ددسن 2014 سوبر جي ال نزلت عند العيسى بعد انقطاع 3 سنوات

[عاشق الددسن92]

وكالة العيسى نزلت
ددسن 2014 سوبر جي ال
سعرها 77الاف

http://img1.haraj.com.sa/userfiles30/2014-03-17/5326db65e7986.jpg

http://img1.haraj.com.sa/userfiles30/2014-03-17/5326db69809e8.jpg

http://img1.haraj.com.sa/userfiles30/2014-03-17/5326dba4851aa.jpg

http://img1.haraj.com.sa/userfiles30/2014-03-17/5326dbab7685c.jpg

[تساهيل1]

يمال الشين ي الددسن
والله لو تنزل سوبر طياره مهب جي ال
في النهايه ددسن ههههه
شين مركب وشين عزم وخسارة دراهم وليتهآ عاد تجمل

عمومإ يعطيك العافيه للموضوع
شكرا

[sgl2002]

بالعكس الددسن مركب على كيفك


تكد وتصبر وبالبر تدش حالها وان غرزت ادنى ماطلعها

[مفضخ الشري]

الى متى والددسن نفس الشاصي و نفس البدي من خبرنا الددسن وهو ضيق مركبه ورى ماينطاق و ياعزتي للي بيركب ورى زود على المطامر ركبته في عصعص السواق من الضيق
و المكينه حللو والدينها
مدري متى ناوين يغيرونها ماعاد تجمل
حقه 50 الف وتخب اما بحط 77 الف في ددسن

[ابن روزه]

يا شين السرج على البقر هذا ما ينطبق على نيسان الشركات تطورت والددسن من فوق 20 سنة نفس الشكل حتى سياراتهم الثانية ماعدا البترول ينطبق عليها المثل

[سحب ممطرة]

الشكل هذا أكل وشرب عليه الدهر

[sgl2002]

والله ماتنلام الشركات الثانية فيكم

ان غيروا الشكل زعلتوا وسبيتوا ورفعتوا شكل القديم



وان ماغيروا زعلتوا

[مطر وربيع]

الددسن ميزته حمار مكده ومكينة حديد عكس الهايلكس مكينة المنيوم لو خبطت ماتتوضب
الي يشتري الددسن مايفكر في المواصفات

[تساهيل1]

يارجال حرام ماتجملك لا في خط ولا في بر
الا كنك تسحبهآ على ظهرك ثقل نفس ومطامر
ليش مايطورون المكينه وقوتهآ

واذا حملت ماعاد تمشي واذا اسرعت فرطة الكارونه
اسال كدادين الجح وكدادين التيوس
يعلمونك

ددسن...! الله يكرمكم بس

على فكره انا معي 2007 بس دبل
ومع ذالك مبهذلتني غيرت مكينه وغيرت قير مرتين
وهي يابانيه

ارفعو علومك بس يارجال خلو الدقاسن يكرم القارئ

شكرا



بالعكس الددسن مركب على كيفك


تكد وتصبر وبالبر تدش حالها وان غرزت ادنى ماطلعها



هههههه ياخي اتق الله هي متى طلعت في البر
عشان تقول اذا غرزت

قصدك اذا ماغرزت اسجد سجود شكر لانك سلمت
هههههههه

[( شميريخ )]

الددسن بالبر احلى من الهايلوكس بواجد مع العلم ان معي عندنا الثنين
هايلكس 2010
و
ددسن 2012
^
^
الهايلكس مع الخط احلى من الددسن

[عاشق الددسن92]

لا بالله لا يغيرون شكله يخلونه مثل ما هو لا يصير شكله مثل الهايلوكس الجديد يسمونه البقرة ولا يحولونه من حديد الى فيبر ولا يرتفع سعره ل 90 الف
واللي يسبه 100% ما جربه الا ان كانه ما توفق فيه
ياما حملنا فيه ابل ما قال اح ما شاء الله عليه واللي جربه هو اللي يعرف قدره

[كم كيلو باقي]

الددسن ميزته الوحيدة كارونته حاشرة حشرة بنت ايه
لذلك يرغبونه الدرباوية في التخميس والاستعراض اكثر من الهايلوكس
لولا اختلاف الاذواق لبارت السلع

[سايق الريم]

اللي يسب الددسن ماجربه بس كلام بحكم تجربتي لددسن البخاخ ازين مافيه قيره ومكينته تتحمل الدفرنس لكم عليه ^_^

شفته عند العيسى قبل فترة لكن للاسف مواصفاته ناقصه كثير بعكس سوبر الحمراني

[فتى العشة.]

