خيراً أو ليصمت)
تلميحك ما جاز لي الله يسامحك
شوف الرابط
http://www.mekshat.com/vb/showthread.php?p=9941107


تشوف اني احذر الناس اللي بياخذون هوائيه عشان ضب و وبر ماجاز لك يعني ولا كيف اشوفك تقول قل خير او اصمت يعني لازم اقول نعم الهوائيه تنفع للضب و الوبران واعزز لك عشان يجوز لك الكلام ؟ اذا كنت ماتسمع الرأي و الرأي الاخر فهذي مشكلتك الله يجزاك خير و لاحظ اني ماكذبت احد من اللي يقول صدت ضب او وبر بهوائيه لكن قلت في ردي ( انتبه الله يجزاك خير لا تأثم بسبب حيوان رميته و جحر بصوابه ) ولا هين بنبيطه تقدر تطرح حاشي بس هل تضمن هالشيء ؟ اكيد لا ! ,, فيه فرق بين سلاح تضمن ان الفشقه لاجت في صيدك بتموت على طول او تخر في مكانها و بين سلاح ماتدري و تتوقع و تجرب و تأثم بسبب حيوان صوبته بهوائيه و حمل صوابه ولا جحر و كم يوم و يموت و يتعفن
بالمختصر لكل نوع من الصيد سلاح يناسبه و انا اشوف ان الهوائيه حدها طيور اما غير كذا خراص و توقعات على حساب روح تُسبّح لخالقها

و المعذره منك في النهايه راس مالهن بواريد و كلن عقله في راسه و يعرف خلاصه ..

[عطيه الدوسي]

حصل خير
نحن أخوه
واذا حصل سوء ظن ارجو ان تسامحني
لكن تكلمت من واقع تجربة وخبرة
أهم شيء أن تكون الإصابة في مقتل
أما القناص الذي يرمي كيف مااتفق
فيأخذ له شوزن

[عطيه الدوسي]

حصل خير
نحن أخوه
واذا حصل سوء ظن ارجو ان تسامحني
لكن تكلمت من واقع تجربة وخبرة
أهم شيء أن تكون الإصابة في مقتل
أما القناص الذي يرمي كيف مااتفق
فيأخذ له شوزن

[exit102]

ابشركم يالربع طقيت لي ديانا 35 حبه صغيرة خشب بس وش فرقها عن ال 36 والسعر 50 ريال بينهن !!؟
يعني كل هالنصايح في الموضوع وتروح من راسك تشتري 35 ؟ والحين تسأل عن 36 بعد ما شريت؟ ماني فاهم ويش الفايده من فتح الموضوع والسؤال؟

[خالد المناشي]

يا اخ مخرج قصدي يا exit الفايدة من فتح الموضوع ليس لي انا خصيصا بل حتى يستفيد الجميع وصرراحه شفت ال٣٥٠ وهي جيدة لكن يعيبها وزنها وانا قارنتها بينها وبين ال٣٥ دمت بود.. '

[khaled-k]

يا أخ خالد أعذرني كثرة عليك الأسئلة الساكتون أخذتها من يومها ولا بعد
كذا يوم ياليت تفيدني لني ناوي مثلك على
ديانا 350

أحترامي لك

[خالد المناشي]

هلابك اخوي خالد بالعكس هذي لا فيها ازعاج ولا شيء الواحد من حقه يسال وبالنسبة لاختيار ال٣٥٠ انا اشوف من وجهة نظري اذا انك قديم في استخدام الساكتون فانا اقول توكل ع الله وخذها بس تاكد انك تستخدم الصتم المناسب والاخوان اللي لهم خبرة في الرصاص يدلونك عليه وعندك ال ٣٥ زي اللي اخذتها وهي خفيفه وجيدة وقوية نسبيا 'دمتم بحفظ الرحمن

[khaled-k]

بيض الله وجهك ياخالد ماتقصر بس الساكتون طلعتها من يومها ولا بعد كذا يوم

وان شاء الله ثابت على الديانا 350

طلعت الساكتون من يومها ولا قعدة كذا يوم


تحياتي لك

[خالد المناشي]

تاخذ ثلاثة ايام بالكثير بس نصيحتي استعجل عليها لان كذا نوع مخلص من صاب لان السكاتين عليه طلب الفترة ذي وسعرها ب١٩٠٠ ومبروك مقدما والله يطعمك خيرها ويجنب عنك شرها والله يكتب اللي فيه الخير .

[khaled-k]

اللهم امين وياك يارب وانا ما سألت لأني مستعجل وان شاء الله ماخذها عن قريب

يعطيك العافية ياخلود على الأفادة وجزاك الله خير

أحترامي لك.

[خالد المناشي]

حياك الله بالتوفيق للجميع