استفسار كيف اشبك عنكبوت كوفيا على عبوة الغاز الاستعمال الواحد !!

[abdullah-vtc]

مساكم الله بالخير ..

انا ان شاء الله مسافر المانيا بعد شهر .. وباخذ معي موقد عنكبوت كوفيا لغرض المكاشيت هناك
والطبخ .. للعلم اني مادري هل القى دبات الغاز ابو سنه اللي تركب على العنكبوت موجوده عندهم ؟؟

والشي الثاني وشلون اشبك عنكبوت كوفيا على عبوات الاستعمال الواحد اللي يجن كبس علما ان العنكبوت مايركب الا على العبوات اللي بسنه ؟؟


ياليت احد يفيدنا وجزاكم الله خير

[تساهيل1]

فيه تحويله
مت تحت تشبك فيها العلبه الاعاديه
ومن فوق تركب السنه حق لي الموقد
تلقاها بالسنيدي وفي برق الحيا وفي اغلب محلات الرحلات
اشرح للعانل طلبك اذا ماتعرف اسمهآ وهو يجيبهإ لك
خذ لك ثنتين دامك مسافر بعيد للاحتياط
وترجع بالسلامه

[abdullah-vtc]

يابعد راااااسي بيض الله وجهك وماقصررررت ..


هل تركب اكييد يعني اعتمد الوصله واخذ عقرب كوفيا واتوكل على الله ؟؟

[تساهيل1]

شف هذي الوصله
جهه العلب الكبس وجهه تربط فيها لي الموقد


mikshati.com//media/1034_1.jpg
في اغلب محلات الرحلات تحصلهآ

[كوكيان]

ياخي ما تحتاج الوصله ابدا لان علب السنه متوفره اكثر من الكبس ولكن ما تحصلها إلا في محلات الرياضه لانهم يبيعونها مع معدات تسلق الجبال و التخييم

[abdullah-vtc]

شف هذي الوصله
جهه العلب الكبس وجهه تربط فيها لي الموقد


mikshati.com//media/1034_1.jpg
في اغلب محلات الرحلات تحصلهآ





بيض الله وجهك وماقصرت .. والله يجعله بميزان حسناتك

[abdullah-vtc]

ياخي ما تحتاج الوصله ابدا لان علب السنه متوفره اكثر من الكبس ولكن ما تحصلها إلا في محلات الرياضه لانهم يبيعونها مع معدات تسلق الجبال و التخييم






اخوي كوكيان كلامك صحييح .. وفعلا حصلتها في محل رياضه مشهور في ميونخ
وحصلت عنده انواع من الدوافير والمواقد ..وهذا رابط موقعهم :
http://www.sport-schuster.de/index.php?stoken=B0C7185&force_sid=&lang=0&cl=azqwiserv8&searchparam=gas



بيض الله وجهك وماقصرت وريحتني عسى الله يكتب لك الاجر ..