الددسن ماهتمت فيها الشركة من عام 1997
الي يهتمون فيه الحين هو النافارا والفرونتير
ومن الخطأ انك تقارن الددسن بالهايلوكس
قارن النافارا بالهايلوكس
العزم للنافارا
كبر المساحة للنافرا
الرخص للنافارا
قطع الغيار للهايلوكس

[العطاوي a511]

في احد للحين يشتري ددسن ؟؟؟

[مفضخ الشري]

واللي يسبه 100% ما جربه






واللي جربه هو اللي يعرف قدره




اللي يسب الددسن ماجربه بس كلام


والله الظاهر انتم اللي ماجربتو الا الددسن
ولا حنا هين مجربينه و باخصينه , نعم مكده يكد و اكيد بيكد كله مكينه و قير وحديد وش اللي بيتعطل فيه ؟
غيره ماشفت فيه حسنه وحده لا عزم ولا راحه ولا يجمل
واذا تكلمت عن الراحه مهب شرط يكون مركب كدلك بس مقارنه بأي موتر حوض حول قيمته و حول حجمه والله ان الددسن مايصف جنبهن ابد ابد
الهايلكس + الديماكس + النافارا + كولورادو + ونيت الميتسوبيشي
كلهن حول قيمه السوبر بس افضل منه مليون مرة !!
فكونا من التعصب ترا راس ماله حديد تكلم بشيء يدخل العقل
فيه اللي افضل من الددسن هاللحين ماظنتي احد بيطلع ددسن بـ77 الف الا انه مصفوق على راسه

[جني صغير]

٧٧ الف على دتسن خبل انا
أروح أطق فيها هايلكس او نيفارا ابرك لي

[سقم المعادي 1]

اشتري هايلكس غمارة بسبعين واللي بيركب معي زود اركبه في الحوض اريح له من غماره الددسن الثانيه
والسبعه الاف الباقيه اخليها بمخباتي

[عاشق الددسن92]

رجاء يا اخوان انا نزلت هذا الخبر للي حاب السوبر
وفي ناس يسئلون عنه فنزلته فقط لاغير وليس للمقارنه مع سياره اخرى
ولكم جزيل الشكر:heart::heart:

[ابو فهد...]

الددسن كان حمار مكده كان معي ٢٠٠٥ مشاء الله حمار مكده بس عزمه شوي دمار بس الجديد الله يستر منه شريت ٢٠١٢ كنت معجب به وكنت راعي تحميل وكشتات يوم مشت ١٢ بدا القير يقر ب ٢ و ٣
يوم وصل الممشى ٣٥ طقت الكارونه
وبعته وشريت هايلوكس ٢٠١٣ قطري ب٧٢ والحين ماشي ٧٠ الحمدالله كشتات ومراقى وتحميل بس يعيب الجديد صدامه الي قدام بس لقيت له حل ياي استرالي ومساعد مرسيدس
الددسن من يوم صار تايلندي ومكسيكي وهو ضايع
لاعزم
وقير وكارونه سواليف من ادنى شي يطق
وضيق
وقطع غيار ماتحصل
اجل البلاستيك الاسود الي تحت الصدام الامامي ب٦٠ !!!
والصدام الخلفي بدون الجسر الي داخل ب١٨٠٠ !!!
ب٧٤ اجيب هايلوكس قطريه جديده
هاذي تجربتي و وجهة نظري اتمنى تقبلونها ومشكور اخوي على الطرح

[سايق الريم]

والله الظاهر انتم اللي ماجربتو الا الددسن
ولا حنا هين مجربينه و باخصينه , نعم مكده يكد و اكيد بيكد كله مكينه و قير وحديد وش اللي بيتعطل فيه ؟
غيره ماشفت فيه حسنه وحده لا عزم ولا راحه ولا يجمل
واذا تكلمت عن الراحه مهب شرط يكون مركب كدلك بس مقارنه بأي موتر حوض حول قيمته و حول حجمه والله ان الددسن مايصف جنبهن ابد ابد
الهايلكس + الديماكس + النافارا + كولورادو + ونيت الميتسوبيشي
كلهن حول قيمه السوبر بس افضل منه مليون مرة !!
فكونا من التعصب ترا راس ماله حديد تكلم بشيء يدخل العقل
فيه اللي افضل من الددسن هاللحين ماظنتي احد بيطلع ددسن بـ77 الف الا انه مصفوق على راسه


والله ي كلامك متناقض :D اذا انت تتكلم على الددسن الدفرنسين ممكن لك عليه عزمة
لكن الدفرنس الظاهر انك تشتري شي مستعمل ومهلوك...!

لمعلوميتك مافي مرقا تراقاه الهايلكس الا والددسن يرقاه ;)

بنسبة لسعره اخبر اسعارها الجديدة المكسيكي في الخمسينات وتستاهل سعرها اما فوق 60 مايستاهل لا هو ولا الهايلكس

[تساهيل1]

لمعلوميتك مافي مرقا تراقاه الهايلكس الا والددسن يرقاه ;)



شف ي الغالي واضح انك رجال طيب
ماودي اقول ((تكذب)) محشوم
لاكن تأكد قبل تكتب

[ابو فهد...]

والله ي كلامك متناقض :D اذا انت تتكلم على الددسن الدفرنسين ممكن لك عليه عزمة
لكن الدفرنس الظاهر انك تشتري شي مستعمل ومهلوك...!

لمعلوميتك مافي مرقا تراقاه الهايلكس الا والددسن يرقاه ;)

بنسبة لسعره اخبر اسعارها الجديدة المكسيكي في الخمسينات وتستاهل سعرها اما فوق 60 مايستاهل لا هو ولا الهايلكس
ياحبيبي لو كان كذا كان كلن اخذ ددسن
شفهم بالقصيم مايراقون الا بهايلوكسات
وعلى كلامكم تقولون ان الدداسن اصبر
المفروض على كلامكم ياخذون
والله من ردى المكينه والقير والكارونه
المشكله تتعب وانت تقول بطه
ولكن الله يبين الحق

[عاشق الددسن92]

الددسن كان حمار مكده كان معي 2005 مشاء الله حمار مكده بس عزمه شوي دمار بس الجديد الله يستر منه شريت 2012 كنت معجب به وكنت راعي تحميل وكشتات يوم مشت 12 بدا القير يقر ب 2 و 3
يوم وصل الممشى 35 طقت الكارونه
وبعته وشريت هايلوكس 2013 قطري ب72 والحين ماشي 70 الحمدالله كشتات ومراقى وتحميل بس يعيب الجديد صدامه الي قدام بس لقيت له حل ياي استرالي ومساعد مرسيدس
الددسن من يوم صار تايلندي ومكسيكي وهو ضايع
لاعزم
وقير وكارونه سواليف من ادنى شي يطق
وضيق
وقطع غيار ماتحصل
اجل البلاستيك الاسود الي تحت الصدام الامامي ب60 !!!
والصدام الخلفي بدون الجسر الي داخل ب1800 !!!
ب74 اجيب هايلوكس قطريه جديده
هاذي تجربتي و وجهة نظري اتمنى تقبلونها ومشكور اخوي على الطرح


نفس هالكلام انقال على الهايلوكس التايلندي اول ما نزل لكن بعد 4 سنين طاروبه الناس ورتفع سعره واللي كان يسبه قام يمدحه

[عاشق الددسن92]

ياحبيبي لو كان كذا كان كلن اخذ ددسن
شفهم بالقصيم مايراقون الا بهايلوكسات
وعلى كلامكم تقولون ان الدداسن اصبر
المفروض على كلامكم ياخذون
والله من ردى المكينه والقير والكارونه
المشكله تتعب وانت تقول بطه
ولكن الله يبين الحق


اللي يخليهم يختارونه على الددسن انه صار موضه بين الشباب و تلقاهم ياخذونه باقصاد

[مفضخ الشري]

والله ي كلامك متناقض :D اذا انت تتكلم على الددسن الدفرنسين ممكن لك عليه عزمة
لكن الدفرنس الظاهر انك تشتري شي مستعمل ومهلوك...!

لمعلوميتك مافي مرقا تراقاه الهايلكس الا والددسن يرقاه ;)

بنسبة لسعره اخبر اسعارها الجديدة المكسيكي في الخمسينات وتستاهل سعرها اما فوق 60 مايستاهل لا هو ولا الهايلكس

وش التناقض بكلامي !

[sgl2002]

ياشباب انا مجرب الددسن ثلاث مرات وكل وحده تجلس معي سنتين


استخدمت 2001
2002 بخاخ
2003 غماره



موتر مكده دق سلف وامش مكينتها ابرك من الهايلكس اللي مليانه الورش منها توظيب
بالبر ممتازه ومعروفه عند اهلها من عهد 69
موتر بالعربي ينفع للشيبان


بس للاسف في المنتدى هذا عندهم السياره القوية هي اللي عزمها قوي ... وهذا دليل الجهل


مثال - من الاقوى لاندكروزر 85 ابو 12 بلف او 2011 ابو 8 سلندر -

أكيد بتقول القديم طيب ليش قلت القديم اقوى مع انه اضعف عزم


ياشباب القوة ماتقاس بالعزم فقط والا كان مواتر هل البر والقنص كلها بورش و فيراري!!!





المهم الددسن من 2005 وفوق عيبها الكارونة اما 2004 وتحت هذي خلاصة الددسن


2004-97 الثنتين هذي مانزل مثلها واللي تسب الددسن ترى ماهو بلازم تشتريه اذا ماتعرف تسوق

[ابو فهد...]

اللي يخليهم يختارونه على الددسن انه صار موضه بين الشباب و تلقاهم ياخذونه باقصاد


لا والله مهب موضه
موتر تتعب وانت تقول بطه

[فرار]

شي واحد مخرب الشكل كله الصدام الخلفي ولا السياره زوينه

[سايق الريم]

شف ي الغالي واضح انك رجال طيب
ماودي اقول ((تكذب)) محشوم
لاكن تأكد قبل تكتب


متأكد من كلامي :D

[سايق الريم]

ياحبيبي لو كان كذا كان كلن اخذ ددسن
شفهم بالقصيم مايراقون الا بهايلوكسات
وعلى كلامكم تقولون ان الدداسن اصبر
المفروض على كلامكم ياخذون
والله من ردى المكينه والقير والكارونه
المشكله تتعب وانت تقول بطه
ولكن الله يبين الحق

القصيم م يحتاج كلها تويوتا لو جبتله فورد رابتر ولا شاص تويوتا اخذ الشاص :eek:

الهايلكس كلنا نعرف ان قيره لك عليه موديلات من 2002 الى 2005

الددسن مشكلته يطيح بيدين ناس عليميه تلقاه داخل النفود بكفر السلق ومنزل وجه الددسن :D

اكيد م راح يمشي كل شوي مغرز ..

اما سالفة بطة...اخبرها تقال للاندكروزر :D

والددسن بالخط تراه يمشي مشي طيب :good2:

[سايق الريم]

ياشباب انا مجرب الددسن ثلاث مرات وكل وحده تجلس معي سنتين


استخدمت 2001
2002 بخاخ
2003 غماره



موتر مكده دق سلف وامش مكينتها ابرك من الهايلكس اللي مليانه الورش منها توظيب
بالبر ممتازه ومعروفه عند اهلها من عهد 69
موتر بالعربي ينفع للشيبان


بس للاسف في المنتدى هذا عندهم السياره القوية هي اللي عزمها قوي ... وهذا دليل الجهل


مثال - من الاقوى لاندكروزر 85 ابو 12 بلف او 2011 ابو 8 سلندر -

أكيد بتقول القديم طيب ليش قلت القديم اقوى مع انه اضعف عزم


ياشباب القوة ماتقاس بالعزم فقط والا كان مواتر هل البر والقنص كلها بورش و فيراري!!!





المهم الددسن من 2005 وفوق عيبها الكارونة اما 2004 وتحت هذي خلاصة الددسن


2004-97 الثنتين هذي مانزل مثلها واللي تسب الددسن ترى ماهو بلازم تشتريه اذا ماتعرف تسوق



كلامك مضبوط..:good:

بس الدفرنس الجديد من 2005 وطالع تحميل +النفود افضل من 2004
اما الخط دفرنس 2004 افضل ومن ناحية التحمل كلهن مثل بعض يتحملون لكن بحدود المعقول

لكن بعض الناس متعصبين بزود..الشاص تويوتا كرونته الامامية تنفرط من ادنى شي وما اشوف احد تكلم :D

[عاشق الددسن92]

ياحبيبي لو كان كذا كان كلن اخذ ددسن
شفهم بالقصيم مايراقون الا بهايلوكسات
وعلى كلامكم تقولون ان الدداسن اصبر
المفروض على كلامكم ياخذون
والله من ردى المكينه والقير والكارونه
المشكله تتعب وانت تقول بطه
ولكن الله يبين الحق


لو كلامك صحيح كان ما اختاروه الدرباويه لكن شفه يلعبون فيه لعب لا خرب ولاشي بالعكس الهايلوكس هو اللي يخرب بسرعه على كلامهم وسبب اختيارهم للددسن قوته و تحمله وتراني منيب مع اللي يسوونه بس جبتهم كمثال

[ابو فهد...]

لو كلامك صحيح كان ما اختاروه الدرباويه لكن شفه يلعبون فيه لعب لا خرب ولاشي بالعكس الهايلوكس هو اللي يخرب بسرعه على كلامهم وسبب اختيارهم للددسن قوته و تحمله وتراني منيب مع اللي يسوونه بس جبتهم كمثال

الدرباويه ياحبيبي يشركون الكارونه

[هاوي بلادي]

السلام عليكم

اذكروا الله ياشباب

وتعوذ من الشيطان


من تجربه نسيان 1995

بك اب

له معي 4 سنوات من اخذت

سفر -تطعيس -تحميل -كشته

والى الان معي

والحمد لله ماغير غيرت كفرات

والاشياء الدوريه بواجي وبلاتين -زيت مكينة

وغيرها فقط ومشي زي الحلاوة

بالنسبه للجيل 2000 والشكل الجديد

اشوف اللي حولي يمدحون موديلات 2000-2004

كان تحمل وقوة حق كد وتطعيس

2005 -2008 او 2009

تحميل + تطعيس لكن حق خط يقولون راعي حنه ؟

ثم انقطاع الياباني

وجاك هالتعبان المكسيكي وغيرها

وابرز الخرابات من اللي شتفهم وسمعت منهم

القير 2-3 يقر مايعشق وربلات ابواب

والكارونه تضرب !

والناس تقول مافي احلى منا

ولا جاهم شي !

نسيان ابدعت بنافارا

بكل صراحه

ومن تجربه

كان عندي واحد 2010 لكن راح بالحادث


الموتر كان راحه وقوة تحمل وحق سفر وحق بر

والحمد لله على كل حال

المقارنه بالنسيان با تويوتا

مابين الهلي ونافارا من حيث القوة والراحه

وبدون زعل ياحقين ددسن

الحق حق

ددسن صر ماهو زين مثل الاول

بسبب هالخرابات اللي طلعت في

تحياتي لكم

[كاشت في الحوش]

والله اللي يقرا يحسب ان الددسن تاتا ولا من السيارات الصينية

لكن هي وحده من ثنتين يا أن اللي سبوا ما جربوا الموتر أو أنهم من اصحاب الهايلوكسات:D

عموما الددسن معروف والله يبارك للجميع
أبو احمد

[aoodiy]

ماتستاهل الــ 77

[عاشق الددسن92]

والله اللي يقرا يحسب ان الددسن تاتا ولا من السيارات الصينية

لكن هي وحده من ثنتين يا أن اللي سبوا ما جربوا الموتر أو أنهم من اصحاب الهايلوكسات:D

عموما الددسن معروف والله يبارك للجميع
أبو احمد

:thumbup::thumbup::thumbup:

[عاشق الددسن92]

ماتستاهل الــ 77

اعتقد السعر اقل من 77

[عاشق الددسن92]

والله اللي يقرا يحسب ان الددسن تاتا ولا من السيارات الصينية

لكن هي وحده من ثنتين يا أن اللي سبوا ما جربوا الموتر أو أنهم من اصحاب الهايلوكسات:D

عموما الددسن معروف والله يبارك للجميع
أبو احمد

:good::good::good::good2:

[H_S_L_T]

http://im49.gulfup.com/MlYKYs.jpg (http://www.gulfup.com/?crAoLc)

[كاشت في الحوش]

ماشاء الله
موترك دبل؟

أرسلت من GT-N7100 بإستخدام تاباتلك

[H_S_L_T]

ماشاء الله
موترك دبل؟

أرسلت من GT-N7100 بإستخدام تاباتلك
لا

2007 :D

[الوثائقي]

مهما قلتوا عن الددسن تبقى ام اعزيز ام الجمايل وتعطي اكثر من ماتاخذ وهي السيارة الااكثر شعبية وخصوصا عندنا حنا يالبدو وهي السيارة اللي تعلمنا على ضهرها السواقة وامرحنا في صندوقها في الخلا وقنصنا عليها ومن شكمانها طرحنا الضبان والله لو اعدد جمايل ام عزيز ماوفيتها حقها

بصراحة الددسن ليست مجرد سيارة



واليكم اخواني عشاق العراوي ذالك المقطع للدسن الجديدة كليا 2015 اتوقع شركة نيسان دمجت النافارا والددسن بسيارة واحدة واصبح اسمها np300 واتوقع سوف يتم ايقاف تصنيع الددسن القديم
http://www.youtube.com/watch?v=ly1m-JZ6DIs

وجهيتها تشبه الباترول الجديد وحسب ماسمعت مكينتها تصل الى 190 حصان صافي ويوجد منها 6 سلندر دبل يعني عز الطلب